ជាម្តាយដ៍ល្អផង និងបុគ្គលិកឆ្នើមផង វិធីសាស្រ្ត១០យ៉ាងនេះអាចជួយបាន
- 2017-01-18 04:54:36
- ចំនួនមតិ 0 | ចំនួនចែករំលែក 0
ជាម្តាយដ៍ល្អផង និងបុគ្គលិកឆ្នើមផង វិធីសាស្រ្ត១០យ៉ាងនេះអាចជួយបាន
បន្ទាប់ពីសម្រាលកូនរួច អ្នកម្តាយថ្មោងថ្មីត្រូវប្រឈមមុខនឹងការងារជាច្រើន មិនថាការងារផ្ទះ ការថែទាំកូន និងស្វាមី ជាពិសេសគឺកន្លែងការងារតែម្តង។ បើទោះជាមើលដូចជាមិនសូវយុត្តិធម៌សម្រាប់ស្រ្តី តែក៏មានស្រ្តីខ្លះនៅតែអាចកែខៃស្ថានការណ៍ទាំងការងារផ្ទះ និងខាងក្រៅឲ្យមានតុល្យភាពបាន។
ខាងក្រោមនេះគឺជាវិធីសាស្ត្រ១០យ៉ាងឲ្យអ្នកម្តាយគ្រប់រូបមានភាពប៉ិនប្រសប់ក្នុងការគ្រប់គ្រងជីវិតឲ្យប្រសើរជាងមុន។
១. កុំគិតច្រើនពេក៖ ដល់ថ្ងៃចូលធ្វើការហើយ អ្នកម្តាយទាំងឡាយចាប់ផ្តើមចិត្តមិនស្ងប់ ព្រោះចិត្តនឹកគិតដល់កូនសម្លាញ់ដែលគេងចាំផ្លូវម្តាយនៅផ្ទះ ណាត្រូវទទួលភារកិច្ចថ្មីដែលចៅហ្វាយដាក់ឲ្យធ្វើ។ ជាងជាការព្រួយបារម្ភ សូមគិតថាតើអ្នកអាចទាញប្រយោជន៍ការងាររបស់អ្នកដោយរបៀបណា? ព្រោះចំណូលពីការងារនេះហើយដែលអាចជួយអ្នកមានថវិកាគ្រប់គ្រាន់សម្រាប់បញ្ចូនកូនទៅសាលាល្អៗ ការចាយវាយ និងទិញសំភារៈផ្សេងៗ ដូច្នេះ កុំស្ត្រេសខ្លាំងពេក។
២. ស្វែងរកមណ្ឌលថែទាំកុមារ៖ គ្មាននរណាដែលអាចមើលថែទាំកូនបានយ៉ាងល្អ ក្រៅពីអ្នកម្តាយរបស់គេនោះទេ។ ដូច្នេះពេលដែលអ្នកនៅឆ្ងាយ អ្នកត្រូវប្រាកដថា អនុញ្ញាតឲ្យកូនរបស់អ្នកដែលអ្នកជឿទុកចិត្តបំផុត។ព្រោះពួកគេ អាចមើលថែកូនអ្នក ពេលអ្នកអវត្តមានបាន។ បើមិនដូច្នេះទេ អ្នកអាចសួរមិត្តភក្តិជួយស្វែងរកមេដោះ អ្នកថែទាំកុមារ ឬឈ្មួល(អ្នកនៅជាមួយ) ក៏បាន។ បច្ចប្បន្នអ្នកម្តាយខ្លះផ្ងើកូននឹងជីដូនជីតា ដោយសារតែពួកគាត់ចូលនិវន្តរ៍ ដូច្នេះពួកគាត់មានពេលពេញ ២៤ ម៉ោង សម្រាប់ចៅសម្លាញ់ចិត្ត។
៣. គូសចំណាំលើកាលវិភាគរបស់អ្នក៖
ជាការពិតអ្នកម្តាយល្អមួយរូប ត្រូវចេះរៀបចំកាលវិភាគគ្រួសារ និងខ្លួនឯងឲ្យបានត្រឹមត្រូវ ដូចជា ការចាក់វ៉ាក់សាំងកូន ការណាត់ជួបពេទ្យរោគស្ត្រី តារាងការងារនៅការិយាល័យ តារាងសកម្មភាពនៅសាលារបស់កូន ខួបកំណើតស្វាមី កូនជាទីស្រលាញ់ សាច់ញាត្តិ មិត្តភក្តិ និងការងារបន្ទាប់បន្សំជាច្រើនទៀត។ ប្រសិនជាអ្នកបានរៀបចំបែបនេះ ប្រាកដណាស់អ្នកមានពេលវេលាគ្រប់គ្រាន់ ក្នុងការត្រៀមខ្លួនទៅនឹងព្រឹត្តិការណ៍ដែលខិតជិតមកដល់។
៤. ត្រៀមខ្លួនឲ្យរួចរាល់សម្រាប់ថ្ងៃស្អែក៖
កាលវិភាគការងារប្រចាំថ្ងៃ គឺជាបញ្ហាប្រឈមនៅនាទីចុងក្រោយដែលធ្វើឲ្យអ្នកម្តាយចង់ឆ្កួតម្តងម្តាល។ ដូច្នេះចូររៀបចំអ្វីៗដែលអ្នកព្រាងទុកឲ្យហើយ ដូចជាទៅផ្សារទិញម្ហូប ធ្វើអាហារពេលព្រឹក បោកសំល្លៀកបំពាក់ ចាក់សោរទ្វារផ្ទះ មើលកាបូបខ្លួនឯងថាមានភ្លេចអ្វីអត់? ពិនិត្យម្តងហើយម្តងទៀត នូវកាលវិភាគក្នុងប្រតិទិនរបស់អ្នក ជៀសវាងនឹកឃើញហើយធ្វើទាំងប្រញាប់ប្រញាល់។
៥. ផ្តើមសន្ទនាជាមួយផ្នែកធនធានមនុស្ស៖
រៀបរ៉ាប់ពីបញ្ហាដែលអ្នកជួបប្រទះទៅឲ្យក្រុមការងារធនធានមនុស្សបានដឹង ដោយភាពស្មោះត្រង់ និងបើកចំហ និងស្មោះត្រង់ ហើយប្រាប់ពួកគេពីដំណោះស្រាយផង ព្រោះពួកគេមិនចូលចិត្តស្តាប់បញ្ហាទាំងស្រុងនោះទេ។ សូមច្បាស់លាស់ចំពោះសំណួររបស់ខ្លូនពីការឈប់សម្រាក ប្រាក់បៀវត្ស ដើម្បីកុំឲ្យមានការយល់ច្រឡំនៅពេលក្រោយ។
ឧបមាថា អ្នកស្នើសុំពួកគេដោយមិនធ្វើការនៅថ្ងៃសៅរ៍ ឬអាទិត្យ បើទោះជាមានវេនក៍ដោយជំនួសដោយហេតុផល សុំពេលសម្រាក និងមើលថែរក្សាកូន យ៉ាងហោចណាស់ ពួកគេនឹងយល់ពីស្ថានភាពរបស់អ្នកជាក់ជាពុំខាន។
៦. ភ្ជាប់ទំនាក់ទំនងជាមួយកូនរបស់អ្នកជានិច្ច៖
ទោះបីអ្នកនៅឆ្ងាយពីកូនរបស់អ្នក តែមិនមែនមានន័យថា អ្នកមិនអាចនិយាយ ឬមើលមុខអ្នកបានទេ។ បច្ចេកវិទ្យានៅពេលនេះបានដើរតួនាទីសំខាន់ ក្នុងការនាំអ្នកទៅជួបមនុស្សជាទីស្រឡាញ់ មិនថាជាតេទូរស័ព្ទ ផ្ងើសារ ឬ វីដេអូសំឡេង គឺធ្វើឲ្យអ្នកបាត់នឹកកូនមួយរយៈផងដែរ។
៧. កំណត់នូវភាពរំខានប្រចាំថ្ងៃ៖
ផ្អាក ឬកាត់បន្ថយការនិយាយដើមគេ (ញុំាត្រាវ) នៅបន្ទប់ធ្វើការ ឬជជែកគ្នានៅក្នុងបណ្តាញសង្គម ប្រញាប់ញុំាបាយថ្ងៃត្រង់ រួចធ្វើការងាររបស់អ្នកឲ្យកាន់តែលឿន សុខចិត្តមានពេលវេលាគ្រប់គ្រាន់សម្រាប់កូនតូច និងស្វាមីសំណព្វចិត្ត។
៨. បង្កើតពេលវេលាពិសេសសម្រាប់គ្រួសារ៖
ពេលវេលាសម្រាប់គ្រួសារមិនចាំបាច់ដល់ទៅកម្សាន្តក្រៅប្រទេស ឬញ៉ាំម្ហូបថ្លៃៗនៅភោជនីយដ្ឋាននោះទេ គ្រាន់តែមានពេលជួបជុំនៅតុបាយ ពេលព្រឹក ឬពេលល្ងាច ប៉ុណ្ណឹងក៏ធ្វើឲ្យអ្នកអាចញញឹមបានទៅហើយ។
៩. ស្រលាញ់កូនពេក តិចលោភ្លេចស្វាមី៖
ស្វាមីក៍ចេះអន់ចិត្តដែរ ប្រសិនជាអ្នកចំណាយចិត្តកាយ បេះដូង ទៅកូនទាំងអស់ពេក។ ចំណាយពេលមួយម៉ោង ឬពីរម៉ោង ទៅកន្លែងណាមួយដែលធ្វើឲ្យអ្នកទាំងពីរសប្បាយចិត្ត និងផ្អែមល្អែមដូចមុន ។
១០. កុំភ្លេចទុកពេលឲ្យខ្លួនឯងខ្លះផង៖
អនុញ្ញាតឲ្យខ្លួនឯងបានគេងសម្រាក ក្នុងអាងហែលទឹក ស្ប៉ា ខាត់ស្បែក ហាត់យូហ្គា ឬទៅហាងលក់សម្លៀកបំពាក់ ជាដើម ដើម្បីឲ្យជីវិតអ្នកបានធូរស្បើយពីការងារជុំវិញខ្លួនខ្លះ។ ចាំថាអ្នកមិនអាចក្លាយជាម្តាយដ៏ល្អបំផុត រាល់តែថ្ងៃ រាល់ពេល រាល់នាទី នោះទេ ដូច្នេះពិភាក្សាជាមួយស្វាមីរបស់អ្នក ប្រសិនជាអ្នកត្រូវការជំនួយ និងការគាំទ្រជាពិសេស ។
ប្រភព៖ Curejoy