Angelina Jolie ចង់ដឹងពីខ្មែរឱ្យកាន់តែច្បាស់ ជាពិសេសការគិតរបស់ឪពុកម្ដាយ Maddox
- 2017-02-19 06:03:15
- ចំនួនមតិ 0 | ចំនួនចែករំលែក 0
Angelina Jolie ចង់ដឹងពីខ្មែរឱ្យកាន់តែច្បាស់ ជាពិសេសការគិតរបស់ឪពុកម្ដាយ Maddox
Angelina Jolie បានមកស្នាក់នៅក្នុងខេត្តសៀមរាប ដើម្បីចូលរួមកម្មវិធីសម្ពោធរឿង "មុនដំបូងខ្មែរក្រហមសម្លាប់ប៉ារបស់ខ្ញុំ" កាលពីម្សិលមិញនេះ។
ក្នុងឱកាសនោះដែរ តារាសម្ដែងល្បីឈ្មោះនិងមានចិត្តធម៌រូបនេះបានបង្ហាញចំណាប់អារម្មណ៍ទាក់ទងនិងខ្សែភាពយន្ដក៏ដូចជាកូនប្រុស Maddox ដែលលោកស្រីយកទៅចិញ្ចឹមនោះថា៖ “ខ្ញុំចូលរួមថតខ្សែភាពយន្ដមួយនេះ មិនមែនសំដៅតែសង្គ្រាមមួយទេ ប៉ុន្តែវាជាការស្រលាញ់ក្នុងគ្រួសារមួយ និងប្រទេសមួយដ៏ស្រស់ស្អាត។ មួយវិញទៀត ខ្ញុំក៏ចង់ស្វែងយល់ពីអារម្មណ៍ ការគិតរបស់ឪពុកម្ដាយ Maddox កូនប្រុសរបស់ខ្ញុំ ដែលធ្លាប់បានគិតផងដែរ។ ខ្ញុំចង់យល់ពីគាត់ឱ្យច្រើន ហើយខ្ញុំក៏ចង់យល់ពីប្រទេសនេះឱ្យកាន់តែច្បាស់ផងដែរ”។
Angelina Jolie បានយកក្មេងប្រុសជនជាតិកម្ពុជាម្នាក់ទៅចិញ្ចឹមនៅឆ្នាំ២០០២កន្លងទៅ ហើយក៏បានដាក់ឈ្មោះឱ្យជា Maddox តែម្ដងទៅ។ តារាសម្ដែងខាងលើនេះ តែងតែចង់ឱ្យកូនប្រុសចិញ្ចឹមរបស់អ្នកស្រីយល់ច្បាស់ពីស្រុកកំណើតរបស់គេ ដោយតែងតែនាំមកជាមួយជានិច្ច ប្រសិនណាបើអ្នកស្រីមកប្រទេសកម្ពុជា៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
