បុរសកម្សត់សរសេរសំបុត្រស្នេហាផ្ញើសង្សារ តាម Facebook ធ្វើឱ្យគេចែករំលែកបន្តគ្រប់គ្នា យ៉ាងរំជួលចិត្ត

2017-01-19 06:30:52
ចំនួនមតិ 0 | ចំនួនចែករំលែក 0

បុរសម្នាក់ឈ្មោះ Glenn Lane មកពី Ohio បានសរសេរសំបុត្រស្នេហាមួយច្បាប់ផ្ញើទៅសង្សាររបស់ខ្លួន Ashlee ដែលបានឈ្លោះគ្នាកាលពីពេលកន្លងទៅ ដើម្បីសុំត្រូវគ្នាវិញ ព្រោះមិនចង់ឱ្យស្នេហា៦ឆ្នាំរបស់ខ្លួនត្រូវបែកបាក់ដោយសារតែការមិនយល់ចិត្តគ្នាបន្តិចបន្ដួច។ ក្នុងសំបុត្រនោះដែរ មានន័យខ្លឹមសារថា៖

"បងស្រលាញ់អូនខ្លាំងណាស់ Ashlee បងមិនអាចបាត់មុខអូនបានទេ រស់គ្មានអូនមិនបាន។ បងតែងសុបិនឃើញរូបអូនរាល់យប់តាំងពីយើងឈ្លោះគ្នាមក។ បងតែងនិយាយជាមួយរូបថតអូន ថាបងខុសអីទើបស្រីខឹងអីចឹង។ អូនដឹងទេ អូនជាអ្វីគ្រប់យ៉ាងរបស់បង គ្មានអូនបងរស់មិនបាន គ្មានកល្យាណដូចឋានងងឹតសូន្យឈឹង។

អូនដឹងទេ បងដឹងថាអូនខឹងបង ព្រោះបងមិនល្អ បងជាអ្នកខុស ប៉ុន្តែអូនត្រូវតែនឹកដល់អតីតកាលរបស់យើងដែលធ្លាប់ឆ្លងកាត់ជាមួយគ្នាអស់រយៈពេល៦ឆ្នាំ ២ខែ២០ថ្ងៃមកហើយ... វាប្រៀបដូចជាពេលមួយដែលបងចងចាំបំផុតក្នុងជីវិត។ គ្មានរូបអូននៅក្បែរ បង តែងស្រមៃគិតថា បងដូចជាបាត់អ្វីម្យ៉ាងដែលសំខាន់បំផុតក្នុងជីវិត បងបច្ចុប្បន្ននេះដូចជាត្រីរស់គ្មានទឹកអីចឹង ពិបាកតាំងពីដកដង្ហើមទៅទៀត។

Ashlee អូនដឹងទេ បងតែងបន់ទៅព្រះចន្ទរាល់យប់ ក្នុង១យប់មិនដឹងប៉ុន្មានម៉ឺនដងឡើយ ដើម្បីឱ្យអូនត្រលប់មករកបងវិញ។ បងខ្លាចខ្លាំងណាស់ ខ្លាចបើនៅតែអីចឹងទៅ អូនអាចនឹងលែងបានឃើញមុខបង ហើយបងក៏មិនអាចឃើញមុខអូនជាលើកចុងក្រោយ។ គេតែងនិយាយថាបងឆ្គួត តែបងក៏មិនបន្ទោសគេដែរ ព្រោះស្នេហាតែងតែធ្វើឱ្យមនុស្សគិតដូច្នេះឯង មានតែអ្នកមិនទាន់ស្គាល់ពីស្នេហាទេ ទើបមិនដឹងពីចំណុចនេះ។ សង្ឃឹមថាអូនឃើញសារនេះហើយ នឹងតបមកបងវិញ ទោះជាលទ្ធផលនៅតែដដែលថា ទេ តែបងក៏ចង់ដឹងម្ដងទៀត ហើយក៏អាចឃើញមុខអូនម្ដងទៀតដែរ។

ស្នេហាមិនចាំបាច់តែត្រូវគ្នាវិញទេ ឱ្យតែបងបានឃើញមុខអូនដូចកាលពី៦ឆ្នាំមុន ក៏បងសប្បាយចិត្តរកអ្វីនិយាយមិនបានទៅហើយ... ចូរអូនចាំថាបុរសម្នាក់នេះតែងតែនៅក្បែរអូនរហូត លើកទឹកចិត្តអូន និងគាំទ្រអូនជានិច្ច"។... ពីមនុស្សស្រលាញ់ Ashlee គ្មានថ្ងៃប្រែ និងចាំគ្រប់វេលា...!

ប្រភព៖ Likelovequotes ប្រែសម្រួល៖ ទ្រី រ៉ាវី