ស្រីៗដែលឧស្សាហ៍គេងមិនលក់គួរតែសាកល្បងវិធីទាំងនេះ
- 2017-02-07 11:05:50
- ចំនួនមតិ 0 | ចំនួនចែករំលែក 0
ស្រីៗដែលឧស្សាហ៍គេងមិនលក់គួរតែសាកល្បងវិធីទាំងនេះ
មួយយប់ៗតែងតែរអ៊ូថាគេងមិនលក់ ដោយសារនេះដោយសារនោះ ឬក៏អត់មូលហេតុ ហើយបើអ្នកបន្តបែបនេះទៀតនោះសុខភាពអ្នកនឹងទ្រុឌទ្រោមជាមិនខាន ដូច្នេះអ្នកគួរតែសាកល្បងវិធីនេះ៖
1. កុំឲ្យមានរបស់អ្វីមករំខាន ៖ អ្នកត្រូវតែប្រាកដថាឈប់ប្រើប្រាស់ទូរស័ព្ទ កុំព្យូទ័រ ហើយទុកវាមួយឡែកដើម្បីឲ្យអ្នកមានអារម្មណ៍ស្ងប់ស្ងាត់។
2. កុំញ៉ាំអាហារពេលល្ងាចច្រើនពេក ៖ វាពិតជាពិបាកក្នុងការគេងបើសិនជាក្រពះរបស់អ្នកពោរពេញដោយអាហារ ដូច្នេះជាការប្រសើរអ្នកមិនគួរញ៉ាំបាយល្ងាចច្រើននោះទេ។
3. មានសកម្មភាព ៖ បើសិនជាអ្នកមិនមានអារម្មណ៍ថាងងុយគេងនោះ អ្នកគួរតែព្យាយាមធ្វើអ្វីមួយដើម្បីឲ្យខ្លួនអ្នកត្រូវការសម្រាក។
4. ស្ដាប់ចម្រៀង ៖ ការស្ដាប់ចម្រៀងគឺជាវិធីដែលធ្វើឲ្យអ្នកមានអារម្មណ៍ល្អ និងឈប់គិតពីរឿងផ្សេងៗ ដូច្នេះអ្នកគួរតែជ្រើសរើសបទណាដែលអ្នកចូលចិត្ត និងដាក់សំឡេងតិចល្មមបានហើយ។
5. ងូតទឹកមុនចូលគេង ៖ វាគឺជាវិធីដ៏ល្អដែលអាចជួយអ្នកឲ្យមានអារម្មណ៍ល្អនិងស្រស់ស្រាយ ព្រោះអ្នកបានសម្អាតអ្វីដែលមិនល្អចេញពីខ្លួនអស់ហើយ។
6. ស្លៀកពាក់អ្វីដែលធ្វើឲ្យអ្នកស្រួលខ្លួន ៖ កុំស្លៀកពាក់តឹងពេកឬរឹបពេក ព្រោះវាធ្វើឲ្យអ្នកពិបាកក្នុងការគេងលក់។
7. បង្កើតបរិយាកាសក្នុងបន្ទប់ ៖ តុបតែងបន្ទប់ឲ្យស្អាត មានក្លិនល្អ ត្រជាក់ ធ្វើបែបនេះគ្រាន់តែដល់បន្ទប់គឺមានអារម្មណ៍ថាចង់គេងតែម្ដង។
ទោះបីជាអ្នកគេងមិនលក់ក៏ត្រូវគេងដែរព្រោះរាងកាយអ្នកត្រូវការសម្រាក ហើយបើអ្នកទម្លាប់ចូលគេងយប់ជ្រៅ នឹងភ្ញាក់យឺតនោះគឺវាមិនល្អដល់សុខភាពនោះទេ។
ប្រភព៖ Steptohealth