ហេតុអ្វីចាំបាច់ឲ្យក្មេងចាក់ថ្នាំបង្ការ?
- 2017-02-07 06:46:32
- ចំនួនមតិ 0 | ចំនួនចែករំលែក 0
ហេតុអ្វីចាំបាច់ឲ្យក្មេងចាក់ថ្នាំបង្ការ?
ការចាក់ថ្នាំបង្ការឲ្យទារកក្រោយពេលកើត គឺជារឿងដំបូងត្រូវតែធ្វើ ព្រោះកម្លាំងទ្រទ្រង់រាងកាយរបស់ក្មេងទើបកើតគឺមានសភាពទន់ខ្សោយ ងាយនឹងឆ្លងមេរោគ ឬវីរុសណាស់។ ហើយដើម្បីការពារនូវបញ្ហាទាំងនេះ គឺទាមទារការចាក់ថ្នាំបង្ការ ដើម្បីបង្កើនកម្លាំងទ្រទ្រង់រាងកាយក្នុងការប្រឆាំងទប់ទល់នូវការទន្រ្ទានចូលរបស់មេរោគ និងវីរុសមួយចំនួន។
ហេតុអ្វីការចាក់ថ្នំាបង្ការអាចជួយការពាររាល់ជំងឺឆ្លងទាំងនោះបាន?
មនុស្សយើងក្រោយពេលមានជំងឺឆ្លងក្នុងខ្លួនអាចនឹងបង្កើតចេញនូវសារជាតិទ្រទ្រង់រាងកាយមួយប្រភេទទប់ទល់ សារជាតិទ្រទ្រង់រាងកាយនោះអាចស្ថិតនៅក្នុងខ្លួន ការពារជួយឲ្យខ្លួនប្រាណបញ្ចៀសនូវការកើតឡើងនៃប្រភេទមេរោគនោះ។
រាល់ប្រភេទវ៉ាក់សាំងគ្រាន់តែបង្ការបាននូវជំងឺឆ្លងមួយប្រភេទតែប៉ុណ្ណោះ។ ហេតុដូច្នេះការលូតលាស់របស់ក្មេងក្នុងដំណាក់កាលទាំងឡាយ ក្មេងចាំបាច់ត្រូវតែចាក់ថ្នាំ ឬបន្តក់ថ្នាំវីតាមីន ដើម្បីប្រឆាំងទប់ទល់នូវរាល់ប្រភេទនៃជំងឺផ្សេងៗ។
បើទោះបីការចាក់ថ្នាំផ្តល់គុណតម្លៃច្រើនក្តី តែក៏មានប្រតិកម្មមួយចំនួនដែលអ្នកម្តាយត្រូវតែដឹងផងដែរ ដូចជាសាច់ឡើងប៉ោងក្រហមនៅកន្លែងចាក់ថ្នាំ ក្តៅក្បាលនិងខ្លួន ឡើងកូនកណ្តុរ គ្រុនក្តៅញាក់បន្តិចបន្តួច ប៉ុន្តែនេះគ្រាន់ជាប្រតិកម្មធម្មតា អាចនឹងអស់វិញដោយឯកឯង។ អ្នកម្តាយទាំងឡាយត្រូវនាំកូនទៅចាក់ថ្នាំបង្ការឲ្យបានត្រឹមត្រូវតាមកាលបរិច្ឆេទ៕
ប្រភព៖ សៀវភៅ ១០០ សំណួរ ដើម្បីថែទាំសុខភាពកុមារ