ទៅចម្លែកអីស្រីៗដែលបុិុនប្រច័ណ្ឌ ចុះបើមនុស្សប្រុសវិញ?

2017-02-17 04:20:11
ចំនួនមតិ 0 | ចំនួនចែករំលែក 0

មនុស្សស្រីប្រច័ណ្ឌច្រើនជាងមនុស្សប្រុស វាជារឿងធម្មតាទៅហើយ តែបើមនុស្សប្រុសពូកែប្រច័ណ្ឌវិញ តើនឹងមានអ្វីកើតឡើងចំពោះមនុស្សស្រីដែលជាដៃគូ? បើចង់ដឹងទៅអានមតិរបស់មិត្តនារីយើងដែលបានប្រាប់កញ្ញានូវចម្លើយមួយនេះ៖

រូបតំណាង

**ដានី ៖** កម្រមានប្រុសប្រច័ណ្ឌស្រីណាស់ ខ្ញុំគិតថា បើគេចេះប្រច័ណ្ឌអញ្ចឹងជារឿងល្អ មានន័យថាយើងជាមនុស្សពិសេសខ្លាំង និងជាផ្នែកមួយនៃបេះដូងគេ ដូចនេះគេប្រាកដជាខ្លាចបាត់បង់យើងហើយ។

លីខេង៖ អត់ដឹងដែរ ព្រោះសង្សារខ្ញុំ អត់ចេះប្រច័ណ្ឌផង តែបើអាចខ្ញុំចង់ឲ្យគាត់ចេះប្រច័ណ្ឌតិចៗដែរ ទើបសមជាគូស្នេហ៍។

ស្រីណុច ៖ ស្រីៗយើងចូលចិត្តឲ្យគេប្រច័ណ្ឌ មកពីស្រលាញ់ខ្លាំងបានគិត បានបារម្ភពីយើងគ្រប់ពេល តែក៏ស្អប់ប្រុសណាដែលអត់ចេះស្ដាប់ហេតុផលដឹងតែប្រច័ណ្ឌ ដឹងតែអន់ចិត្តដែរ។

ម៉េងលាង ៖ ប្រុសនោះអត់មានភាពជឿជាក់លើខ្លួនឯង ទើបប្រច័ណ្ឌ។

ពិសី ៖ ការប្រច័ណ្ឌកើតបានដោយសារស្រលាញ់តែមុខគត់ តែបើប្រុសៗពូកែប្រច័ណ្ឌពេក វាគួរឲ្យធុញទ្រាន់ទៅវិញ ព្រោះពេលខ្លះស្រីៗក៏ធុញនឹងឆ្លើយ ធុញនឹងប្រាប់ នៅពេលសួរដដែលៗហើយអាងអីយកលេសស្រលាញ់មកដាក់ពីមុខ។

វត្តី ៖ អត់គិតម៉េចទេបង គឺបែកគ្នាហ្មង ព្រោះសង្សារដែលបិុនប្រច័ណ្ឌ គឺពិបាករស់នៅជាមួយគ្នាណាស់ ដេញដោលច្រើន រអ៊ូក៏ច្រើន ទៅណាមកណាគឺពិបាកត្រូវប្រាប់សឹងគ្រប់ពេល។

ម៉ារ៉ាឌី ៖ ភាគតិចណាស់មនុស្សស្រីស្រលាញ់សង្សារឬស្វាមីពូកែប្រច័ណ្ឌសូម្បីតែខ្ញុំ តែបើគេនោះស្រលាញ់យើងមែន គេប្រាកដជាមានហេតុផលមុននឹងប្រច័ណ្ឌ យើងខ្លួនឯងត្រូវដឹងពីចំណុចអវិជ្ជមានរបស់ដៃគូ ព្យាយាមកែប្រែគាត់ទៅតាមលទ្ធភាពសិនទៅ។

ស្រីៗដ៏ទៃទៀតគិតម៉េច បើប៉ះចំខ្លួនឯងវិញ?

អត្ថបទៈ តាំង ដាលីន