ស្រីៗគួរចេះ ៦ នេះវិធី ដើម្បីជួយសម្រាលទុក្ខលំបាក និងធ្វើឲ្យមិត្តភ័ក្តិសើចវិញបាន
- 2017-03-18 06:46:37
- ចំនួនមតិ 0 | ចំនួនចែករំលែក 0
ស្រីៗគួរចេះ ៦ នេះវិធី ដើម្បីជួយសម្រាលទុក្ខលំបាក និងធ្វើឲ្យមិត្តភ័ក្តិសើចវិញបាន
គេថាមិត្តល្អអាចពឹងពាក់ជួយគ្នាក្នុងគ្រាលំបាកបាន។ ដូចនេះដើម្បីអាចជួយសម្រាលទុក្ខលំបាក់ខ្លះៗពីមិត្តភ័ក្ដិបាន យើងគួរចេះវិធីទាំង ៦ ខាងក្រោមនេះ៖
១.ស្ដាប់គេរៀបរាប់ស្ថានភាពនៃទុក្ខលំបាក៖ បើមិត្តភ័ក្ដិជ្រើសរើសយើងឲ្យស្ដាប់នូវទុក្ខលំបាករបស់គេ មានន័យថាយើងជាមនុស្សសំខាន់សម្រាប់គេ។ ដូចនេះគួរស្ដាប់ការរៀបរាប់របស់គេដោយយកចិត្តទុក្ខដាក់បំផុត នោះគេក៏អាចរំសាយទុក្ខកង្វល់ខ្លះៗដែរ។
២.ជួយផ្ដល់ដំបូន្មានល្អៗ៖ ប្រសិនបើពួកម៉ាកឈឺចិត្តស្អិតទ្រូងមានគំនិតផ្ដេសផ្ដាស់ យើងមិនគួរធ្វើចរិតហៃអើៗតាមចិត្តគេទេ តែគួរតែផ្ដល់ជាដំបូន្មានល្អៗវិញ ទើបអាចជួយគេបាន។
៣.ផ្ដល់ពេលបន្តិចសម្រាប់គេ៖ មនុស្សខ្លះត្រូវការនៅស្ងៀមស្ងាត់ ដើម្បីដោះស្រាយបញ្ហាផ្ទាល់ខ្លួនរបស់ពួកគេ ដោយមិនចង់ឲ្យនរណាម្នាក់នៅជិត។ ដូចនេះយើងគួរតែផ្ដល់ពេលផ្ទាល់ខ្លួនបន្តិច និងមិនគួរសួរដេញដោរពេលនេះឡើយ។
៤.នាំទៅញ៉ាំអាហារដែលគេចូលចិត្ត៖ យើងគួរតែដឹងថាមិត្តភ័ក្ដិចូលចិត្តញ៉ាំអាហារប្រភេទណាហើយ ដូចនេះពេលគេមិនសប្បាយចិត្តគួរនាំទៅញ៉ាំអាហារដែលគេចូលចិត្ត នោះទុក្ខសោកនឹងរសាយបានខ្លះដែរ។
៥.ឱបគេឲ្យណែន៖ នៅពេលមិត្តជួបការលំបាក គួរតែឱបគេឲ្យណែន និងប្រាប់ឥ្យគេយំឲ្យអស់មក ហើយពេលយំអស់កាលណាអារម្មណ៍តានតឹងនឹងបានធូរស្រាលមកវិញខ្លះ។
៦.ធ្វើឲ្យគេសើច៖ គួរតែស្វែងរកវិធីណាដែលអាចឲ្យគេសើចបាន ដូចជារំលឹករឿងចាស់ៗ និងប្រឡែងគ្នាលេង ដើម្បីបន្លប់អារម្មណ៍មិនល្អដែលគេកំពុងមាន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
