រឿង ៥ យ៉ាងដែលមនុស្សស្រីមានសុខភាពល្អធ្វើពេលម៉ោង ៧ ព្រឹក

2017-03-20 02:00:14
ចំនួនមតិ 0 | ចំនួនចែករំលែក 0

តើមុនម៉ោង៧ ព្រឹកអ្នកបានធ្វើរឿងអីខ្លះ? អ្នកមិនគួរចំណាយពេលយូរក្នុងការគេងរហូតដល់លើសម៉ោង៧ព្រឹកនោះទេ គួរតែភ្ញាក់ហើយធ្វើរឿងមួយចំនួនដែលអាចជួយឲ្យអ្នកមានសុខភាពល្អ។ហើយនេះជាអ្វីដែលមនុស្សស្រីមានសុខភាពល្អធ្វើជារៀងរាល់ព្រឹក៖

១.មិនដំអក់ក្នុងការក្រោកពីដំណេក ៖ ការដំអក់ក្នុងការក្រោកពីគេងគឺមិនមែនជារឿងល្អនោះទេ វារឹតតែធ្វើឲ្យអ្នកអស់កម្លាំងហើយរឹតតែខ្ជិល ដូច្នេះអ្នកមិនគួរទម្លាប់ដំអក់ងើបពីគេងនោះទេ។

២.មិនលេងទូរស័ព្ទ ៖ ការលេងទូរស័ព្ទពេលដែលក្រោកពីដំណេកគឺជាការខ្ជះខ្ជាយពេលវេលាមួយ ព្រោះមានរឿងជាច្រើនដែលអ្នកត្រូវធ្វើ ហើយពេលខ្លះវាអាចនឹងធ្វើឲ្យអ្នកមានអារម្មណ៍ខ្ជិល លែងចង់ធ្វើអ្វីទៀតផង ដូច្នេះបើមិនចាំបាច់នោះទេគួរតែកុំលេងវាអី។

៣.ហាត់ប្រាណ ឬ ហាត់ Yoga ៖ ត្រូវចំណាយពេលទៅតាមអ្វីដែលអ្នកអាចធ្វើបាន ទោះបីជាអ្នកហាត់ប្រាណនៅខាងក្រៅ ឬក៏ហាត់ Yogaនៅឯផ្ទះក៏ដោយក៏អ្នកត្រូវឆ្លៀតពេលដែរ ព្រោះវាជារឿងសំខាន់មួយសម្រាប់សុខភាព។

៤.កត់ចំណាំពីអ្វីដែលត្រូវធ្វើ ៖ ត្រូវមានពេលវេលា និង ម៉ោងឲ្យបានត្រឹមត្រូវពីអ្វីដែលអ្នកត្រូវធ្វើ មិនមែនចេះតែធ្វើអីដូចក្មេងនោះទេ ហើយវាពិតជាទម្លាប់មួយដ៏ល្អដែលអាចឲ្យអ្នកគ្រប់គ្រងពេលវេលាខ្លួនឯងបានយ៉ាងល្អ។

៥.ញ៉ាំអាហារពេលព្រឹកដែលល្អចំពោះសុខភាព ៖ ដូចដែលដឹងហើយថាអាហារពេលព្រឹកគឺសំខាន់ណាស់សម្រាប់សុខភាព ដូច្នេះអ្នកត្រូវចេះជ្រើសរើសអាហារណាដែលល្អ និង ទ្រទ្រង់រាងកាយអ្នក។

ចុះអ្នកអានមានបានធ្វើដូចអ្វីដែលមាននៅខាងឬនៅ? បើអត់ទាន់ធ្វើទេគួរតែព្យាយាមធ្វើវាទៅណា។

ប្រភព ៖ Careergirldaily

ប្រែសម្រួល៖ ផេង ផលធិតា