មិនចង់បាត់បង់គេទេមែនទេ? កុំធ្វើរឿងទាំង១០ នេះឱ្យសោះ!

2017-01-16 07:11:05
ចំនួនមតិ 0 | ចំនួនចែករំលែក 0

ការដែលរក្សាបាននូវទំនាក់ទំនងស្នេហាដែលរឹងមាំអ្នកពិតជាត្រូវខិតខំប្រឹងប្រែងទាំងកាយ និងចិត្ត ។ អ្នកប្រហែលជាធ្លាប់ ឬកំពុងតែគិតថារឿងតូចតាច សាមញ្ញធម្មតាដែលអ្នកកំពុងធ្វើទៅកាន់គាត់មិនបង្កជាបញ្ហា ឬកំហុសឆ្គងអ្វីឡើយ។ ប៉ុន្តែពេលខ្លះរឿងតូចតាចមែន ប៉ុន្តែវាអាចធ្វើឱ្យគាត់មានអារម្មណ៍មិនល្អ។

ដូច្នេះ កញ្ញា សូមលើកចំណុច១០យ៉ាងដែលអ្នកមិនគួរធ្វើទៅកាន់មិត្តប្រុសរបស់អ្នក៖

ប្រសិនបើអ្នកស្រលាញ់គាត់ កុំសង្ស័យ ហើយកុំធ្វើតេស្តភាពស្មោះត្រង់របស់គាត់។
ប្រសិនបើអ្នកមិនចូលចិត្តមិត្តភ័ក្ដិរបស់គាត់ កុំបង្ខំឱ្យគាត់ឈប់និយាយរកមិត្តរបស់គាត់ វាអាចធ្វើឱ្យគាត់មិនសប្បាយចិត្ត។

កុំរអ៊ូច្រើនពេក គ្មាននរណាម្នាក់ល្អឥតខ្ចោះឡើយ សូម្បីតែអ្នកខ្លួនឯងផ្ទាល់ក៏មិនល្អគ្រប់១០ដែរ។
កុំចង់ឈ្នះ ចង់ចាញ់ជាមួយគាត់ពេក វាគ្មានបានអីមកវិញទេ បានតែការថ្នាក់ថ្នាំងចិត្តហ្នឹង។
ផ្ដល់គម្លាតឱ្យគាត់ខ្លះ កុំតាមប្រកៀកប្រកិតពេក វាអាចធ្វើឱ្យគាត់ធុញទ្រាន់
កុំឈ្លោះប្រកែក និងវាយគាត់នៅមុខគេមុខឯង វាមិនល្អមើលឡើយ ហើយវាជាការមិនផ្ដល់តម្លៃឱ្យគាត់ផងដែរ។

រឿងអ្នក និងគាត់ពេលខ្លះទុកជាអាថ៌កំបាំងខ្លះទៅ កុំបាច់ចែករំលែកជាមួយមិត្តភ័ក្ដិរបស់អ្នកច្រើនពេក។
ពេលទៅណាមកណា កុំឱ្យគាត់រង់ចាំយូរពេក។ មនុស្សប្រុសមិនចូលចិត្តរង់ចាំគេឡើយ។
ពេលដែលគាត់នៅក្បែរ កុំលេងទូរស័ព្ទច្រើនពេក។ អ្នកគួរតែយកចិត្តទុកដាក់ជាមួយគាត់ឱ្យច្រើនជាងការកាន់ទូរស័ព្ទរបស់អ្នក។
កុំគុំគួនច្រើនពេក អត់អោនបាន អត់ខ្លះទៅ! ប្រសិនបើគាត់ធ្វើខុស ទុកពេលឱ្យគាត់កែខ្លួនសិនទៅ។ ប្រសិនបើគាត់នៅមិនកែ សឹមគិតទៀត៕

ប្រភព៖ Zeppfeed

ប្រែសម្រួលៈ ណាលីតា