តារាស្រី K-Pop ៥រូបដែលសម្រកទម្ងន់បានជោគជ័យដោយប្រើវិធីដ៏សាមញ្ញ
- 2017-02-17 06:39:05
- ចំនួនមតិ 0 | ចំនួនចែករំលែក 0
តារាស្រី K-Pop ៥រូបដែលសម្រកទម្ងន់បានជោគជ័យដោយប្រើវិធីដ៏សាមញ្ញ
ការតមអាហារតឹងរ៉ឹងគឺជារឿងធម្មតាមួយសម្រាប់តារាចម្រៀងស្រី K-Pop សម្រាប់ការសម្រកទម្ងន់ ឬរក្សារាងរៅរបស់ពួកគេកុំឲ្យឡើងគីឡូខ្លាំងហួស។ ទោះយ៉ាងណាតារាមួយចំនួនមិនបានបង្អត់អាហារខ្លួនឯងខ្លាំងនោះឡើយ គឺពួកគេនៅរក្សារបបអាហារសមរម្យតាមដែលរាងកាយត្រូវការ ប៉ុន្តែក៏អាចទទួលបានលទ្ធផលគាប់ប្រសើរដូចគ្នា។ តួយ៉ាង តារាស្រីល្បីៗ៥រូបខាងក្រោមនេះបានជ្រើសរើសវិធីសម្រកទម្ងន់ដោយការញ៉ាំអាហារល្អៗគ្រប់គ្រាន់ និងការហាត់ប្រាណតឹងរ៉ឹងយ៉ាងទៀងទាត់រហូតទទួលបានជោគជ័យ៖
១. Suzy របស់ក្រុម miss A
ពីមុន៖ Suzy ត្រូវបានគេស្គាល់ដំបូងថាជាតារាមានសាច់ ហើយមនុស្សជាច្រើនបានរិះគន់អំពីគីឡូរបស់នាង ជាពិសេសបន្ទាប់ពីនាងចាប់ផ្ដើមបង្ហាញមុខលើឆាកចម្រៀង។
បច្ចុប្បន្ន៖ ឥលូវនេះ Suzy ត្រូវបានគេស្គាល់ថាជានារីកំពូលសម្រស់មួយរូបប្រចាំប្រទេសកូរ៉េ សម្រាប់រូបរាងស្លីម តែរឹងមាំ និងសម្រស់ដ៏ស្រស់ផូរផង់។
២. Ailee
ពីមុន៖ Ailee ត្រូវបានគេស្គាល់តាមរយៈរូបរាងធាត់របស់នាង ហើយមនុស្សជាច្រើនថែមទាំងនិយាយថាសំឡេងរបស់នាងអាចស្រែកបានខ្លាំង ដោយសារគីឡូនេះទៀតផង។
បច្ចុប្បន្ន៖ ទោះយ៉ាងណា នាងបានសម្រកទម្ងន់ដោយប្រើរបបអាហារសមរម្យ និងអាចស្រកបាន ៨-១០គីឡូ នៅពេលចេញមុខផ្សព្វផ្សាយអាល់ប៊ុម "Mind Your Business” ដែលធ្វើឲ្យអ្នកគាំទ្រជាច្រើនភ្ញាក់ផ្អើលនឹងរូបរាងថ្មីរបស់នាង។
៣. Kang Sora
ពីមុន៖ រូបរាងមាំទាំរបស់តារាសម្ដែង Kang Sora គឺជាចំណុចមួយដែលធ្វើឲ្យនារីជាច្រើនច្រណែននាង។
បច្ចុប្បន្ន៖ តែក្រោយពីសម្រកទម្ងន់ នាងមើលទៅកាន់តែសម្រស់ស្អាតថែមទៀត។
៤. Park Shin Hye
ពីមុន៖ តារាសម្ដែង Park Shine Hye ក៏ត្រូវគេស្គាល់ដំបូងៗតាមរយៈរូបរាងធាត់ដូចគ្នាដែរ។
បច្ចុប្បន្ន៖ នាងបានទាក់ទាញចំណាប់អារម្មណ៍គ្រប់គ្នាបន្ទាប់ពីសម្រកទម្ងន់បានជោគជ័យ និងបានបន្តលើកកម្ពស់ការហាត់ប្រាណ និងតមអាហារដោយមានសុវត្ថិភាព។
៥. Uee របស់ក្រុម After School
ពីមុន៖ Uee តែងទទួលបានការរិះគន់ច្រើនដោយសារទម្ងន់របស់នាង ប៉ុន្តែតារារូបនេះក៏មិនបានចាប់អារម្មណ៍ច្រើនពីមតិទាំងអស់នោះដែរ ដោយចង់បង្ហាញរូបរាងដែលមានសុខភាពរឹងមាំ។
បច្ចុប្បន្ន៖ យ៉ាងណាមិញ ឥលូវនេះរូបរាងស្លីមរបស់នាង ធ្វើឲ្យអ្នកគាំទ្រជាច្រើនលួចច្រណែន ៕
ប្រភព៖ Koreaboo