យល់ដឹងពីវីតាមីនល្អៗចំពោះសុខភាពស្រ្តី

2017-02-01 09:11:44
ចំនួនមតិ 0 | ចំនួនចែករំលែក 0

មនុស្សស្រីបច្ចុប្បន្នគិតគូអំពីបញ្ហាសុខភាពខ្លាំងណាស់ ហើយដើម្បីបានសុខភាពល្អ ស្ត្រីត្រូវតែទទួលទានវីតាមីនដែលមានក្នុងម្ហូបអាហារឱ្យបានគ្រប់គ្រាន់បំផុត។ វីតាមីនមិនត្រឹមតែធ្វើឱ្យយើងមានសុខភាពល្អប៉ុណ្ណោះទេ វាថែមទាំងធ្វើឱ្យអាចចៀសផុតពីជំងឺរាតត្បាតផ្សេងៗបានផងដែរ។

វីតាមីនទាំងនោះមាន១០ប្រភេទខាងក្រោម៖

១. វីតាមីន A វាផ្ទុកសារធាតុប្រឆាំងអុកស៊ីដកម្ម ហើយវាជួយពង្រឹងភាពរឹងមាំនៃឆ្អឹង ធ្មេញ ស្បែកភ្នាសស្លេស្ម និងជំនួយភ្នែកឱ្យមើលកាន់តែច្បាស់ផងដែរ។

អាហារដែលសំបូរវីតាមីន A មាន៖ ការ៉ុត ល្ពៅ ត្រសក់ក្រអូប ប៉េងប៉ោះ ឪឡឹក ត្របែកផ្កាខាត់ណាពណ៌ខៀវ ល្ហុង ស៊ុត ថ្លើម ទឹកដោះគោ ជាដើម។

២. វីតាមីន B2 វាជំនួយដល់សុខភាព ការរីកលូតលាស់នៃរាងកាយនិងការរំលាយអាហារ។ វាជួយពង្រឹងថាមពល និងប្រព័ន្ធភាពស៊ាំ និងជួយកាត់បន្ថយស្ត្រេស ការហេវហត់អស់កម្លាំងផងដែរ។

អាហារដែលសំបូរវីតាមីន B2 មាន៖ គ្រឿងក្នុង ឈីស ទឹកដោះគោ យ៉ាអួ បន្លែ ស៊ុត សណ្ដែក អាល់ម៉ុន និងផ្សិត។

៣. វីតាមីន B6 វាជួយពង្រឹងប្រព័ន្ធភាពស៊ាំ និងជួយផលិតអ័រម៉ូន និងសារធាតុគីមីក្នុងខួរក្បាល ព្រមទាំងជួយកាត់បន្ថយជំងឺបាក់ទឹកចិត្ត ជំងឺបេះដូង និងការភ្លេចភ្លាំង។

អាហារដែលសំបូរវីតាមីន B6 មាន៖ ផ្លែប៊ើ ចេក សាច់ សណ្ដែក ត្រី គ្រាប់ធញ្ញជាតិ និងផ្លែឈើក្រៀម។

៤. វីតាមីន B7 វីតាមីន B7 ជំនួយដល់ការលូតលាស់កោសិកា និងការកកើតនៃអាស៊ីដខ្លាញ់។ វាជួយឱ្យសក់ ស្បែកមានសុខភាពល្អ។ លើសពីនេះទៀតវាជួយកាត់បន្ថយអាការរោល ជំងឺបាក់ទឹកចិត្តនិងជួយឱ្យបេះដូងមានដំណើរការល្អ។

អាហារដែលសំបូរវីតាមីន B7 មាន៖ ត្រី ដំឡូង អាល់ម៉ុន ការ៉ុត ចេក បន្លែបៃតង ត្រសក់ក្រអូប អង្ករសម្រូប ម្រេច ស៊ុត ទឹកដោះគោ ឈីស យ៉ាអួ។

៥. វីតាមីន B9 វាជាហ្វូលីកអាស៊ីដដែលជួយការពារជំងឺបេះដូង ជំងឺបេះដូង ការបាក់ទឹកចិត្ត មហារីក និងការភ្លេចភ្លាំង។

អាហារដែលសំបូរវីតាមីន B9 មាន៖ បន្លែបៃតង ទឹកក្រូច ត្រសក់ផ្អែម ស្ត្រប៊ើរី សណ្ដែក ស៊ុត។

៦. វីតាមីន B12 វាជួយពន្លឿនប្រព័ន្ធរំលាយអាហារ និងជួយការពារការកើតមានជំងឺបេះដូង ការភ្លេចភ្លាំង និងជំងឺខ្វះឈាមក្រហម។

អាហារដែលសំបូរវីតាមីន B9 មាន៖ ឈីស ស៊ុត ត្រី សាច់ ទឹកដោះគោ យ៉ាអួ។

៧. វីតាមីន C ជំនួយប្រព័ន្ធភាពស៊ាំ ពន្លឿនការកកើតនៃជាលិកា និងកាត់បន្ថយជំងឺមហារីកផ្សេងៗ ជំងឺបេះដូង។

អាហារដែលសំបូរវីតាមីន C មាន៖ ផ្កាខាត់ណាពណ៌ខៀវ គីវី ក្រូច ម្រេច ដំឡូងបារាំង ស្ត្រប៊ើរី និងប៉េងប៉ោះ។

៨. វីតាមីន D ជាវីតាមីនដែលអាចជួយរំលាយខ្លាញ់ និងជួយដល់ការស្រូបយកជាតិកាល់ស្យូម ដែលជួយធ្វើឱ្យឆ្អឹងរឹងមាំ និងកាត់បន្ថយហានិភ័យនៃការកើតមានជំងឺមហារីកផ្សេងៗ។

អាហារដែលសំបូរវីតាមីន D មាន៖ ថ្លើម ស៊ុត ទឹកដោះគោ។