អត្ថប្រយោជន៍៥យ៉ាងដល់សុខភាព និងអារម្មណ៍ ចំពោះអ្នក ស្រលាញ់ចូលចិត្តសត្វចិញ្ចឹម

2017-01-15 02:00:00
ចំនួនមតិ 0 | ចំនួនចែករំលែក 0

សត្វចិញ្ចឹមដូចជា ឆ្កែ ឆ្មា សម្រាប់មនុស្សគ្រប់គ្នា ដែលមានចិត្តស្រលាញ់ពិត ប្រាកដជាទទួលបានអារម្មណ៍ស្រស់ស្រាយ នៅពេលនៅក្បែរវា។ អ្វីដែលកាន់តែពិសេសទៅ ទៀតនោះគឺ វាមានប្រយោជន៍ផងដែរ ចំពោះសុខភាព និងអារម្មណ៍របស់អ្នកចិញ្ចឹមសត្វទាំងនោះ នេះបើតាម វិបសាយចំណេះដឹងទូទៅ Witty Feed ដែលបានបង្ហាញអត្ថប្រយោជន៍ ដូចខាងក្រោម៖

១. គុណប្រយោជន៍ដល់អ្នកមានជំងឺភ្លេចភ្លាំង

តាមការស្រាវជ្រាវរបស់វេជ្ជបណ្ឌិតជាច្រើន បានណែនាំឲ្យ អ្នកដែលមានបញ្ហាភ្លេចភ្លាំងច្រើន គឺគួរមានសត្វចិញ្ចឹមនៅក្បែរខ្លួន។ សត្វចិញ្ចឹម ដែលមានវត្តមានក្នុងសកម្មភាពរបស់ ពួកគេប្រចាំថ្ងៃ គឺរំលឹកពួកគេចងចាំអំពីសកម្មភាពដែលខ្លួនបានធ្វើ។

២. ឱបបំបាត់ស្ត្រែស

តើអ្នកដឹងទេ? ការអោបសត្វចិញ្ចឹមដែលអ្នក អាចឱបបានដូចជា សុនខ ឬឆ្មារ ជាដើម អាចជួយរំសាយ ទុក្ខព្រួយ និងបញ្ហាតប់ប្រមល់បានផងដែរ នេះបើតាមការស្រាវជ្រាវរបស់ អ្នកវិទ្យាសាស្ត្រ។ ពេលអ្នក មានអារម្មណ៍ថានៅតែម្នាក់ឯង ក្រៀមក្រំ ពួកវាគឺជាមិត្តនៅក្បែរអ្នកជានិច្ច។

៣. ជួបឲ្យមានអារម្មណ៍ស្ងប់

វេជ្ជបណ្ឌិតនៅបរទេសជាច្រើន តែងណែនាំ ឲ្យអ្នកមើលថែអ្នកជំងឺ នាំយកនូវសត្វចិញ្ចឹមណាមួយ ទៅនៅជិតអ្នកជំងឺ។ ហេតុផលនៅក្រោយនោះ គឺសត្វចិញ្ចឹមអាចជួយឲ្យ អ្នកជំងឺរបស់ពួកគេ មានអារម្មណ៍រីករាយរសាយក្នុងចិត្ត ស្ងប់សុខ ទោះបីស្ថិតនៅក្នុងបរិយាកាសមន្ទីរពេទ្យ គួរឲ្យធុញទ្រាន់ក៏ដោយ។

៤. ជួយឲ្យស្រកគីឡូ

ស្ដាប់មើលទៅដូចជាចម្លែកបន្តិច ប៉ុន្តែ អ្នកដឹងទេ? នៅជាមួយសត្វចិញ្ចឹម ជួយឲ្យអ្នកមានបញ្ហា ឡើងទម្ងន់អាចស្រកគីឡូបាន។ ឧទាហរណ៍សាមញ្ញៗ ថា ឆ្កែ និងឆ្មារ រពឹសណាស់ វាមិនអាចឲ្យអ្នកនៅស្ងៀមមួយកន្លែងបានទេ ដូចជានាំវា ដើរលេងទៅក្រៅ ត្រូវធ្វើចំណីឲ្យវា...។

៥. ទំនួលខុសត្រូវ

មានសត្វចិញ្ចឹមតាំងពីនៅវ័យក្មេង គឺជួយឲ្យក្មេងៗ ក៏ដូចជាមនុស្សវ័យ មានទំនុកចិត្តក្នុងខ្លួន រៀនទទួលខុសត្រូវចំពោះសមាជិកមិនចេះនិយាយនោះ។ នៅជាមួយសត្វចិញ្ចឹម អ្នកត្រូវរៀនដោះស្រាយបញ្ហាចាប់ពីតូចៗ ឡើង ដូចជា មើលថែវា កើបលាមក .... កិច្ចការងារទាំងនោះ សុទ្ធសឹងតែបង្រៀនអ្នកឲ្យចេះទទួលខុសត្រូវ៕

ប្រែសម្រួល៖ មាន រតនា