អ្នកជំងឺលើសឈាម ដាច់ខាតជៀសវាងអាហារ ១០ មុខនេះ

2020-03-30 03:15:00
ចំនួនមតិ 0 | ចំនួនចែករំលែក 0

ប្រសិនបើអ្នក មានជំងឺលើសឈាម ការការពារនិងយកចិត្តទុក្ខដាក់ពិតជាសំខាន់ខ្លាំងណាស់។ នៅពេលសម្ពាធឈាមថយចុះ អ្នកមិនប្រឈមខ្ពស់នឹងការដាច់សរសៃឈាមខួរក្បាល ឬគាំងបេះដូងឡើយ។ សម្ពាធឈាមដែលមានចំនួនលើសពី ១២៩/៨៩ mmhgជាកម្រិតខ្ពស់ពេកហើយ។ ប្រភេទថ្នាំដូចជា ACE inhibitors និង Angiotensin II recepor អាចជួយសង្គ្រោះអ្នកបាន ដោយបន្ថយសម្ពាធឈាមនិងការកកើតជំងឺបេះដូង។ ថ្នាំអាចជួយបានពិតមែន ប៉ុន្តែអ្វីដែលមិនគួរធ្វេសប្រហែសគឺរបបអាហារ។ ដើម្បីគ្រប់គ្រងសម្ពាធឈាមឲ្យបានល្អ មិនប្រឈមនឹងគ្រោះថ្នាក់ផ្សេងៗ ដាច់ខាតគួរជៀសវាង អាហារ ១០មុខខាងក្រោមនេះ។

១. សាច់កែច្នៃ

ក្នុងនោះរួមមាន សាច់ក្រក សាច់បឺហ្គឺរ សាច់ប៉ាតេ...ព្រោះវាជាប្រភេទសាច់កែច្នៃ បន្ថែមគ្រឿងគ្រៅជាច្រើន ជាពិសេសគឺប៊ីចេងនិងអំបិលតែម្តង។ នេះមូលហេតុដែលបណ្តាលឲ្យសម្ពាធឈាមឡើងខ្ពស់យ៉ាងលឿន។

២. នំប៉័ង

ក្នុងនំប៉័ង១បន្ទះ មានជាតិសូដ្យូមដល់ទៅ ២០០មីលីក្រាម ដូច្នេះហើយវាក៏មិនខុសពីសាច់កែច្នៃប៉ុន្មានដែរ។

៣. ត្រសក់ត្រាំ

បើញ៉ាំត្រសក់ស្រស់ធម្មជាតិគ្មានបញ្ហាអ្វីត្រូវបារម្ភឡើយ ប៉ុន្តែត្រសក់ត្រាំទើបជាអ្វីដែលត្រូវជៀសវាង សម្រាប់អ្នកលើសឈាម។ ដោយសារត្រសក់ត្រាំ បានផ្អាប់ទុកយូរ ធ្វើឲ្យវាស្រូបជាតិអំបិលនិងសូដ្យូមច្រើនខ្លាំងណាស់ ទម្រាំបានចូលជាតិល្អ។

៤. ភីហ្សា

ទោះបីចូលចិត្តខ្លាំងក៏ដោយ ត្រូវតែជៀសបើអ្នកមានជំងឺលើសឈាម។ មិនថាជាភីស្សាវេចខ្ចប់ ឬចម្អិនថ្មីៗ សុទ្ធតែប្រើឈីស សាច់កែច្នៃ ទឹកជ្រលក់ និងគ្រឿងផ្សំជាច្រើនទៀត ដែលអាចបង្ក គ្រោះថ្នាក់ដល់អ្នក។ តាមការអះអាងរបស់ USDA ក្នុងភីហ្សាមួយ មានជាតិសូដ្យូមដល់ទៅ ៧០០ មីលីក្រាម។

៥. សាច់ក្រហម

ក្រៅពីផ្តល់ប្រូតេអ៊ីនល្អចំពោះរាងកាយ សាច់ក្រហម មានជាតិធាត់និងសូដ្យូម ដែលអាចបង្កទៅជា ការកកស្ទះសរសៃឈាម ជំងឺបេះដូង និងដាច់សរសៃឈាមខួរក្បាលទៀតផង។

៦. សាច់បីជាន់

សាច់បីជាន់ពិតជាឆ្ងាញ់ខ្លាំងណាស់ ជាពិសេសអាហារពេលព្រឹក ប៉ុន្តែកុំភ្លេចថា វាមានផ្ទុកជាតិខ្លាញ់ កាឡូរី និងសូដ្យូមខ្ពស់ខ្លាំងណាស់។ សាច់ជ្រូកបីជាន់ ៣ បន្ទះ មានជាតិសូដ្យូមដល់ទៅ ៥៧៦ មីលីក្រាម កាឡូរី ៣១១ និងជាតិខ្លាញ់ ៣ក្រាម។

៧. អាហារដែលមានជាតិខ្លាញ់ខ្ពស់

មើលរំលងមិនបានទេ អាហារខ្លះគ្រោះថ្នាក់បំផុតសម្រាប់អ្នកជំងឺលើសឈាម។ ជាពិសេសអាហារដែលមានជាតិខ្លាញ់ខ្ពស់ដូចជា ស្បែកមាន់ សាច់ក្រហម ផលិតផលចេញពីទឹកដោះគោជាដើម។

៨. គ្រឿងស្រវឹង

លើសឈាមហើយ បើនៅតែបន្តផឹកស្រាមិនឈប់ទៀត ទោះខំលេបធ្លាក់មកពីឋានសួគ៌ក៏គ្មានប្រសិទ្ធភាពដែរ។ វាថែមទាំងធ្វើឲ្យអ្នកឡើងទម្ងន់ ហើយសម្ពាធឈាមឡើងកាន់តែខ្លាំង ប្រឈមមុខនឹងគ្រោះថ្នាក់ជាច្រើនរាប់មិនអស់។

៩. ជាតិស្ករ

ញ៉ាំអាហារដែលមានជាតិស្ករខ្ពស់ មិនត្រឹមតែឡើងគីឡូប៉ុណ្ណោះទេ ថែមទាំងមិនល្អសម្រាប់អ្នកលើសឈាម។ ទោះបីសម្ពាធឈាម ស្ថិតនៅកម្រិតធម្មតាក៏ដោយ គួរកាត់បន្ថយជាតិស្ករ ក្នុងអាហារប្រចាំថ្ងៃ ទើបស្ករចំពោះសុខភាព។

១០. ស៊ុបកំប៉ុង