អុញ..ស្រីៗមានសង្សារហើយលួច crush អ្នកផ្សេងទៀតខុសអត់ហ្នឹង?
- 2017-01-17 09:51:39
- ចំនួនមតិ 0 | ចំនួនចែករំលែក 0
អុញ..ស្រីៗមានសង្សារហើយលួច crush អ្នកផ្សេងទៀតខុសអត់ហ្នឹង?
ធ្លាប់អត់ស្រីៗយើងខ្លួនឯងមានសង្សារហើយតែពេលខ្លះបេះដូងនឹងបែរជាលួចលង់ស្នេហ៍អ្នកផ្សេងទៅវិញ។ ពេលសួរថា ស្រលាញ់សង្សារខ្លួនឯងអត់ចុះ ឆ្លើយថាស្រលាញ់។ អញ្ចឹងទៅលួចស្រលាញ់គេផ្សេងធ្វើអី ឆ្លើយឲ្យឡើងទំនងថាអ្នកណាទៅដឹងបើបេះដូងវាលោតញាប់ពេលនៅក្បែរគេ(មានអញ្ចឹងទៀត)។
តែសំខាន់គាត់សួរ កញ្ញាវិញទៀតថា ធ្វើចឹងខុសអត់? ចុះមិត្តអ្នកអាន ជាពិសេសស្រីៗគ្នាយើង គិតថាខុសអត់? បើគិតមិនទាន់ចេញ ស្តាប់កញ្ញាបកស្រាយ។
ដំបូងយើងត្រូវដឹងសិនថាអ្វីទៅជាទំនាក់ទំនងស្នេហា(relationship) ហើយអ្វីទៅជាការលង់ស្នេហ៍ (crush)?
ទំនាក់ទំនងស្នេហា(relationship)ជាទូទៅយើងអាចប្រើពេលត្រឹមបីវិនាទី ដើម្បីលង់ស្រលាញ់អ្នកណាម្នាក់ ប៉ុន្តែចំណាយពេលរាប់ខែ ឬពេលខ្លះរាប់ឆ្នាំដើម្បីសាងទំនាក់ទំនងមួយឲ្យមានរូបរាងពេញលេញឡើង។
ទំនាក់ទំនងស្នេហា វាទាមទារមនុស្សពីរនាក់ដែលមានអារម្មណ៍ស្រលាញ់ចំពោះគ្នា មនុស្សពីរនាក់ដែលហ៊ានបង្ហាញនូវអាថ៌កំបាំងរបស់ខ្លួនចំពោះគ្នា យោគយល់ អធ្យាស្រ័យ ហើយពេលខ្លះទៀត មនុស្សម្នាក់នោះអាចនឹងក្លាយជាមនុស្សដែលយើងស្និទស្នាល និងទុកចិត្តបំផុត ។ ទាំងពីរនាក់ ពេញចិត្តនឹងចែករំលែកគ្រប់យ៉ាងជាមួយគ្នា រួមទាំងផែនការអនាគត-ល-។
ចុះអ្វីទៅជាការលង់ស្នេហ៍(crush) ?? ដូចនិយាយប្រាប់ខាងលើ មនុស្សយើងលង់ស្នេហ៍មនុស្សម្នាក់ងាយណាស់ (មានខ្លះលង់ម្តងពីរ បីនាក់ក៏មាន)។ លង់ស្នេហ៍គ្រាន់តែជាអារម្មណ៍ម្យ៉ាង ដែលវាត្រូវបានទាក់ទាញភ្លាមៗដោយភាពគួរឲ្យចាប់អារម្មណ៍របស់ភាគីម្ខាងទៀត ដូចជា ភាពស្អាត ភាពឆ្លាត ភាពមានបាន អត្តចរិតល្អគួរឲ្យចាប់អារម្មណ៍ ឬចំណុចណាមួយដែលយើងពេញចិត្ត…។ជារឿយៗយើងមិនសូវបានស្និទ្ធស្នាលជាមួយcrushប៉ុន្មានទេ(ខ្លះមិនហ៊ានទាំងមើលមុខគេផង) យើងឃើញត្រឹមតែរូបភាពខាងក្រៅរបស់គេ ឃើញតែភាពល្អ ដូច្នេះទើបពេលខ្លះយើងcrushគេកាន់តែខ្លាំង។ ប៉ុន្តែអារម្មណ៍ទាំងនោះនឹងបាត់ទៅវិញតាមពេលវេលា ឬក៏ពេលណាមួយដែលយើងបានស្គាល់គេកាន់តែយូរ ស្គាល់គេកាន់តែច្បាស់។ អញ្ចឹងហើយទើប វាមិនមែនជារឿងចម្លែក ទេដែលអ្នកខ្លះមានcrushរហូតដល់បួនដប់នាក់។ តែមានបេះដូងដឹងតែចេះលួចស្រលាញ់គេហើយ។
ចុះអ្នកមានសង្សារហើយមានក្រាស់ទៀត ខុសអត់? ចម្លើយស្ថិតនៅលើខ្លួនយើងផ្ទាល់ កញ្ញាមិនហ៊ានឆ្លើយនោះទេ។ ប៉ុន្តែត្រូវដឹងថាយើងពិបាកហាមបេះដូង ហាមអារម្មណ៍ ព្រោះរឿងអស់ហ្នឹងពេលខ្លះវាកើតឡើងដោយស្វ័យប្រវត្តិ។ មាន ល្អ ស្អាត ឆ្លាត ចរិតល្អ អ្នកណាមិនចាប់អារម្មណ៍? ប៉ុន្តែយ៉ាងណាក៏ដោយបេះដូងធ្វើការរបស់បេះដូង យើងធ្វើការរបស់យើង យើងដែលត្រូវប្រាប់ខ្លួនឯងថា «ខ្ញុំមានសង្សារហើយ» ក្រាស់គេបាន តែហាមសាងឱកាសជាមួយក្រាស់ ប្រយ័ត្នសង្សារដឹង។ គេអន់ចិត្ត!