ធ្វើយ៉ាងណាទើបមានរោមភ្នែក ង វែង ស្អាត?

2017-01-12 07:50:29
ចំនួនមតិ 0 | ចំនួនចែករំលែក 0

គិតស្រមៃមើលថាប្រសិនបើអ្នកមិនមានរោមភ្នែកទាល់តែសោះ តើសម្រស់ផ្ទៃមុខរបស់អ្នកនឹងទៅជាយ៉ាងណា? ប្រសិនបើអ្នកថែរក្សាវាមិនបានល្អ ថ្ងៃណាមួយវានឹងជ្រុះអស់ជាក់ជាមិនខាន។ កុំថាឡើយអត់សោះ សូម្បីតែរោមភ្នែកស្ដើងក៏មានការពិបាកសម្រាប់អ្នកក្នុងការលាបម៉ាស្ការ៉ាដែរ។ ហើយកុំយករោមភ្នែកក្លែងក្លាយមកនិយាយណា៎ អស់ប្រាក់កាសច្រើនហើយខាតពេលក្នុងការបិទទៀត។

តោះ ងាយៗតើ អនុវត្តពីឥឡូវនេះដើម្បីទទួលបានរោមភ្នែកវែងស្អាត៖

១. លាងសម្អាតគ្រឿងសម្អាងឱ្យស្អាត៖

ម៉ាស្ការ៉ាពិតជាមានទម្ងន់ធ្ងន់ណាស់សម្រាប់រោមភ្នែករបស់អ្នក។ ហើយការដែលលាងសម្អាតវាចេញឱ្យបានស្អាតល្អពិតជាជួយឱ្យរោមភ្នែករបស់អ្នកអាចសម្រាកបាន។ ចូរអ្នកលាងសម្អាតដោយថ្នមដៃបំផុតព្រោះវាអាចនឹងជ្រុះច្រើនប្រសិនបើដែលអ្នកសង្កត់វាខ្លាំងពេកណាមួយរោមភ្នែកមិនដុះមកវិញលឿនដូចសក់ឡើយ។

២. លាបប្រេងអូលីវ៖

លាបប្រេងអូលីវនៅលើរោមភ្នែករបស់អ្នកព្រោះថាវាជួយឱ្យរោមភ្នែករបស់អ្នកដុះកាន់តែឆាប់រហ័សនិងរឹងមាំជាងមុនថែមទៀតផង។

៣. លាបជែលបណ្តុះរោមភ្នែក៖

អ្នកគ្រាន់តែលាបវានៅលើរោមភ្នែករបស់អ្នកជារៀងរាល់យប់នោះរោមភ្នែករបស់អ្នកនឹងដុះកាន់តែលឿនហើយថែមទាំងក្រាស់ល្អទៀត។

៤. តែបៃតង៖

ដាក់ស្លឹកតែបៃតងទៅក្នុងទឹកក្ដៅឧណ្ហៗ រួចយកវាមកដាក់នៅលើរោមភ្នែករបស់អ្នក។ វានឹងធ្វើឱ្យរោមភ្នែករបស់អ្នកមានសុខភាពល្អ ដុះកាន់តែឆាប់រហ័ស ក្រាស់ និងរឹងមាំជាងមុនផងដែរ។

៥. សម្បកក្រូចឆ្មារត្រាំក្នុងប្រេងអូលីវ៖

យកសម្បកក្រូចឆ្មារមកត្រាំក្នុងប្រេងអូលីវរយៈពេល ២ ទៅ ៣ ថ្ងៃ រួចយកវាមកលាបលើរោមភ្នែករបស់អ្នកនោះវានឹងដុះកាន់តែឆាប់រហ័សនិងវែងជាងមុនផងដែរ។

៦. កាត់តម្រឹមរោមភ្នែករបស់អ្នក៖

អ្នកអាចកាត់តម្រឹមវាក្នុងរយៈពេល២ ទៅ ៣ ខែម្ដង។ កាត់តម្រឹមតែបន្តិចៗបានហើយ ព្រោះវានឹងជួយពន្លឿនដល់ឬសរោមភ្នែករបស់អ្នកនឹងធ្វើឱ្យវាកាន់តែដុះមកវែង ហើយក្រាស់ស្អាតថែមទៀតផង។

៧. របបអាហារ៖

ជាមួយនឹងវិធីសាស្រ្តជាច្រើនដើម្បីធ្វើឱ្យរោមភ្នែករបស់អ្នកកាន់តែវែងនិងក្រាស់ស្អាតអ្នកក៏ត្រូវទទួលទានអាហារដែលល្អៗដូចជា ផ្លែប៉ោម ផ្លែត្របែក សាច់ បន្លែពណ៌បៃតង ស៊ុត ត្រី និងអាហារដែលសំបូរប្រូតេអ៊ីនផ្សេងទៀត៕

ប្រភព៖ Stylecraze

ប្រែសម្រួលៈ ណាលីតា