ការពិតអ្វីដែលមនុស្សស្រីត្រូវការពីមនុស្សប្រុសគឺសាមញ្ញណាស់ មិនមែនដូចអ្នកគិតទេ

2020-03-25 09:25:15
ចំនួនមតិ 0 | ចំនួនចែករំលែក 0

មានមនុស្សជាច្រើនគិតថាមនុស្សស្រីភាគច្រើនគឺត្រូវការមនុស្សប្រុសដែលមានលុយ មនុស្សប្រុសដែលសង្ហា High Class ជាដើម។ មានខ្លះទៀតបាននិយាយថាមនុស្សស្រីទាមទារច្រើនណាស់ ទាំងពេលវេលា ទាំងការលួងលោម និងការថ្នាក់ថ្នម ទាំងមិនដែលយល់ពីមនុស្សប្រុសវិញ។

រូបតំណាង

ការពិតមនុស្សស្រីមិនមែនអាត្មានិយមបែបហ្នឹងនោះទេ ពេលខ្លះនាងរញ៉េរញ៉ៃបន្តិចមែន រករឿងបន្តិចមែន តែនេះមកពីមនុស្សប្រុសមិនយល់ពីនាង ហើយបើយល់ពីនាងវិញ គឺមនុស្សស្រីស្រួលបំផុត។

មនុស្សស្រីត្រូវការក្ដីស្រឡាញ់ពីអ្នកជាងលុយ

មានមនុស្សស្រីប៉ុន្មាននាក់ដែលសប្បាយចិត្តនៅពេលអ្នកឲ្យលុយនាងចាយ តែមិនដែលអើពើជាមួយនាង សួរនាំនាង បារម្ភពីនាង ចំណាយពេលជាមួយនាងនោះ? លុយមិនអាចទិញភាពកក់ក្ដៅដែលអ្នកឲ្យទៅនាងនោះទេ នាងសុខចិត្តនៅផ្ទះធ្វើម្ហូបឆ្ងាញ់ឲ្យអ្នក ឲ្យតែបានញ៉ាំបាយជុំគ្នា តែមនុស្សប្រុសបែរជាគិតថាឲ្យតែមានលុយឲ្យនាង គឺអាចឲ្យនាងសប្បាយចិត្ត។ ត្រូវចាំណាបើមនុស្សស្រីម្នាក់នោះស្រឡាញ់អ្នកពិត នាងមិនស្រឡាញ់លុយអ្នកទេ តែបើនាងស្រឡាញ់អ្នកគ្រាន់តែចង់មានលុយចាយស្រួល នោះទើបលុយអ្នកសំខាន់។

រូបតំណាង

មនុស្សស្រីត្រូវការអត្តចរិត ជាងរូបរាងស្អាត

ត្រូវហើយគ្មានអ្នកណាចង់បានអាក្រក់ទេ តែអ្វីដែលអាចនៅលើរូបសម្បត្តិគឺអត្តចរិត។ ការពិតពេលមនុស្សស្រីស្រឡាញ់មនុស្សប្រុសម្នាក់ខ្លាំង នាងលែងគិតថាអ្នកស្អាត ឬអាក្រក់ទៀតហើយ សំខាន់អ្នកជាមនុស្សប្រុសម្នាក់ដែលអាចមើលថែនាំ អាចឲ្យនាងផ្ញើវាសនា អនាគតនាងបាន។ បើស្អាត តែពូកែតែផឹក ស្អាតតែរូប តែវាយជេរនាងរាល់ថ្ងៃ បំផ្លាញគ្រួសារ ក្បត់នាង សួរថានាងត្រូវការទេ?