រឿងទាំង ៤ យ៉ាងដែលអ្នកមិនធ្លាប់ដឹងពីស្ត្រេស!!!

2017-01-18 03:18:46
ចំនួនមតិ 0 | ចំនួនចែករំលែក 0

មានអារម្មណ៍ថាអ្នកដូចជាស្មុគស្មាញ រសេះរសោះ និងដកដង្ហើមមិនចង់ដល់គ្នាមែនទេ? អាការៈបែបហ្នឹងគេហៅថាស្រេ្តសហ្នឹងណា! ជាធម្មតាអ្នកតែងតែស្រែកថា ស្រេ្តសណាស់ នេះក៏ព្រោះតែការងារមានភាពមមាញឹក ឬបញ្ហាជីវិតរុកកួនអ្នក។ ភាគច្រើនស្រ្តីកើតមានជំងឺស្រេ្តសច្រើនជាងបុរសហើយពួកគេក៏ប្រហែលជាមិនបានដឹងអំពីរឿងខ្លះៗអំពីស្រ្តេសនោះដែរ។

ដូច្នេះ កញ្ញា នឹងលើកយកចំណុចទាំង៤យ៉ាងអំពីស្រ្តេសមកបង្ហាញជូនមិត្តនារី៖

១. ស្រ្តេសធ្វើឱ្យទំហំចង្កេះរបស់អ្នកធំជាងមុន៖

ឱ្យតែស្រ្តេសដឹងតែមានអារម្មណ៍ថាចង់ទទួលទាននេះ ទទួលទាននោះតែម្ដង មែនទេ? ទាំងការពិតវាមិនបានជួយកាត់បន្ថយអាការស្រ្តេសទាល់តែសោះតែម្ដង។អ្នកតែងតែមានអារម្មណ៍បែបនេះជានិច្ចឱ្យតែអ្នកទទួលរងអាការស្រ្តេស ដូច្នេះគីឡូក៏ឡើងតាមហ្នឹងដែរ។ ដូចគេនិយាយថាកាន់តែស្ត្រេស កាន់តែធាត់។

២. ស្ត្រេសធ្វើឱ្យអ្នកចាស់ជាងវ័យ៖

អ្នកពិតជាមិនធ្លាប់បានដឹងទេថាអាការស្រ្តេសអាចធ្វើឱ្យអ្នកមើលទៅចាស់ជាងវ័យរហូតដល់ទៅ ១០ ឆ្នាំឯណោះ។ មិនត្រឹមតែប៉ុណ្ណោះវាក៏អាចបណ្ដាលឱ្យអ្នកកើតមានជំងឺលើសឈាម គាំងបេះដូងដាច់សរសៃឈាមខួរក្បាល មហារីក វិកលចរិត ជំងឺរលាកពោះវៀន និងការស្លាប់មុនអាយុ។

៣. មនុស្សស្រីរៀបការហើយកាន់តែស្រ្តេស៖

ធម្មតាទេ កាលនៅខ្លួនមួយស្រ្តេសបាត់ទៅហើយចុះទម្រាំមានបន្ទុកគ្រួសារទៀតមានរឿងអីមិនស្រ្តេសនោះ។ ស្ត្រីតែងគិតពីនេះពីនោះ ពីគ្រួសារ ពីម្ដាយឪពុក និងខ្លួនឯង។ មនុស្សស្រីត្រូវបានគេបង្ហាញថាទទួលរងអាការស្រ្តេសច្រើនជាងបុរសនេះក៏ព្រោះតែស្រ្តីមានការគិតច្រើនជាងបុរស។ ប៉ុន្តែកាលណាវ័យកាន់តែជ្រេបន្តិច ស្រ្តីនឹងអាចកាត់បន្ថយស្រ្តេសដោយខ្លួនឯងខណៈដែលពួកគេអាចនឹងមានបទពិសោធន៍ច្រើនពីមួយថ្ងៃទៅមួយថ្ងៃ។

៤. ស្ត្រេសអាចនឹងល្អសម្រាប់អ្នក៖

អាការស្រេ្តសដែលអ្នកទទួលបានពីការផ្លាស់ប្ដូរបែបបទជីវិតរស់នៅដោយក្នុងនោះមានដូចជាការទទូលបានទំនាក់ទំនងស្នេហាថ្មី ការឡើងឋានៈ ឬការផ្លាស់ប្ដូរទីលំនៅអាចជាអាការស្ត្រេសដែលល្អសម្រាប់អ្នក។ ម្យ៉ាងវិញទៀតស្រ្តេសដែលអ្នកទទួលបានពីការកំណត់ខ្លួនឯងអំពីការធ្វើលំហាត់ប្រាណឬតមអាហារក៏ជាប្រភេទស្រ្តេសដែលល្អសម្រាប់អ្នកដែរ ព្រោះថាវាអាចជួយអ្នកឱ្យចេះគ្រប់គ្រងស្ថានការណ៍ វាជួយលើកទឹកចិត្តអ្នកនិងឱ្យអ្នកចេះប្រឈមមុខជាមួយនឹងការប្រកួតប្រជែងនានាផងដែរ៕

ប្រភព៖ Goodhousekeeping

ប្រែសម្រួលៈ ណាលីតា