រកឃើញចំណុចខុសក្នុងរូបទាំងនេះឃើញ មានន័យថាអ្នកជាមនុស្សមានភ្នែកមុត

2020-03-11 08:00:00
ចំនួនមតិ 0 | ចំនួនចែករំលែក 0

ដើម្បីតេស្តសាកល្បងថាតើអ្នកជាមនុស្សប៉ិនសង្កេតកម្រិតណា អ្នកអាចសាកល្បងតាមរយៈការស្វែងរកចំណុចខុសនៅក្នុងរូបខាងក្រោម។

១ រូបនេះ នៅឋានព្រះច័ន្ទ។ តើអ្នកគិតថាមានចំណុចត្រង់ណាខុស?

ចម្លើយ៖ អវកាសយានិកកំពុងឈរលើព្រះច័ន្ទស្រាប់ហើយ ដូច្នេះមិនអាចមានព្រះច័ន្ទមួយទៀតនោះទេ។

២. បុរសម្នាក់កំពុងឈរលើស្ពាននៅជនបទ។ តើអ្នកគិតថាមានចំណុចត្រង់ណាខុស?

ចម្លើយ៖ ទឹកក្រោមស្ពានមានតែមួយចំហៀង ចំណែកមួយចំហៀងទៀតអត់មាន។

៣. មានសត្វផេនឃ្វីនចំនួន៥ក្បាល និងខ្លាឃ្មុំទឹកកក១ក្បាល ឈរលើផ្ទាំងទឹកកកជាមួយគ្នា។ តើអ្នកគិតថាមានចំណុចត្រង់ណាខុស?

ចម្លើយ៖ សត្វខ្លាឃ្មុំទឹកកកជាទូទៅរស់នៅតែក្នុងតំបន់ប៉ូលខាងជើងប៉ុណ្ណោះ ចំណែកសត្វផេនឃ្វីនជាទូទៅ រស់នៅតែក្នុងតំបន់ប៉ូលខាងត្បូងប៉ុណ្ណោះ។ ដូច្នេះសត្វទាំង២ប្រភេទនេះ មិនគួររស់នៅជាមួយគ្នាលើផ្ទាំងទឹកកកតែមួយបាននោះទេ។

៤. ស្ត្រីម្នាក់រៀបចំអាហារពេលព្រឹកសម្រាប់កូនៗ ។ តើអ្នកគិតថាមានចំណុចត្រង់ណាខុស?

ចម្លើយ៖ កែវដែលស្ត្រីនោះកាន់មិនមានទឹកដោះគោនៅក្នុងនោះទេ ដូច្នេះមិនអាចចាក់ទឹកដោះគោចេញបានឡើយ។

៥. មានរថយន្តបើកលើដងផ្លូវក្នុងទីក្រុងឡុងដ៍។ តើអ្នកគិតថាមានចំណុចត្រង់ណាខុស?

ចម្លើយ៖ រថយន្តមិនគួរបើកខាងស្ដាំដៃឡើយ ព្រោះចរាចរណ៍នៅទីក្រុងឡុងដ៍ប្រកាន់ឆ្វេងដៃ។

៦. ក្នុងទីក្រុងមួយកំពុងអ៊ូអរដោយរថយន្ត រថភ្លើងបើកទៅ មនុស្សជួបគ្នា និងផ្សាយពាណិជ្ជកម្មផ្សេងៗ។ តើអ្នកគិតថាមានចំណុចត្រង់ណាខុស?

ចម្លើយ៖ ជាទូទៅរថភ្លើងមានទ្វារចេញចូលសងខាង និងបើកបរលើផ្លូវដែក តែរថភ្លើងពណ៌ក្រហមអត់មានទ្វារ ហើយគ្មានផ្លូវដែកសម្រាប់បើកបរ។ ធម្មតាភ្លើងស្តុបគឺមាន៣ពណ៌ តែភ្លើងស្តុបក្នុងរូបមានតែ២ពណ៌ ។ ក្នុងរូបផ្ទាំងផ្សាយពាណិជ្ជកម្មដាក់ថា ថ្ងៃទី៣២ខែធ្នូ តែខែធ្នូមានត្រឹមថ្ងៃ៣១ ប៉ុណ្ណោះ៕