បើឃើញសញ្ញាទាំងនេះបញ្ជាក់ថាអ្នកលួចស្រឡាញ់គាត់ដោយមិនដឹងខ្លួនហើយ

ពេលខ្លះអ្នកអាចលួចមានចិត្តលើអ្នកណាម្នាក់ដោយអត់ដឹងខ្លួនក៏ថាបាន ប៉ុន្តែបើអ្នកសង្កេតឃើញថាខ្លួនឯងមានសញ្ញាទាំងនេះ នោះអ្នកពិតជាស្រឡាញ់គេមែនទែនហើយ៖

@នៅពេលដែលអ្នកនៅជាមួយគាត់អ្នកមិនចង់ចាកចេញ៖ ពេលដែលអ្នកបានជួបហើយជជែកជាមួយគាត់អ្នកមិនចង់បញ្ឈប់វាទេ អ្នកតែងតែចង់បន្តវាឲ្យបានយូរ។

@អ្នកតែងតែរៀបចំខ្លួនឲ្យស្អាតមុនពេលទៅជួបគាត់៖ អ្នកតែងតែគិតថាពេលដែលជួបគាត់គឺជាពេលដែលពិសេស ដូច្នេះអ្នកពិតជាចង់ស្រស់ស្អាតនៅពេលដែលគាត់ឃើញអ្នក។

@អ្នកតែងតែញញឹមពេលដែលអ្នកនឹកឃើញគាត់៖ អ្នកលួចញញឹមតែឯងពេលដែលគិតពីគាត់ ឬក៏លួចញញឹមពេលដែលលឺមិត្តភ័ក្ដិនិយាយអីដែលទាក់ទងពីគាត់។

@អ្នកចេះតែមើលឃើញពីភាពស្រស់ស្អាតរបស់គាត់៖ មើលឃើញគាត់ស្អាតនេះ ស្អាតនោះមិនឈប់ ហើយរំភើបតែឯង។

@ខួរក្បាលអ្នកចេះតែមានរូបគាត់៖ អ្នកតែងតែសង្ឃឹមថាអាចបានជជែកលេងជាមួយគាត់ បានញ៉ាំអីជាមួយគាត់។

@អ្នកខ្វល់ពីអ្វីដែលមិត្តអ្នកគិតទៅលើគាត់៖ អ្នកចេះតែចង់ឲ្យមិត្តភ័ក្ដិអ្នកចូលចិត្តគាត់ ហើយគិតល្អៗទៅលើគាត់។

@អ្នកតែងតែខ្វល់ពីអ្វីដែលមិត្តភ័ក្ដិគាត់គិតមកលើអ្នក៖ អ្នកខ្លាចមិត្តភ័ក្ដិគាត់មិនចូលចិត្តអ្នក អ្នកខ្លាច ហើយខ្លាចពួកគេគិតថាអ្នកមិនមែនជាមនុស្សល្អ។

@ចេះតែបារម្ភពីគាត់ពេលដឹងថាគាត់មានរឿង៖ អ្នកមិនអាចផ្ដោតអារម្មណ៍ទៅលើការងារឬក៏រៀនបានពេលដែលដឹងថាគាត់មានបញ្ហា អ្នកចេះតែចង់ជួយរំលែកគាត់។

@ទៅពេលអ្នកឈឺក៏អ្នកនៅតែចង់ជួបគាត់៖ អ្នកតែងតែចង់ជួបគាត់ពេលដែលអ្នកមានបញ្ហា និងដុនដាបបំផុត។

@អ្នកតែងតែស្រមៃពីអនាគតជាមួយគាត់៖ អ្នកចេះតែចង់ធ្វើនេះធ្វើនោះជាមួយគាត់ទោះបីជារឿងតូចតាចក៏ដោយ។

បើបែបហ្នឹងមែន អ្នកពិតជាធ្លាក់ក្នុងអន្លង់ស្នេហ៍គាត់ហើយ។

ប្រភព ៖ Thoughtcatalog

អត្ថបទៈ ផេង ផលធិតា

ពាក្យទាក់ទង

ភ្ជាប់ទំនាក់ទំនងជាមួយ Kanha

អត្ថបទពេញនិយម

អត្ថបទថ្មី