មានតែប្ដីដែលយ៉ាប់យ៉ឺនប៉ុណ្ណោះចូលចិត្តធ្វើរឿង ៦ យ៉ាងនេះដាក់ភរិយា
- 2017-02-17 04:45:25
- ចំនួនមតិ 0 | ចំនួនចែករំលែក 0
មានតែប្ដីដែលយ៉ាប់យ៉ឺនប៉ុណ្ណោះចូលចិត្តធ្វើរឿង ៦ យ៉ាងនេះដាក់ភរិយា
ក្នុងនាមជាភរិយា មនុស្សស្រីបានបូជាគ្រប់បែបយ៉ាងដើម្បីធ្វើឲ្យគ្រួសារមានសុភមង្គល។ ផ្ទុយទៅវិញស្វាមីដែលជាមេគ្រួសារមិនធ្លាប់បំពេញតួនាទីខ្លួនឲ្យល្អ ហើយចូលចិត្តធ្វើរឿង ៦ យ៉ាងនេះទៀត នោះបញ្ជាក់បានថា គេជាប្ដីដែលយ៉ាប់យ៉ឺនបំផុតហើយ៖
១.អង្គុយចាំចាប់កំហុស៖ បើទោះជាយើងមានចំណុចល្អរាប់មិនអស់ក៏ដោយ តែពេលមានចំណុចមិនល្អមួយ គាត់នឹងនិយាយច្រំដែលៗតែពីរឿងនោះភ្លាម។
២.ត្រួតត្រា៖ ស្វាមីដែលចូលចិត្តត្រួតត្រាលើប្រពន្ធគ្រប់បែបយ៉ាងនោះ គេច្រើនហៅថាមនុស្សប្រុសចារិកស្រី។
៣.ចាត់ទុកយើងជាមនុស្សគ្មានបានការ៖ មានតែប្ដីចារិកយ៉ាប់យ៉ឺនប៉ុណ្ណោះ ដែលចាត់ទុកប្រពន្ធខ្លួនឯងជាមនុស្សគ្មានបានការ បើទោះជាអាចធ្វើទាំងការងារក្រៅ និងក្នុងផ្ទះបានក៏ដោយ។
៤.ប្រើយើងគ្មានពេលសម្រាក៖ ស្ត្រីបច្ចុប្បន្នភាគច្រើនចូលចិត្តធ្វើការក្រៅផ្ទះ តែយ៉ាងណាក៏មិនដែលភ្លេចការងារក្នុងផ្ទះដែរ។ ទន្ទឹមគ្នាផងដែរ ស្វាមីបែរជាប្រើយើងមិនចេះចប់មិនចេះហើយទាំងការងារតូចតាច ធ្វើឲ្យយើងគ្មានពេលសម្រាកសោះ។
៥.រំលឹកតែរឿងប្រាក់ចំណូលដែលយើងរកបាន៖ តែងរអ៊ូពីរឿងប្រាក់ចំណូលជារឿយ ថាយើងរកបានតិចជាងគាត់។
៦.មិនឲ្យប្រពន្ធចេញក្រៅផ្ទះ៖ កុំថាឡើយដើរលេង សូម្បីតែផ្សារក៏មិនឲ្យទៅផង។ នោះមានន័យថាគាត់ចង់ទុកឲ្យប្រពន្ធនៅធ្វើតែការងារក្នុងផ្ទះ៕