ញៀនកែសម្ផស្សតាំងពីអាយុ១៣ឆ្នាំ នារីចិនធ្វើឲ្យគេស្ដាយជំនួសសម្រស់ធម្មជាតិរបស់នាង

2020-03-10 02:40:00
ចំនួនមតិ 0 | ចំនួនចែករំលែក 0

ទោះបីជាមនុស្សជាច្រើននឹកស្ដាយពីសម្រស់កាលមិនទាន់កែរបស់តារាបណ្ដាញសង្គមចិន Xiao Z Na Na ជាខ្លាំង តែម្ចាស់សាមីខ្លួនផ្ទាល់បានឲ្យដឹងថា នាងពេញចិត្តនឹងរូបរាងរបស់ខ្លួនពេលបច្ចុប្បន្ន។

នៅយុគសម័យទំនើបដូចបច្ចុប្បន្ន មនុស្សស្ទើរតែគ្រប់រូបកំពុងតម្រង់ខ្លួនឲ្យកាន់តែស្អាតជាងមុន ដោយការវះកាត់កែសម្ផស្សកំពុងតែជាជំរើសដ៏ពេញនិយម។ ដោយថ្មីៗនេះ បំផុត តារាបណ្ដាញសង្គមចិនម្នាក់បានរៀបរាប់ពីដំណើរវះកាត់របស់ខ្លួនតាំងពីអាយុ១៣ឆ្នាំ។

តាមនោះដែរ ស្រីស្អាតឈ្មោះ Xiao Z Na Na បានឲ្យដឹងថា ខ្លួនចាប់ផ្ដើមដើរចូលវិថីវះកាត់មុខពីអាយុ១៣ឆ្នាំ និងក្នុងអំឡុងពេល២ឆ្នាំ នាងបានឆ្លងកាត់ការវះកាត់តូចធំទាំងអស់ចំនួន ៦០ដង ដោយភ្នែក៦ដង កាត់ត្របក៥ដង ធ្វើច្រមុះ៤ដង សំលៀងឆ្អឹងមុខទាំងអស់១ដង បូមខ្លាញ់២ដង តចង្ការ១ដង និងកែដងខ្លួនជាច្រើនដង។

ម្ចាស់សាមីខ្លួនបានឲ្យដឹងថា ទោះឈឺ និងចំណាយថវិការច្រើនក៏ដោយ តែនាងពេញចិត្តនឹងអ្វីដែលខ្លួនកំពុងមានបច្ចុប្បន្ន។ យ៉ាងណាក្ដី ទស្សនិកជនជាច្រើន បានបង្ហាញពីក្ដីសោកស្ដាយចំពោះ Na Na នៅពេលមិនទាន់កែរបស់នាង ដ្បិតពេលនោះ នាងគួរឲ្យស្រលាញ់ជាងពេលនេះ ដោយបច្ចុប្បន្ន នាងមើលទៅគួរឲ្យខ្លាចជាងស្អាត។ ពាក់ព័ន្ធនឹងការងឿងឆ្ងល់ថានាងបានលុយពីណាមកកែមុខនោះ នាងបានដាក់ទៅវិញ គឺជាលុយគ្រួសារនាងឲ្យ។ បច្ចុប្បន្ន នារីរូបនេះកំពុងព្យួរការសិក្សារបស់ខ្លួន ដោយសារវះកាត់ច្រើនពេក សុខភាពចុះខ្សោយ៕