ស្រីៗបើធ្វើរឿងសាមញ្ញៗទាំងនេះ ធានាសម្រស់និងរូបរាងអេមម៉ង!

2017-01-31 11:11:48
ចំនួនមតិ 0 | ចំនួនចែករំលែក 0

មិនមែនគ្រប់គ្នាសុទ្ធតែមានសំណាងកើតមកស្អាតគ្រប់យ៉ាងនោះទេ ប៉ុន្តែអ្នកអាចផ្លាស់ប្ដូរវាបានបើសិនជាអ្នកព្យាយាម គ្មានមនុស្សស្រីណាម្នាក់ចង់អាក្រក់នោះទេ ដូច្នេះសាកព្យាយាមអនុវត្តនូវវិធីខាងក្រោមមើល៖

@ផឹកទឹកឲ្យបានច្រើន៖ ការខ្សោះជាតិទឹកគឺជាមូលហេតុដ៏ធំមួយដែលធ្វើឲ្យអ្នកមានអារម្មណ៍ហត់នឿយ និងមើលទៅទ្រុឌទ្រោម។ ដូច្នេះអ្នកគួរតែបង្កើតនូវទម្លាប់ផឹកទឹកឲ្យបានច្រើនជាងធម្មតា ព្រោះទឹកជួយឲ្យស្បែកនិងសក់របស់អ្នកភ្លឺរលោងមានសំណើម និងធ្វើឲ្យអ្នកមានថាមពលជាងមុន។

@ការថែរក្សាខ្លួនតាមមូលដ្ឋាន៖ ការថែរក្សាអនាម័យខ្លួនជាប្រចាំ ដូចជាការដុសធ្មេញ ការងូតទឹក ការផ្លាស់ប្ដូរសម្លៀកបំពាក់ ការកាត់ក្រចកដៃក្រចកជើង កក់សក់ជាដើម ព្រោះវាធ្វើឲ្យអ្នកមានអារម្មណ៍ស្រស់ស្រាយ និងមានផាសុកភាព។

@គេងឲ្យបានគ្រប់គ្រាន់៖ កង្វះនៃការគេងគឺជាមូលហេតុសំខាន់មួយដែលធ្វើឲ្យអ្នកចាប់ផ្ដើមបង្ហាញពីសញ្ញានៃភាពចាស់ជាងមុន។ ជាទូទៅក្នុងមួយថ្ងៃរាងកាយយើងបានធ្វើការងារច្រើន ដូច្នេះអ្នកត្រូវសម្រាកឲ្យបានគ្រប់គ្រាន់ដើម្បីកុំឲ្យរាងកាយធ្លាក់ចុះ។ ជាធម្មតាក្នុងមួយថ្ងៃអ្នកគួរតែគេងឲ្យបាន ៧ ទៅ ៨ម៉ោងទើបជាការប្រសើរ។

@ទទួលអាហារណាដែលធ្វើឲ្យសុខភាពល្អ៖ អ្នកគួរតែជ្រើសរើសបន្លែ ផ្លែឈើ សាច់ និងគ្រាប់ធញ្ញជាតិ ជាជាងញ៉ាំអាហារដែលបំផ្លាញដល់សុខភាព ហើយត្រូវទទួលទានឲ្យបានគ្រប់គ្រាន់ដើម្បីផ្ដល់ថាមពលដល់រាងកាយ។

@ធ្វើលំហាត់ប្រាណ៖ អត្ថប្រយោជន៍នៃការហាត់ប្រាណគឺធ្វើឲ្យអ្នកមានរូបរាងស្រស់ស្អាត សិចស៊ី រាងកាយមាំមួន និងជំរុញឲ្យប្រព័ន្ធភាពស៊ាំមានភាពខ្លាំងក្លា ហើយថែមទាំងជួយឲ្យស្បែកនិងសក់មានសុខភាពល្អទៀតផង។

@ផ្ដោតលើលក្ខណៈពិសេសរបស់អ្នក៖ មនុស្សគ្រប់រូបតែងតែមានចំណុចពិសេសមួយចំនួនដែលគួរឲ្យទាក់ទាញ។ បើសិនជាអ្នកមានសក់ដែលស្អាត ទន់រលោងនោះអ្នកត្រូវតែថែរក្សាឲ្យបានល្អ និងតុបតែងឲ្យបានស្រស់ស្អាតបំផុត។

@លាក់បាំងនូវកន្លែងដែលអ្នកមិនសូវស្អាត៖ គ្មានអ្នកណាកើតមកស្អាតទាំងអស់នោះទេ បើសិនជាអ្នកគិតថាចំណុចណាដែលអ្នកខ្វះខាតនោះអ្នកគួរតែរកអ្វីមកជួយបិទបាំង។ ឧទាហរណ៍ បើអ្នកមានរង្វង់ភ្នែកខ្មៅអ្នកគួរតែរកគ្រឿងសម្អាងណាដែលល្អមកជួយអ្នក ដើម្បីលាក់បាំងវា។

@កុំភ្លេចប្រើប្រាស់សក់បន្ថែម៖ វាអាចជួយបង្កើនសម្រស់អ្នកមួយកម្រិតទៀតបើសិនជាអ្នកគ្មានទំនុកចិត្តលើសក់ធម្មជាតិរបស់អ្នក។

@ត្រូវរៀបចំឥរិយាបថអ្នកឲ្យបានល្អ៖ ទោះជាដើរ ដេក អង្គុយក៏ដោយអ្នកត្រូវមានជំហរមួយឲ្យសមសួន ចៀសវាងទំនោរទៅមួយចំហៀងដែលធ្វើឲ្យខូចទ្រង់ទ្រាយនៃរាងកាយ ។

@ឧស្សាហ៍ញញឹម៖ ស្នាមញញឹមគឺជាកម្លាំងមួយដែលជំរុញឲ្យអ្នកកាន់តែស្រស់ស្អាត ដូច្នេះអ្នកត្រូវតែញញឹមឲ្យបានច្រើនជាជាងធ្វើមុខស្អុយ។

វិធីខាងលើនេះសុទ្ធតែសាមញ្ញដែលអ្នកអាចធ្វើបានទាំងអស់ ដូច្នេះសាកល្បងធ្វើវាមើលថាអ្នកអាចផ្លាស់ប្ដូរបានប៉ុណ្ណា។ ប្រភព ៖ Futurescopes

អត្ថបទៈ ផេង ផលធិតា