អស់បញ្ហារឿងសក់ជ្រុះទៀតហើយ
- 2017-02-16 06:15:45
- ចំនួនមតិ 0 | ចំនួនចែករំលែក 0
អស់បញ្ហារឿងសក់ជ្រុះទៀតហើយ
គ្មានអ្វីដែលគួរឱ្យរំខានជាងបញ្ហាសក់ជ្រុះឡើយ។ ពេលកក់សក់ម្ដងៗសក់ជ្រុះមកទាំងដៃៗមិនថាអ្នកផ្លាស់ប្ដូរសាប៊ូឬព្យាយាមស្វែងរកផលិតផលល្អៗនិងមានតម្លៃថ្លៃយ៉ាងមកប្រើក៏ដោយ។ អស់បារម្ភទៀតហើយ ទឹកខ្ទឹមក្រហមលាយជាមួយទឹកឃ្មុំជារូបមន្តដ៏មានប្រសិទ្ធភាពបំផុតមួយសម្រាប់កម្ចាត់បញ្ហាសក់ជ្រុះ។ នៅពេលដែលអ្នកលាយវាជាមួយទឹកឃ្មុំវានឹងធ្វើឱ្យសក់របស់លែងជ្រុះក៏ដូចជាជួយឱ្យឬសសក់របស់អ្នករឹងមាំជាងមុនផងដែរ។
អ្វីដែលអ្នកត្រូវការ៖
-ខ្ទឹមក្រហមមួយមើម
-ទឹកឃ្មុំ
-ប្រេងក្រអូប (ដាក់ក៏បានមិនដាក់ក៏បាន)
វិធីធ្វើ៖
យកខ្ទឹមក្រហមមកបកសម្បក ហាន់តូចៗ រួចកិនឱ្យម៉ត់
យកវាមកច្រោះយកតែទឹករួចយកស្លាបព្រាមកសង្កត់សម្រិតទឹកឱ្យអស់
ចាក់ទឹកឃ្មុំ២ស្លាបព្រាបាយចូល
ចាក់ប្រេងក្រអូបចូលបន្តិចដើម្បីទទួលបានក្លិនក្រអូប
របៀបប្រើល្បាយនេះ៖
យកល្បាយមកបំពកពីលើសក់របស់អ្នករួចញីឱ្យសព្វក្បាលទាំងអស់
យកប្លាស្ទិកមកគ្របពីលើក្បាលរួចទុកចោលរយៈពេល១យប់ ឬយ៉ាងហោចណាស់ឱ្យបាន៣០នាទី
លាងសម្អាតសក់និងស្បែកក្បាលនៅថ្ងៃបន្ទាប់
អនុវត្តបែបនេះឱ្យបានជារៀងរាល់ថ្ងៃរហូតទាល់តែអ្នកទទួលបានលទ្ធផលគួរជាទីគាប់ចិត្ត។
ប្រភព៖ Top10homeremedies