អីគេ? រោងការឥលូវ គេនិយមពណ៌ទឹកមាស?
- 2017-01-17 08:43:37
- ចំនួនមតិ 0 | ចំនួនចែករំលែក 0
អីគេ? រោងការឥលូវ គេនិយមពណ៌ទឹកមាស?
នៅចន្លោះខែនេះ ម្នាក់ៗមិនដឹងជាបានធៀបការប៉ុន្មានសន្លឹកហើយទេ? ស្រីៗយើងមានចាប់អាម្មរណ៍លើការដេគ័ររោងការទេ តើពណ៌អ្វីកំពុងពេញនិយម? ឆ្នាំនេះខុសពីឆ្នាំមុនដាច់ដោយសារពណ៌រោងការមិនសូវលេងពណ៌ស្វាយ ឬទឹកសណ្ដែកទៀតទេ តែបែរជាល្បីពណ៌ទឹកមាសទៅវិញ។
លើសពីនេះទៅទៀត មិនត្រឹមតែពណ៌រោងការទេ សូម្បីតែធៀបការឬសម្លៀកបំពាក់អ្នកចូលរួមពិធីវិញក៏គេនិយមពណ៌ហ្នឹងដែរ។
បើតាមសម្ដីបងស្រីយ៉ា ដែលជាអ្នកតែងផ្ទះ និងដេគ័រផ្កាស្រស់បានប្រាប់ថា ម្ចាស់ដើមការមួយណាក៏មកកុំម្ម៉ង់យកពណ៌ទឹកមាសហ្នឹងដែរ ព្រោះវាមើលទៅស្អាត ហើយថ្លៃថ្នូរ តែក៏មានអ្នកខ្លះគាត់ក៏ស្រលាញ់ពណ៌ទឹកប្រាក់ដែរ គ្រាន់តែសួររកមិនច្រើនដូចពណ៌ទឹកមាស។
ចំណែកឯបងស្រីរត្ន័ដែលជាអាជីករលក់ក្រណាត់នៅផ្សារអូឬស្សី បាននិយាយថា «ភ្ញៀវភាគច្រើនមករកតាពណ៌ទឹកមាស ភាគតិចទេដែលគាត់ស្រលាញ់ពណ៌ក្រហម ឬពណ៌ទឹកប្រាក់អីនោះ»។
កញ្ញា នីតា ដែលត្រៀមខ្លួនធ្វើជាកូនក្រមុំនៅខែកុម្ភៈខាងមុខនេះ បានប្រាប់ថា កញ្ញាបានកុំម្ម៉ង់ដេគ័ររោង និងធៀបការពណ៌មាស ។ នៅពេលដែលសួរថា តើជាចំណង់ចំណូលចិត្តឬយ៉ាងណា? កញ្ញាថា «តាមពិតទៅចិត្តខ្ញុំស្រលាញ់ពណ៌ផ្កាឈូកទេ តែឥលូវពណ៌មាសគេកំពុងពេញនិយម ខ្ញុំក៏សម្រេចថាយកពណ៌មាសវិញ បើយកផ្កាឈូកតែឯងមើលទៅខុសទេ ដូចស្រែម៉េចមិនដឹងទេ!»។
ចុះប្រិយមិត្តវិញ យល់យ៉ាងម៉េចដែរចំពោះពណ៌ទឹកមាសដែរគេកំពុងនិយមប្រើក្នុងរោងការ នាដើមឆ្នាំ២០១៧នេះ?