ស្រីៗគ្នាយើងជឿអត់ ថាមើលតែតាមការផ្ញើសារក៏អាចដឹងថាគេលួចស្រឡាញ់យើងបាត់ទៅហើយ!

2017-01-10 10:17:57
ចំនួនមតិ 0 | ចំនួនចែករំលែក 0

មិនសូវបានដើរលេង ឬ ជួបគ្នាញឹកញាប់ទេ គឺភាគច្រើនផ្ញើសារតាម ហ្វេសប៊ុក នារីៗអាចមិនច្បាស់ថាគេលួចស្រឡាញ់យើង ឬយ៉ាងណា? តាមពិត ការផ្ញើសារក៏មានតម្រុយខ្លះៗឲ្យយើងសង្កេតដែរ។ តោះ! ឥឡូវមកមើលតម្រុយទាំងនោះមើល៍៖

១.តែងតបសារមកវិញលឿនៗ៖ ផ្ញើភ្លាមគឺបានចម្លើយមកវិញភ្លាម ដូចជាគេយកចិត្តទុកដាក់ណាស់។ នេះបញ្ជាក់យ៉ាងច្បាស់ថាយើងជាមនុស្សសំខាន់។

២.តែងមានរឿងសួរបន្តរហូត៖ មានដែរចាប់អារម្មណ៍ទេថា គេតែងសួរបន្តបន្ទាប់មិនចង់បញ្ចប់នោះទេ។ នោះក៏ព្រោះតែគេចង់និយាយជាមួយយើងច្រើននោះអី។

៣.សួររឿងផ្ទាល់ខ្លួនរបស់យើង៖ គេសួរច្រើនហាក់ដូចជាចង់ដឹងលម្អិតពីយើង។ នេះគឺជាតម្រុយច្បាស់ណាស់ព្រោះធម្មតាប្រុសៗមិនចាប់អារម្មណ៍ព័ត៌មានលម្អិតនរណាម្នាក់ទេ ទាល់តែថាម្នាក់នោះជាមនុស្សពិសេស។

៤.សរសើរយើងរហូត៖ មានឃើញពាក្យ "គួរឲ្យស្រឡាញ់" “Cute” ឬក៏"ឆ្លាត" ពីគេដែរទេ?

៥.ផ្ញើ Emoji ក្នុងន័យស្នេហា៖ ដូចជារូប បេះដូង, រូបមិចភ្នែក ឬ រូបមួយចំនួនទៀតដែលបង្កប់ន័យស្រឡាញ់។

៦.មិនផ្ញើសារ២-៣ក្នុងពេលតែមួយទេ ពេលយើងមិនទាន់ឆ្លើយ៖ គេមានចិត្តអំណត់រង់ចាំយើងឆ្លើយដោយមិនចង់ឲ្យយើងគិតថាគេជាមនុស្សគួរឲ្យធុញ។

៧.ព្រឹកឡើង សារក៏មកដល់៖ គ្រាន់តែព្រឹកឡើងមិនទាន់ទេ ទូរសព្ទមានលោតសារពាក្យ "Good morning” ពីគេហើយ។

៨.រៀបចូលគេងក៏ផ្ញើមក៖ គេនៅតែឆ្លៀតនិយាយពាក្យ "Good night” មុនពេលចូលគេង។

៩.ប្រាប់ពីខ្លួនគេ៖ ពេលខ្លះគេប្រាប់យើងពីរឿងដែលគេចូលចិត្ត ឬកីឡាដែលគេស្រឡាញ់ជាដើម។ គេកំពុងបង្ហាញឲ្យយើងដឹងថាគេជាមនុស្សម៉េចហើយ។

១០.គេនិយាយថាចូលចិត្តយើង៖ សារបែបនេះគឺបញ្ជាក់បានហើយ។ ពេលខ្លះយើងអាចគិតថាគេចូលចិត្តយើងព្រោះយើងកំប្លែង ឬស្លូតបូតជាដើម។ តែតាមពិតគឺជាន័យស្នេហាហើយ ព្រោះគេកំពុងនិយាយលេងបន្លំមែន។

យ៉ាងណាដែរគ្នាយើង! កុំភ្លេចតាមដានផងណា៎ បើមានចំណុចទាំងនេះត្រៀមៗឲ្យហើយផង៕

ប្រភព៖ Lovepanky ប្រែសម្រួល៖ Chhai Yarith