ខ្ញុំព្យាយាមបើកភ្នែកធំៗមើលហើយ តែនៅមើលមិនធ្លុះចិត្តមនុស្ស

2020-03-12 03:05:00
ចំនួនមតិ 0 | ចំនួនចែករំលែក 0

កាលពីមុន បើមានអ្នកណានិយាយាឃ្លាខាងលើដាក់ខ្ញុំ ខ្ញុំតែងតែគិតថា គេកំពុងធ្វើឲ្យរឿងធំជ្រុល ឬគេចង់ទាក់ទាញចំណាប់អារម្មណ៍ជាដើម។ ប៉ុន្តែនៅពេលប្រទះខ្លួនឯងហើយ ទើបដឹងថា ពេលខ្លះប្រើពាក្យនេះគឺនៅស្រាលផង។

រូបតំណាង

ធំដឹងក្ដីហើយ ទើបខ្ញុំដឹងថា ជីវិតមួយនេះ មានតែពាក់កណ្ដាលប៉ុណ្ណោះដែលជាក្ដីសុខ ហើយពាក់កណ្ដាលទៀតគឺជាទុក្ខ និងភាពពុតត្បុត។ យើងព្យាយាមរស់សុំត្រឹមតែមួយសុខហើយ នៅតែមានអ្នកចង់ជិះក្បាលយើងទៀត។ យើងកាន់តែអត់អោនឲ្យផុតទៅ គេកាន់តែបានចិត្តជាន់ពន្លិច។ យើងធ្វើដាក់គេដោយមនោសញ្ចេតនា តែគេបែរជារាប់យើងដោយសារការបោកប្រាស់ទៅវិញ។

ពីបន្លែមួយបាច់ ដល់សំណង់រាប់លានដុល្លារ អ្នកណាក៏ព្យាយាមគ្រប់វិធីដើម្បីរកចំណេញឲ្យខ្លួន ដោយមិនខ្វល់ពីអ្នកដទៃកំពុងរងទុក្ខយ៉ាងម៉េចឡើយ ដោយខ្លួនឯងសល់ច្រើនជាងគេគឺសប្បាយហើយ។

រូបតំណាង

កាន់តែធំ កាន់តែនឹកដល់ថ្ងៃដែលនៅតែជាសិស្សសាលា ដែលមិនគិតអ្វីច្រើន មានតែទៅរៀន ហើយមកផ្ទះ។ នំមួយកញ្ចប់ចែកគ្នាញ៉ាំ ក៏ក្លាយជាស្នាមញញឹមបាន។ មិនមែនដូចឥលូវ មើលមុខគ្នារាប់ឆ្នាំហើយ ក៏មិនទាន់ដឹងថា គេមានគំនិតអ្វីចំពោះយើងពិតប្រាកដ។

រូបតំណាង

អ្នកដែលយើងមិនសូវរវីរវល់ជាមួយ ការពិតជាអ្នកស្មោះនឹងយើង ឯអ្នកដែលយើងស្មោះអស់ពីចិត្ត បែរត្រឹមតែសម្លឹងឃើញប្រយោជន៍ពីយើងទៅវិញ។ ពេលខ្លះ ភ្នែកបើកអស់ធំហើយ ក៏មើលមិនឃើញពី ជម្រៅចិត្តមនុស្សដែរ៕

អានបន្ត៖ សញ្ញាបញ្ជាក់ថាអ្នកជាមនុស្សស្រីរឹងមាំ មិនងាយចុះចាញ់ជាមួយនឹងបញ្ហា

ប្រភព៖ Guu ប្រែសម្រួល៖ Caramel