ជឿអត់បើស្រីៗប្រាប់ថាដើរផ្សារម៉ាភ្លែត?
- 2017-02-17 07:51:32
- ចំនួនមតិ 0 | ចំនួនចែករំលែក 0
ជឿអត់បើស្រីៗប្រាប់ថាដើរផ្សារម៉ាភ្លែត?
ដើរផ្សារជាចំណូលចិត្តរបស់ស្រ្តីៗ ឲ្យស្រីៗដើរផ្សារមិនចេះហត់ មិនចេះធុញ ថែមទាំងសប្បាយភ្លេចខ្លួន ហើយចូលចិត្តនិយាយថា ដើរផ្សារម៉ាភ្លែតទេ។ ជឿអត់? តោះអានបន្តិចមើល ម៉េចបានស្រីៗឲ្យតែបានដើរផ្សារស៊ីម៉ោងយូរអត់ដឹងខ្លួន?
កញ្ញាបានសួរស្រីៗគ្រប់វ័យប្រមាណ ១០នាក់ ទាក់ទងនឹងចំណូលចិត្តដើរផ្សារនេះ ក្នុងនោះ៧នាក់បានឲ្យដឹងថា ដើរផ្សារពិតជាជក់ចិត្ត ពេលខ្លះថាដើរតែមួយភ្លែតទេ តែដល់ពេលទៅដល់ឃើញខោអាវស្អាតៗ ឬមានលក់របស់ប្លែកៗ ក៏លង់ខ្លួនទៅ។
ឯ៣នាក់ទៀតប្រាប់ថា ឲ្យដើរលឿនម៉េចឃើញរបស់ល្អហើយ ត្រូវនៅពិនិត្យមើលឲ្យហ្មត់ចត់ ទិញប្រញាប់ៗខ្លាចទិញខុស បើខោអាវវិញត្រូវចំណាយពេល ល រើសពណ៌ ហើយពេលខ្លះត្រូវចាំអ្នកទិញផ្សេងទៀតដើរចេញអស់ស្រួលតថ្លៃ។
ចំណែកយុវតី រក្សា និយាយថា បើនាងវិញដឹងថាខ្លួនឯងដើរយូរហើយ ចឹងមិនឲ្យអ្នកណាចាំ ឬប្រាប់គេថាមួយភ្លែតទេ តែបើមានពេលតិច សុំមិនដើរផ្សារទេ ព្រោះមើលអីក៏មិនទាន់ដែរ នាំខូចអារម្មណ៍ ។ ជាមួយគ្នានេះ នារីម្នាក់ទៀតក្នុងចំណោមនោះ និយាយដោយសំណើចតិចៗថា ស្រីៗបានដើរផ្សារ ដូចគេប្រលែងចេញពីទ្រុងចឹង មើលអីក៏មិនឆ្អែតដែរ ជាពិសេសពេលទៅដើរផ្សារនៅក្រៅស្រុក ដើរដាច់ជើងចោល ទិញយួរដាច់ដៃចោល។
ស្ត្រីចំណាស់បន្តិច ឈ្មោះ សុឡាង ប្រាប់ថា ពេលគាត់មានបេសកកម្មការងារនៅក្រៅប្រទេស ដើរផ្សារគឺជាទីន្លែងដែលគាត់ប្រាថ្នា ដើរមើល ដើរទិញទល់តែផ្សារបិទទើបឈប់ដើរ ព្រោះកម្រមានឱកាស។
អានហើយឃើញថា ស្រីៗកម្រដើរផ្សារលឿនណាស់ ចុះប្រិយមិត្តវិញដើរផ្សារយូរទេម្តងៗ?