ភេសជ្ជៈ៣ប្រភេទមានប្រសិទ្ធភាពជាងទឹកក្រូចឆ្មារក្នុងការសម្រកទម្ងន់
- 2017-01-11 10:40:16
- ចំនួនមតិ 0 | ចំនួនចែករំលែក 0
ភេសជ្ជៈ៣ប្រភេទមានប្រសិទ្ធភាពជាងទឹកក្រូចឆ្មារក្នុងការសម្រកទម្ងន់
ទឹកក្រូចឆ្មារលាយទឹកមួយកែវដែលអ្នកទទួលទានរៀងរាល់ព្រឹកបានក្លាយជាវិធីសាស្រ្តសម្រកទម្ងន់ដែលមនុស្សគ្រប់គ្នាកំពុងតែអនុវត្តក្នុងពេលបច្ចុប្បន្ននេះ។ ប៉ុន្តែភេសជ្ជៈ ៣ ប្រភេទដែលយើងនឹងលើកយកមកបង្ហាញជូនមិត្តស្រ្តីនៅពេលនេះពិតជាអាចជួយអ្នកឱ្យស្រកទម្ងន់បានយ៉ាងឆាប់រហ័សនិងមានប្រសិទ្ធភាពជាងទឹកលាយទឹកក្រូចឆ្មារដែលអ្នកទទួលទានទៅទៀត។
កាហ្វេខ្មៅ៖
យើងអាចហៅវាថាជាភេសជ្ជៈជំនួយកម្លាំងបែបធម្មជាតិដ៏ល្អបំផុត។ ទទួលទានកាហ្វេខ្មៅកុំដាក់ស្ករ ឬគ្រីម ២ ទៅ ៣ ពែងក្នុងមួយថ្ងៃមុនធ្វើលំហាត់ប្រាណ វានឹងធ្វើឱ្យអ្នកមានកម្លាំងជាងមុន ព្រមទាំងអាចអនុវត្តលំហាត់ប្រាណរបស់អ្នកបានយូរជាងមុនថែមទៀតផង។
ទឹកធម្មតាដាក់ទឹកកក៖
ជំនួសឱ្យការច្របាច់ក្រូចឆ្មារមួយចំណិតចូលក្នុងកែវទឹករបស់អ្នក រួចងាកមកដាក់ទឹកកកមួយដៃវិញ ព្រោះថាការទទួលទានទឹកដាក់ទឹកកកចំណុះ ៧០០ មីលីលីត្រអាចដុតបំផ្លាញកាឡូរីដែលមានក្នុងរាងកាយរបស់អ្នករហូតដល់ ១០០ កាឡូរីឯណោះ។
តែបៃតង៖
តែបៃតងមិនត្រឹមតែមិនមានកាឡូរីប៉ុណ្ណោះទេ វាថែមទាំងជួយដុតជាតិខ្លាញ់និងជួយអ្នកឱ្យសម្រកទម្ងន់បានផងដែរ។ អ្នកដែលទទួលទានតែបៃតងចំនួន៤ពែងក្នុងមួយថ្ងៃរយៈពេល២ខែអាចស្រកទម្ងន់បានរហូតដល់២,៧គីឡួក្រាមឯណោះ។ មិនត្រឹមតែប៉ុណ្ណោះអ្នកដែលទទួលទានតែបៃតងជាប្រចាំនឹងមានចង្កេះតូចជាងអ្នកមិនទទួលទានទាល់តែសោះ។ ទទួលទានតែបៃតងឆុងថ្មីៗ ក្ដៅឧណ្ហៗ និងកុំបន្ថែមស្ករ។ កុំទទួលទានតែបៃតងកំប៉ុងឱ្យសោះ ព្រោះវាមានបន្ថែមស្ករ និងគួរកុំទទួលទានថ្នាំដែលផ្សំពីតែបៃតងព្រោះវាអាចធ្វើឱ្យខូចថ្លើមរបស់អ្នកបានផងដែរ៕
ប្រែសម្រួលៈ ណាលីតា