បន្លែ-ផ្លែឈើដែលអាចជួយការពារអ្នកពីភាពចាស់ជាងវ័យ

2017-01-17 03:14:03
ចំនួនមតិ 0 | ចំនួនចែករំលែក 0

មិត្តស្រ្តីគ្រប់រូបតែងប្រាថ្នាចង់បានសម្រស់ដែលចាំ និងមើលទៅនៅតែក្មេងវ័យ បើទោះជាវ័យរបស់ពួកគេរាងជ្រេបន្តិចក៏ពិតមែន។ អ្នកមិនចាំបាច់ទៅទទួលសេវាកម្មបន្តឹងស្បែកមុខ ឬទិញផលិតផលកម្ចាត់ភាពចាស់ជាងវ័យថ្លៃៗនោះឡើយ។ គ្រាន់តែទទួលទានបន្លែ និងផ្លែឈើដែលផ្ដល់នូវសារជាតិចិញ្ចឹមគ្រប់គ្រាន់ និងការទទួលទានដ៏ត្រឹមត្រូវបំផុតពិតជាអាចជួយអ្នកបានយ៉ាងពិតប្រាកដ។

បន្លែ-ផ្លែឈើខាងក្រោមនេះនឹងជួយធ្វើឱ្យអ្នកមើលទៅក្មេងជាងវ័យ៖

-ក្រោកពីគេងភ្លាមអ្នកត្រូវទទួលទានទឹកក្រូចឆ្មារច្របាច់ស្រស់លាយជាមួយទឹកឃ្មុំ ២ ស្លាបព្រាកាហ្វេ ឬទឹកក្រូចឆ្មារទទេរួចដើរហាត់ប្រាណរយៈពេល៣០នាទី។ នៅពេលដែលអ្នកត្រឡប់មកវិញ អ្នកត្រូវទទួលទានផ្លែឈើ ឬទឹកបន្លែស្រស់ដែលមានដូចជាផ្លែប៉ោមបៃតងត្រសក់ដើមគីនឆាយ និងការ៉ុតចំនួន២០០មីលីលីត្រ។ វានឹងជួយដល់ប្រព័ន្ធរំលាយអាហាររបស់អ្នក។

-ទទួលទានតែបៃតងជាប្រចាំខណៈដែលវាមានផ្ទុកសារធាតុប្រឆាំងអុកស៊ីតកម្ម និងជំនួយដល់ប្រព័ន្ធរំលាយអាហាររបស់អ្នកឱ្យធ្វើការបានយ៉ាងលឿន។

-ទទួលទានផ្លែឈើស្រស់ជាប្រចាំថ្ងៃ និងគួរបញ្ឈប់ការទទួលទានសូកូឡា និងចំណីណាដែលមានរសជាតិផ្អែមខ្លាំង ឬការ៉េម ព្រោះថាផ្លែឈើស្រស់ទាំងនោះសំបូរទៅដោយវីតាមីន C ដែលជួយធ្វើឱ្យស្បែករបស់អ្នកស្រស់ថ្លា និងក្មេងជាងវ័យផងដែរ។

-ទទួលទានតៅហ៊ូឱ្យបានច្រើនតាមដែលអាចធ្វើទៅបានព្រោះថាវាសម្បូរទៅដោយប្រូតេអ៊ីនល្អៗដែលជំនួយដល់ស្បែករបស់ ហើយប្រាកដណាស់វាមានអត្ថប្រយោជន៍ជាងប៊ើហ្គើ និងសាច់គោស្តេកដែលអ្នកចូលចិត្តទទួលទានជាប្រចាំទៅទៀត។

-សណ្ដែកដីជាធញ្ញជាតិម្យ៉ាងដែលសំបូរទៅដោយប្រូតេអ៊ីន ជាតិខ្លាញ់អូមេហ្គា៣ និងជាតិខ្លាញ់គ្មានជាតិប្រៃដែលពិតជាល្អបំផុតសម្រាប់ស្បែករបស់អ្នក។

-ផ្លែប៊ើជាផ្លែឈើមួយប្រភេទដែលត្រូវបានគេដាក់ឈ្មោះថាជាផ្លែឈើដែលជួយរក្សាសម្រស់ឱ្យនៅក្មេងជាងវ័យដ៏មានប្រសិទ្ធភាពបំផុត។ វាសម្បូរទៅដោយវីតាមីន E ធាតុប៉ូតាស្យូម និងសារធាតុប្រឆាំងអុកស៊ីតកម្មផងដែរ។