ហេតុអ្វីស្រីៗឥលូវចូលចិត្តប្រើកាបូបច្រើន?
- 2017-01-25 05:07:47
- ចំនួនមតិ 0 | ចំនួនចែករំលែក 0
ហេតុអ្វីស្រីៗឥលូវចូលចិត្តប្រើកាបូបច្រើន?
ស្រីៗឥលូវ មិនថាក្មេង ឬចាស់ចូលចិត្តទិញកាបូបណាស់ ម្នាក់ៗមានកាបូបប្រើលើសពីមួយ។ ចឹង! អានទាំងអស់គ្នាថាមានមូលហេតុអ្វីខ្លះ បានជាចាំបាច់ត្រូវទិញកាបូបច្រើន?
នារី៥នាក់ចូលខ្លួនឆ្លើយតបសំណួរបស់កញ្ញាថា តើរាល់ថ្ងៃនេះមានកាបូបប្រើប៉ុន្មាន? ឆ្លើយយ៉ាងលឿន និងដូចៗគ្នាថា ស្រីៗយើងមិនអាចមានកាបូបតែមួយប្រើ ហើយប្រើរហូតដល់ខូចទើបទិញថ្មីមួយទៀតដូចមុននោះទេ។
ក្នុងនោះនារី៣នាក់ បានអះអាងថា សម័យនេះស្រីៗប្រើកាបូបខុសពីសម័យមុន ព្រោះពួកគាត់ទាំង៣ស្ពាយ ឬយួរកាបូបប្តូរម៉ូដផ្សេងៗគ្នាទៅតាមកាលៈទេសៈ ឬទីកន្លែងដែលយើងចូលរួមនោះ ដូចជាទៅធ្វើការ ដើរលេង ចូលរួមពិធីជប់លៀង ដើរផ្សារ ជួបមិត្តភ័ក្តិជាដើម។ ម្នាក់ក្នុងចំណោមនោះបង្ហើបថា ការប្រើកាបូបរបស់ស្រីៗ មិនមែនត្រឹមតែប្រើសម្រាប់ទុករបស់ផ្ទាល់ខ្លួននោះទេ គឺត្រូវតែងាយស្រួលប្រើ ជាម៉ាកល្បី ម៉ាកដែលគេពេញនិយម បើទោះជាមិនមែនជាកាបូប Origional ក៏ដោយ។
រីឯម្នាក់ទៀតថានិយាយថា «ខ្ញុំវិញគឺទិញកាបូបប្រើច្រើនមែន ហើយមានពណ៌ផ្សេងៗគ្នា ដើម្បីទុកស្ពាយឲ្យស៊ីគ្នានឹងពណ៌សម្លៀកបំពាក់ ហើយពេលខ្លះត្រូវគិតទុកពីយប់មុនទៀតថា ស្អែកនេះគួរស្ពាយ ឬកាន់កាបូបមួយណា ឲ្យត្រូវនឹងឈុតខោអាវរបស់ខ្លួនរៀបចំទុក ឯពេលខ្លះណាត់ជាមួយមិត្តភ័ក្តិកាន់កាបូបដូចគ្នា។
«ស្ពាយកាបូបតែមួយដដែលៗដូចជាមានអារម្មណ៍ថាខ្មាស់គេម៉េចមិនដឹងទេ វាដូចជាពាក់អាវដដែលរាល់ថ្ងៃ ពិបាកនឹងចូលក្នុងចំណោមមិត្តភ័ក្តិផងដែរ» នេះជាពាក្យសម្តីរបស់នារីម្នាក់ទៀតក្នុងចំណោមនោះ។
នារី២នាក់ផ្សេងពីនេះបានខ្សឹបថា «មិនចង់ទិញកាបូបច្រើនទេ តែមិនដឹងម៉េច ចេះតែមើលឃើញកាបូបថ្មីស្អាត ម៉ូដប្លែក ហាមឃាត់ចិត្តមិនទិញមិនបាន ប៉ុន្តែទិញនេះគឺលួចលាក់មិនឲ្យប្តីដឹងទេ ព្រោះគាត់តែងរអ៊ូថាទិញច្រើនរកតែទូដាក់មិនបានទេ»។
ចុះអ្នកវិញ មានកាបូបប្រើប៉ុន្មានដែរ?