រឿង ៩ យ៉ាងស្រ្តីត្រូវដឹង ព្រោះគ្មានអ្នកប្រាប់យើងពីការរៀបចំខ្លួន ធ្វើជាម្ដាយដ៏ល្អ
- 2017-03-17 07:39:29
- ចំនួនមតិ 0 | ចំនួនចែករំលែក 0
រឿង ៩ យ៉ាងស្រ្តីត្រូវដឹង ព្រោះគ្មានអ្នកប្រាប់យើងពីការរៀបចំខ្លួន ធ្វើជាម្ដាយដ៏ល្អ
សម្រាប់ស្ត្រីមានផ្ទៃពោះ នេះជារឿងសំខាន់ណាស់ដើម្បីក្លាយខ្លួនជាម្ដាយដ៏ល្អម្នាក់ ព្រោះគ្មាននរណាគេប្រាប់យើងឡើយ មានតែស្វែងយល់ដោយខ្លួនឯង។ រឿងទាំងនោះមាន៖
១.មិនដូចការរំពឹងទុក
ស្ត្រីមួយចំនួនហ៊ានលះបង់សព្វបែបគ្រប់យ៉ាង ដើម្បីត្រៀមខ្លួនធ្វើជាម្ដាយគេពេលការរួច។ តែជាក់ស្ដែងការមានផ្ទៃពោះមិនមែនចេះមាននោះទេ ទាមទារឲ្យយើងត្រូវតេស្ដសុខភាពជាច្រើនដង និងថែបំប៉នរាងកាយឲ្យមាំមួនទើបជាការប្រសើរ។
២.មានអារម្មណ៍ថាខ្លួនឯងមិនដូចម្ដាយក្នុងកុន
ក្នុងទូរទស្សន៍យើងតែងឃើញអ្នកមានផ្ទៃពោះនៅតែមានរូបរាងស្លីមដដែល តែយើងវិញបែរជាឡើងទម្ងន់មិនឈប់។ នេះជារឿងពិត តែម្ដាយនៅក្នុងរឿងនោះវិញទេ ទើបមិនពិត ព្រោះស្ត្រីមានទម្ងន់តែងឡើងគីឡូជាទាំងអស់គ្នា។
៣.ឈឺចុកពេញខ្លួន
ពេលមានផ្ទៃពោះ អ្នកម្ដាយគ្រប់រូបនឹងមានអាការៈចុករោយខ្នង ចង្កេះ, គេងមិនលក់ ហើយខ្លះទៀតមានអាការៈហើមដៃដើមជើងក៏មាន។
៤.បង្កើតកូនមិនមែនងាយស្រួលដូចក្នុងរឿង
ឈុតឆាកក្នុងខ្សែភាពយន្តពេលស្ត្រីឈឺពោះ គ្រាន់តែចូលបន្ទប់សម្រាលបន្តិច ក្រោយមកក៏ឮសំឡេងក្មេងយំ។ តែធាតុពិតការឈឺពោះឆ្លងទន្លេមិនមែនមួយម៉ោងឡើយ អាចឈានដល់ពីរថ្ងៃក៏មាន ហើយទម្រាំតែកូនកើតមកម្ដាយដង្ហើមដកសឹងមិនដល់គ្នា។
៥.អារម្មណ៍ក្ដុកក្ដួលពេលបីកូនដំបូង
ក្រោយពេលផ្ដល់កំណើតដល់កូនរួច គ្រូពេទ្យនឹងនាំទារកមកឲ្យយើងបំបៅ ពេលនោះម្ដាយគ្រប់រូបនឹងមានអារម្មណ៍ក្ដុកក្ដួលហូរទឹកភ្នែក ព្រោះអាចឲ្យកូនឃើញពន្លឺព្រះអាទិត្យដោយជោគជ័យ។ ហើយពេលម្ដាយបីកូនដំបូងរឿងត្រូវធ្វើ គឺពិនិត្យរូបរាងកាយកូន ព្រោះខ្លាចមានអ្វីមិនប្រក្រតី។
៦.កូនចាប់ផ្ដើមលូតលាស់
ទារកចាប់តាំងពីកើតភ្លាម រូបរាងកាយគេក៏លូតលាស់ និងប្រែប្រួលមិនមិនឈប់ឈរដែរ។ ដូចនេះហើយកូនខ្លះអាចមិនស្រស់ស្អាត ឬគួរឲ្យស្រលាញ់ដូចពេលកើតភ្លាមក៏មានដែរ។
៧.ខ្លាចកូនយំ
ម្ដាយដែលទើបមានកូនដំបូងតែងមានអារម្មណ៍បែបនេះគ្រប់គ្នា ដោយខ្លាចកូនឈឺ ហើយអ្នកខ្លះពេលកូនយំ យំតាមកូនក៏មាន ជាពិសេសខ្លាចសូម្បីតែងូតទឹកឲ្យកូន។
៨.មិនបានគេងពេញភ្នែករយៈពេលយូរ
អំឡុងពេលមានផ្ទៃពោះយើងមិនសូវបានគេងច្រើនម្ដងហើយ។ ពេលសម្រាលកូនរួចយើងនៅតែមិនបានគេងពេញភ្នែកយ៉ាងហោចណាស់ក៏ជិតមួយឆ្នាំបន្ថែមទៀតដែរ។
៩.អ្វីៗប្រែជាមានតម្លៃ
ពេលកូនកើតមកនោះហើយ ទើបយើងដឹងថាពិភពលោកពិតជាមានតម្លៃប៉ុណ្ណា។ ប្រែជាយល់ដឹងពីតម្លៃនៃទឹកចិត្តម្ដាយដែលគិតគូរពីកូនគ្រប់ពេល ហើយធ្វើអ្វីៗគឺដើម្បីកូនទាំងអស់៕