អត្ថប្រយោជន៍ដ៏អស្ចារ្យដែលគូស្នេហ៍ទទួលបានពេលដែលហាត់ប្រាណជាមួយគ្នា

2017-03-07 11:27:04
ចំនួនមតិ 0 | ចំនួនចែករំលែក 0

ការហាត់ប្រាណឬលេងកីឡាគឺជារឿងដ៏ល្អមួយដែលអ្នកគួរតែធ្វើ ហើយវារឹតតែពិសេសបើអ្នកអាចហាត់ឬលេងជាមួយដៃគូរបស់អ្នកព្រោះវាពិតជាផ្ដល់អត្ថប្រយោជន៍ជាច្រើនដូចជា៖

1. ជំរុញទំនាក់ទំនងរបស់អ្នកឲ្យកាន់តែជិតស្និទ្ធ ៖ នៅពេលដែលអ្នកលេងកីឡា ឬហាត់ប្រាណជាមួយដៃគូរបស់អ្នក នោះវារឹតតែអ្នកនិងគាត់កាន់តែស្និទ្ធស្នាល មានពេលជាមួយគ្នាកាន់តែច្រើន។

2. ការហាត់ប្រាណរបស់អ្នកកាន់តែមានប្រសិទ្ធភាព ៖ ពេលដែលអ្នកធ្វើអ្វីដែលមានដៃគូនៅជាមួយ អ្នកប្រាកដជាមានទឹកចិត្ត ហើយចង់ឲ្យគាត់ឃើញថាអ្នកល្អ ពូកែ ដូច្នេះអ្នកប្រាកដជាខំប្រឹងធ្វើវា។

3. ធ្វើឲ្យដៃគូរបស់អ្នកមានអារម្មណ៍ពិសេស ៖ នៅពេលដែលអ្នកធ្វើអ្វីក៏មានគាត់ហើយគាត់ក៏មានអ្នក នោះពិតជាធ្វើឲ្យគូស្នេហ៍មានអារម្មណ៍កក់ក្ដៅ និងគិតថាខ្លួនឯងពិសេសបំផុត។

4. ជួយឲ្យអ្នកឆាប់សម្រេចគោលដៅ ៖ ពេលខ្លះអ្នកហត់ អ្នកបាក់ទឹកចិត្ត មិនចង់បន្តហាត់ ឬលេងវាទៀត តែពេលដែលមានការលើកទឹកចិត្តពីមនុស្សដែលអ្នកស្រឡាញ់នោះអ្នកនឹងមានកម្លាំងចិត្តក្នុងការធ្វើវាបន្ត។

5. កាត់បន្ថយការស្មុគស្មាញ និងបង្កើនអារម្មណ៍ល្អ ៖ ដូចអ្នកដឹងហើយថាការហាត់ប្រាណ ឬលេងកីឡាអាចជួយបំបាត់ភាពស្មុគស្មាញ អារម្មណ៍មិនល្អ និងជួឲ្យសុខភាពល្អ ដូច្នេះអ្នកនិងគាត់ក៏មិនសូវជាមានរឿងមិនល្អជាមួយគ្នាដែរ។

ដូច្នេះបើអាចអ្នកគួរតែហាត់ប្រាណ ឬលេងកីឡាជាមួយដៃគូរបស់អ្នកទៅព្រោះវាពិតជាល្អខ្លាំងណាស់។

ប្រភព៖ Womanitely

ប្រែសម្រួល៖ ផេង ផលធិតា