ស្រីៗគួរប្រយ័ត្ន បើមានស្នាមអុជក្រហមបែបនេះលើដងខ្លួន
- 2017-02-27 05:02:25
- ចំនួនមតិ 0 | ចំនួនចែករំលែក 0
ស្រីៗគួរប្រយ័ត្ន បើមានស្នាមអុជក្រហមបែបនេះលើដងខ្លួន
ចំពោះស្ត្រីមួយចំនួន បើស្រាប់តែឃើញស្នាមក្រហមដូចប្រជ្រុយលើស្បែកនោះ គួរប្រយ័ត្នផង។ ខាងក្រោមនេះគឺជាមូលហេតុដែលបង្កវាឡើង ព្រមទាំងវិធីដោះស្រាយដែលអ្នកគួរដឹង។
មានមូលហេតុ២ធំៗដែលបង្កឲ្យមានស្នាមនេះ៖
១. អាយុ៖ មានស្ត្រីជាច្រើនដែលមានស្នាមនេះ (angiomas)នៅអាយុប្រហែល ៣០ឆ្នាំ ឬលើសពីនេះ។ វាមើលទៅដូចជាប្រជ្រុយរាងប៉ោង ហើយច្រើនកើតលើខ្លួន ដៃនិងស្មា។ វាបង្ករឡើងដោយសារតែការផ្លាស់ប្ដូរវ័យ, ស្បែក ព្រមទាំងសរសៃឈាមផងដែរ។
២. បញ្ហាសុខភាព៖ ករណីខ្លះ ស្នាមនេះក៏ចង់បង្ហាញពីបញ្ហាសុខភាព ព្រមទាំងការរស់នៅមិនសមស្របរបស់យើងផងដែរ។ បើវារាលដាលច្រើនឡើងៗ គឺអាចបង្ហាញថាយើងកំពុងមានបញ្ហាថ្លើម, បញ្ហាទាក់ទងនឹងសរសៃឈាម ឬក៏បញ្ហាអ័រម៉ូនហើយ។
វិធីដោះស្រាយ៖
បើយើងស្រាប់តែសំគាល់ឃើញស្នាមក្រហមទាំងនេះកាន់តែធំ, កាន់តែពក ហើយរាលដាលច្រើន ជម្រើសសមស្របគឺទៅជួបគ្រូពេទ្យទើបល្អ។ តាមពិត វាមិនមែនជាប្រភេទជំងឺអ្វីដែលធ្ងន់ធ្ងរ ត្រូវសង្គ្រោះបន្ទាន់ទេ តែយើងក៏មិនគួរបណ្ដោយដែរ។
ម្យ៉ាងទៀត យើងត្រូវរស់នៅប្រកបដោយផាសុកភាព ដោយការញ៉ាំទឹកផ្លែឈើ, ទឹក, បន្លែ និងអាហារសុខភាពមួយចំនួនទៀតឲ្យបានច្រើន។ វិធីនេះនឹងជួយស្បែកឲ្យមានសុខភាពកាន់តែល្អ៕