ចំណុចគួរជៀសវាងបើចង់បានបន្ទប់ទទួលភ្ញៀវស្អាត
- 2017-01-16 06:12:47
- ចំនួនមតិ 0 | ចំនួនចែករំលែក 0
ចំណុចគួរជៀសវាងបើចង់បានបន្ទប់ទទួលភ្ញៀវស្អាត
ពេលរៀបចំបន្ទប់ទទួលទទួលភ្ញៀវម្ដងៗ តើយើងផ្ដោតលើអ្វីខ្លះ? តុបតែងតាមអារម្មណ៍មែនទេ? តាមពិតទៅការតុបតែងបន្ទប់ទទួលភ្ញៀវក៏មានក្បួនខ្នាតរបស់វាដែរ។ បើចង់បានស្អាត យើងគួរជៀសវាងកំហុសទាំងនេះ៖
១. មានតែអំពូលមួយលើពិតាន៖ យល់ល្អគួរដាក់បន្ថែមអំពូលលើតុ ឬនៅជញ្ជាំងដើម្បីឲ្យមើលទៅស្អាត និងទាក់ទាញ។
២. ដាក់កម្រាលខុសទំហំ៖ គួរដាក់កម្រាលធំជំនួសកម្រាលតូចព្រោះវាជួយឲ្យបន្ទប់មើលទៅធំ និងពេញភ្នែក។
៣. ដាក់ទូរទស្សន៍ខុសកន្លែង៖ កុំដាក់នៅជិត ឬពីមុខបង្អួចព្រោះធ្វើឲ្យពិបាកមើល ។ ចម្ងាយពីទូរទស្សន៍មកកន្លែងមើលអាស្រ័យទៅតាមទំហំទូរទស្សន៍។
៤. មិនដាក់ខ្នើយទ្រាប់អង្គុយ៖ ខ្នើយទ្រាប់ពិតជាសំខាន់ក្នុងការផ្ដល់ផាសុកភាពដល់យើង។
៥. សាឡុងមិនស៊ីជាមួយបន្ទប់៖ ជៀសវាងសាឡុងពណ៌ក្រមៅ បើពិតានបន្ទប់ទទួលភ្ញៀវទាប។
៦. គ្រឿងសង្ហារឹមមិនស៊ីគ្នា៖ មិនគួររើសគ្រឿងផ្សេងៗតាមចិត្តទេព្រោះទោះយើងគិតថាស្អាតក៏មិនប្រាកដថាវាត្រូវជាមួយបន្ទប់ដែរ។ គួររើសតាមឈុតវា ហើយកុំភ្លេចសាកមើលផងថាអង្គុយទៅស្រួលខ្លួនឬអត់។
៧. ប្រើសាឡុងហួសសម័យ៖ គួរផ្ដោតលើការច្នៃម៉ូដថ្មីៗស្អាតៗផងណា៎ បើចង់ឲ្យបន្ទប់ស្អាត។
៨. តាំងរូបថតមិនត្រូវ៖ កម្ពស់ល្អគឺ១.៥៣ ម៉ែត្រពីកម្រាលទៅរូប។ បើមានរូបច្រើន គួរភ្ជួរពួកវាជាក្រុមជាជាងភ្ជួរមួយៗពេញបន្ទប់។
៩. ទំហំសាឡុងមិនត្រូវ៖ ពេលខ្លះយើងទិញសាឡុងមកធំជ្រុលធ្វើឲ្យអស់កន្លែងតែម្ដង។ ត្រូវមើលសិនថាបន្ទប់យើងអាចដាក់បានប៉ុណ្ណា ជៀសវាងមិនសម។
១០. ដាំរុក្ខជាតិក្នុងថូតូចៗ៖ មើលទៅរញ៉េរញ៉ៃវិញទេ។ គួរដាក់ដើមឈើធំក្នុងថូតែមួយបានហើយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
