៧ចំណុច ជួយដល់កែវភ្នែកតាមបែបធម្មជាតិ

2017-02-18 08:05:26
ចំនួនមតិ 0 | ចំនួនចែករំលែក 0

កែវភ្នែកទាំងគូ ពិតជាសំខាន់ណាស់សម្រាប់មនុស្សគ្រប់រូប បើសម្រាប់នារីវិញ ការថែទាំភ្នែកពិតជាមានសារៈសំខាន់។ ពេលនេះ វិបសាយ ចំណេះដឹងទូទៅ Witty Feed បានណែនាំ តិចនិក ៧ចំណុច ជំនួយដល់ភ្នែក តាមបែបធម្មជាតិដូចខាងក្រោម៖

១. សម្ងំបិទភ្នែក ២ ទៅ ៣ នាទី ក្នុងរយៈពេល ២ម៉ោង១ដង

សម្រាកភ្នែកអ្នក ២ ទៅ៣នាទីឲ្យបានម្ដង ជារៀងរាល់ រយៈពេល២ទៅ ៣ម៉ោង។ ចៀសវាងការខំប្រឹងសម្លឹងមើលហួសហេតុ។

២. លំហាត់ប្រាណភ្នែក

ធ្វើចលនាគ្រាប់ភ្នែកតាមគំនូសព្រួញខាងក្រោម តាមលេខលំដាប់លំដោយ បាន១ដងជារៀងរាល់ថ្ងៃ ជួយដល់ភ្នែករបស់អ្នក។

៣. បើអ្នកពាក់វ៉ែនតា ឧស្សាហ៍ដោះវាចេញខ្លះ

ពាក់វ៉ែនតា គឺមានន័យថា អ្នកប្រើភ្នែកឲ្យធ្វើការច្រើន អ៊ីចឹងគួរដោះវាចេញខ្លះ ដើម្បីសម្រាកភ្នែកបានខ្លះ។

៤. ញ៉ាំទឹកការ៉ុត ជំនួយភ្នែក

ផឹកទឹកការ៉ុត បាន១កែវក្នុង១ថ្ងៃ ជារឿងល្អសម្រាប់ភ្នែក។ សារធាតុក្នុងការ៉ុត ជួយឲ្យភ្នែកអ្នកមើលឃើញបានច្បាស់។

៥. ដើរទៅក្រៅ កុំភ្លេចមើលឲ្យបានឆ្ងាយ

ពេលដើរកម្សាន្តទៅខាងក្រៅ ឧស្សាហ៍សម្លឹងមើលទេសភាព ឲ្យបានឆ្ងាយៗ។ ទម្លាប់បែបនេះ ជួយឲ្យភ្នែកអ្នកមានសុខភាពល្អ និងមើលឆ្ងាយបានច្បាស់។

៦. លុបលាងមុខ និងភ្នែក នឹងទឹកក្តៅឧណ្ឌៗ

លុបលាងមុខ នឹងទឹកក្តៅឧណ្ឌៗ មិនត្រឹមតែជួយឲ្យមុខ និងភ្នែកអ្នកចាកចេញពីភាពងងុយ ថែមទាំងជួយឲ្យអារម្មណ៍ស្រស់ស្រាយ មើលបានច្បាស់។

៧. ប្រយ័ត្ន ពេលសម្លឹងមើល អេក្រង់ទូរស័ព្ទ ឬកុំព្យូទ័រ

បើស្រលាញ់ភ្នែក គប្បីកុំសម្លឹងមើលអេក្រង់ កុំព្យូទ័រ ឬទូរស័ព្ទកៀក ជាពិសេសមិនត្រូវសម្លឹងមើល អេក្រង់ទូរស័ព្ទ ក្នុងរយៈពេល២ម៉ោងមុនចូលគេង ដើម្បីកុំឲ្យភ្នែកឆាប់ខូច។