៥ចំណុចដើម្បីឈ្នះចិត្តម្តាយក្មេក

2017-01-16 06:36:59
ចំនួនមតិ 0 | ចំនួនចែករំលែក 0

ការរៀនដើម្បីក្លាយជាកូនប្រសារស្រីដ៏ល្អម្នាក់មិនមែនជារឿងងាយស្រួលនោះទេ ប៉ុន្តែដើម្បីក្លាយជាកូនប្រសារសំណព្វរបស់ម្តាយក្មេករបស់អ្នកក៏មិនមែនជារឿងពិបាកនោះដែរ ដោយអ្នកគ្រាន់តែ ចំណាយពេលវេលាបន្តិច ហើយចេះមានគំនិតផ្សេងៗប៉ុណ្ណោះ។

ចំណុចខាងក្រោមទាំង៥អាចនឹងធ្វើឲ្យអ្នកយកឈ្នះចិត្តរបស់ម្តាយក្មេកអ្នកបាន។

១.ផ្ញើសារសួរសុខទុក្ខនិងជូនផ្កាក្នុងថ្ងៃពិសេស៖

អ្នកគួរសរសេរចំណាំទុកថ្ងៃពិសេសរបស់គាត់ ដូចជាថ្ងៃកំណើត ថ្ងៃគម្រប់ខួបផ្សេងៗ ថ្ងៃបុណ្យអ្នកម្តាយ។ ពេលខ្លះកូនប្រុសរបស់គាត់អាចភ្លេចថ្ងៃទាំងនោះ ហើយអ្នកជាកូនប្រសាចាំទៅវិញ នោះគាត់នឹងមានអារម្មណ៍ថាអ្នកយកចិត្តទុកដាក់ ដែលនេះគឺជាសញ្ញាល្អមួយសម្រាប់អ្នក និងស្វាមីរបស់អ្នក។

២.ខលសួរសុខទុក្ខគាត់ជារឿយៗ៖

នេះអាចជាអ្វីមួយដែលអ្នកមិនសូវចាប់អារម្មណ៍ ប៉ុន្តែអ្នកគួរតែជ្រើសរើសថ្ងៃមួយដើម្បីសួរសុខទុក្ខគាត់ ជាពិសេសនៅពេលដែលប្តីអ្នកមិននៅជិត។ បើទោះជាអ្នកជាប់រវល់ អ្នកអាចទិញជាថ្នាំ ហើយផ្ញើសារសួរថា តើគាត់មានត្រូវការអ្វី ឬគាត់មានអារម្មណ៍យ៉ាងណា។

៣.សួរអំពីដំបូន្មានរបស់គាត់៖

នេះគឺជាចំណុចល្អមួយសម្រាប់អ្នកដែលជាកូនប្រសារស្រី ប៉ុន្តែប្រសិនជាអ្នកចង់ អ្នកអាចសួរត្រឹម យោបល់របស់គាត់ថា តើគួរប្តូរពណ៌វាំងននបន្ទប់ទឹកទៅបន្ទប់របស់ភ្ញៀវវិញ ឬយ៉ាងណា។ ហើយនៅពេលដែលអ្នកធ្វើតាមគាត់ គាត់នឹងអាចមានអារម្មណ៏ថាអ្នកទទួលយកដំបូន្មានគាត់ ហើយគាត់នឹងមានមោទនភាពដែលអ្នកធ្វើតាម។

៤.សរសើរគាត់៖

អ្នកអាចនិយាយថា គាត់បានធ្វើការងារដ៏ល្អក្នុងនាមជាម្តាយមួយរូប។ នេះគឺជាចំណុចមួយដែលឆាប់ទទួលបានចិត្តរបស់គាត់ ជាធម្មតាវាអាចនឹងធ្វើឲ្យគាត់ស្រក់ទឹកភ្នែកហើយវាជាពេលវេលាល្អបំផុត។ នៅពេលដែលអ្នកនិយាយចំណុចនេះ អ្នកអាចនឹងនឹកឃើញនៅពេលដែលអ្នកចិញ្ចឹមកូនប្រុស ហើយគ្មានពេលវេលាណាដែលល្អជាងពេលវេលាដែលកូនសរសើរម្តាយរបស់ខ្លួននោះទេ។

៥.សរសើរពីរូបសម្រស់របស់គាត់៖

មនុស្សគ្រប់រូបគឺសប្បាយចិត្តនៅពេលដែលមានគេសរសើរពីសម្រស់របស់ខ្លួន។ ដូចនេះ អ្នកគួរយកពេលវេលានេះសរសើរអំពីទឹកមុខ សុខភាព ឬគាត់មើលទៅឃើញក្មេងប៉ុណ្ណា។ ជាធម្មតា អ្នកក៏អាចសួរគាត់ថាតើអ្នកអាចខ្ចីរបស់របរខោអាវផ្សេងៗដូចជាកន្សែង កាបូបបានដែរឬទេ ពេលនោះគាត់នឹងសប្បាយចិត្តដែលអ្នកពេញចិត្តស្ទីលរបស់គាត់។

ប្រភពៈ Yourtango

ប្រែសម្រួលៈ Vatey Vann