តារាសម្ដែងស្រីសម្រស់អមតៈដ៏ល្បីទាំង៦នាក់របស់កូរ៉េ

2017-01-17 07:36:55
ចំនួនមតិ 0 | ចំនួនចែករំលែក 0

តួឯកស្រីក្នុងរឿងភាគកូរ៉េជាច្រើនហាក់មានសម្រស់កាន់តែស្រស់ស្អាតជាងមុន បើទោះជាពួកគេប្រឡូកសិល្បៈច្រើនឆ្នាំ និងមានវ័យប្រែប្រួលច្រើនក្ដី។ តារាស្រីមួយចំនួនអាយុជាង ៣០ឆ្នាំទៅហើយ តែមុខមាត់ក៏នៅមើលទៅសិចស៊ីមិនចាញ់កាលពី១០ឆ្នាំមុន និងអាចនិយាយបានថាស្រស់ស្អាតជាងកាលនៅក្មេងទៀតផងក៏ថាបាន។

១. Goo Hye Sun

តួឯកស្រីដ៏ស្រស់ស្អាតពីរឿងភាគ "F4” កូរ៉េដ៏ល្បីល្បាញ នៅពេលនេះមានសម្រស់កាន់តែក្មេងហើយសិចស៊ី តែសូមប្រាប់ថានាងមានអាយុ ៣២ឆ្នាំហើយ ហើយក៏រៀបការរួចហើយដែរ។

២. Jun Ji Hyun

អាចទាយបានអត់ថាតួឯកស្រីម្នាក់នេះអាយុប៉ុន្មានហើយ? បន្ទាប់ពីរៀបការរួច Jun Ji Hyun ក៏បាត់មុខពីសិល្បៈអស់ច្រើនឆ្នាំ តែពេលត្រលប់មកវិញនាងក៏ក្ដាប់តំណែងកំពូលតារាបានដដែលតាមរយៈរឿង "សង្សារខ្ញុំជាមនុស្សភពផ្កាយ"។ បើទោះជាមានវ័យ ៣៥ឆ្នាំហើយក្ដី តែនាងនៅតែអាចសម្ដែងជាមួយតួប្រុសមានអាយុក្មេងជាង ដូចជា Kim Soo Hyun និង Lee Min Ho បានយ៉ាងសក្ដិសម។

៣. Song Hye Kyo

តារាស្រីវ័យ ៣៥ឆ្នាំរូបនេះ ប្រិយមិត្តភាគច្រើនប្រាកដជានៅចាំបានសម្រាប់រឿងភាគ "បំណុលផ្ទះជំពាក់ស្នេហ៍" ឬ "Full House” កាលពី១០ឆ្នាំមុន។ មកទល់ពេលនេះនាងហាក់មានសម្រស់ស្រស់ស្អាតជាងមុនទៅទៀត អាចនិយាយបានថាកាន់តែស្អាតដោយសារស្រកទម្ងន់ជាងមុន និងការផ្លាស់ប្ដូរម៉ូដសក់តាមសម័យកាល។

៤. Kim Tae Hee

បើនិយាយពីរាជិនីសម្រស់នៅកូរ៉េគឺគេមិនអាចរំលង Kim Tae Hee បានឡើយ។ ត្បិតពេលនេះនាងមានវ័យ ៣៦ឆ្នាំ តែតួឯកស្រីរឿង "Iris” គឺនៅតែមានសម្រស់ស្រស់ថ្លាមិនស្រកស្រុតទៅណាឡើយ។

៥. Moon Geun Young

តារាសម្ដែងស្រីដែលទទួលបានប្រជាប្រិយភាពខ្លាំងតាមរយៈរឿង "Autumn In My Heart” មកទល់ពេលនេះក៏ត្រូវបានគេចាត់ទុកថាជាតារាស្រីមានមុខក្មេងជាងគេដដែល ទោះនាងមានវ័យ ២៩ឆ្នាំហើយក៏ដោយ។

៦. Park Shin Hye

ពីក្មេងស្រីតូចម្នាក់ មកដល់ពេលនេះមានវ័យ ២៦ឆ្នាំ Park Shin Hye កំពុងទទួលបានកេរ្តិ៍ឈ្មោះល្បីដល់កំពូលក្រោយសម្ដែងរឿង "The Heirs”។ រាប់មកទល់ពេលនេះ នាងបានប្រឡូកក្នុងការសម្ដែងភាពយន្តប្រមាណ១០ឆ្នាំហើយ ខណៈសម្រស់របស់នាងកាន់តែស្រស់ស្អាតពីមួយឆ្នាំទៅមួយឆ្នាំ ៕