ប្រើស្ព្រៃបាញ់ទឹកអំបិលខ្ពុរមាត់រួមគ្នារំពឹងដើម្បីទប់ស្កាត់ Covid 19 មានអីត្រូវឆ្លង៤៦នាក់
- 2020-03-18 02:50:00
- ចំនួនមតិ 0 | ចំនួនចែករំលែក 0
ប្រើស្ព្រៃបាញ់ទឹកអំបិលខ្ពុរមាត់រួមគ្នារំពឹងដើម្បីទប់ស្កាត់ Covid 19 មានអីត្រូវឆ្លង៤៦នាក់
ព័ត៌មានថ្មីបំផុតបានបង្ហាញថា ព្រះវិហារ River of Grace សំបុកជំងឺកូរ៉ូណាថ្មីនៅទីក្រុងសេអ៊ូលប្រទេសកូរ៉េ បានឲ្យសមាជិករបស់ខ្លួនខ្ពុរមាត់ពីទឹកអំបិល ពីដបបាញ់ផ្ទាល់ដោយមិនមានសម្លាប់មេរោគអ្វីទាំងអស់ ដែលបណ្ដាលឲ្យមេរោគឆ្លងរាលដាលយ៉ាងខ្លាំង។
យោងតាមបណ្ដាញព័ត៌មាន SCMP ព្រះវិហារឈ្មោះRiver of Grace នៅទីក្រុងសេអ៊ូល ប្រទេសកូរ៉េ កាលពីថ្ងៃទី ១ ខែមីនាកន្លងទៅនេះ បានប្រព្រឹត្តពិធីបួងសួងរបស់ខ្លួនជាធម្មតា ទោះបីជាការរាតត្បាតនៃវីរុស Covid 19 កំពុងវាយលុកប្រទេសនេះជាខ្លាំង។
តាមកាមេរ៉ាសុវត្ថិភាពថតបាន ដើម្បីការពារសមាជិករបស់ខ្លួនកុំឲ្យឆ្លងរោគនោះ វិហារនេះបានឲ្យពួកគេខ្ពុរមាត់ដោយទឹកអំបិល។ យ៉ាងណាក្ដី ជំនួសឲ្យការខ្ពុរមាត់រៀងៗខ្លួននោះ ប្រធានវិហារបានប្រើស្ព្រៃបាញ់ដល់មាត់ផ្ទាល់ ដោយរវាងមនុស្សមួយទៅមនុស្សមួយ មិនបានសម្លាប់មេរោគឡើយ។
អាស្រ័យហេតុនេះ នៅពេលបច្ចុប្បន្ន គេបានរកឃើញថាយ៉ាងតិចបំផុត មានសមាជិកវិហារនេះចំនួន៤៦នាក់ បានឆ្លងមេរោគកូរ៉ូណាហើយ។ តាមនោះដែរ ដើមឡើយ មានអ្នកផ្ទុកមេរោគម្នាក់ ប៉ុន្តែដោយសារតែប្រើស្ព្រៃបាញ់រួមគ្នា ធ្វើឲ្យវីរុសនេះរាលដាលជាខ្លាំង៕
អានបន្ត៖ តើនរណាខ្លះដែលមានហានិភ័យខ្ពស់ក្នុងការប្រឈមនឹងជំងឺ កូវីដ១៩?