ស្នេហាគ្មានន័យទាល់តែសោះ បើមានសញ្ញានេះ ព្រោះមានសង្សារក៏ដូចអត់សង្សារ

2020-03-08 04:00:00
ចំនួនមតិ 0 | ចំនួនចែករំលែក 0

គេថាពេលដែលមនុស្សមានស្នេហាគឺស្រស់ស្រាយបំផុត ព្រោះស្នេហានឹងធ្វើឲ្យជីវិតពួកគេកាន់តែមានន័យ។ ចុះបើមានហើយគ្មានអីផ្លាស់ប្ដូរ? គ្មានអីពិសេសនោះ តើវាជាស្នេហាទេ? ធ្លាប់ឮអ្នកខ្លះនិយាយថាមានស្នេហាដូចគ្មានអត់? ខាងក្រោមនេះនឹងប្រាប់អ្នកថា អ្នកមានសង្សារដូចអត់សង្សារ ឲ្យតែស្នេហាអ្នកមានសញ្ញាទាំងនេះ៖

រូបតំណាង

**១. មិនដែលណែនាំឲ្យស្គាល់មិត្តភក្តិ ឬគ្រួសារ**

ចាប់ផ្ដើមស្រឡាញ់គ្នាដំបូងអ្នកទាំងពីរនឹងចាំមើលពីគ្នាឲ្យបានយូរសិន តែបើកន្លងយូរហើយគេមិនដែលណែនាំអ្នកឲ្យស្គាល់មិត្តភក្តិ ឬគ្រួសារគេនោះទេ វាហាក់ដូចជាគ្មានន័យអីទាល់តែសោះ។ វាជាចំណុចមួយដែលបង្ហាញថាអ្នកមានស្នេហាដូចគ្មាន ព្រោះស្រឡាញ់គ្នាបែបលាក់បាំង បែបមិនចង់ឲ្យអ្នកណាដឹងម្នាក់ៗកំពុងមានស្នេហា។

រូបតំណាង

២. មិនដែលបើកចំហរឿងផ្ទាល់ខ្លួនជាមួយគ្នា

មិនដែលនិយាយរឿងអីដែលខ្លួនមានជាមួយគ្នា នេះវាហាក់ដូចជាអ្នកដទៃអីចឹង។ មនុស្សស្រឡាញ់គ្នាគួរតែចែករំលែកគ្នា ទោះរឿងនោះល្អឬអាក្រក់ក៏ដោយ ព្រោះគេជាមនុស្សម្នាក់ដែលយើងអាចនិយាយ អាចនៅក្បែរបាន។ បើសូម្បីតែរឿងអីក៏មិនដែលនិយាយគ្នានោះ មិនដឹងថាវាជាទំនាក់ទំនងបែបណាឡើយ។

៣. មិនដែលមានភាពផ្អែមល្ហែមជាមួយគ្នា

មើលកុនជាមួយគ្នាក៏មិនដែល ញ៉ាំអីជាមួយគ្នាបែបរ៉ូមែនទិចក៏មិនដែល ទៅណាជាមួយគ្នាក៏មិនដែល នេះពិតជាសោះកក្រោះពេកហើយ។ បើមានស្នេហាបែបនេះ គួរតែគ្មានវិញល្អជាង ព្រោះវាក៏ដូចមិនមាន វាគ្មានអីខុសគ្នាទេ។

រូបតំណាង

៤. មិនសូវសួរនាំគ្នា

១អាទិត្យ ២ អាទិត្យបាននិយាយគ្នាម្ដង ព្រឹកមិនដែលCall មិនដែលផ្ញើសារទៅ យប់មិនដែលសួរនាំ ពេលចូលគេងក៏មិនដែលនិយាយថា រាត្រីសួស្ដី តើទាំងនេះអាចហៅថាស្នេហាបានទេ? ទោះមនុស្សរវល់យ៉ាងណាក៏ដោយមិនមិនធ្វើហីជាមួយស្នេហាដល់ថ្នាក់ហ្នឹងដែរ នេះបញ្ជាក់ថាវាគ្មានអីសំខាន់សម្រាប់គេឡើយ។

៥. ចេះនិយាយតែស្រឡាញ់ ប៉ុន្តែមិនដែលឃើញទង្វើ

ពេលសួរទៅក៏ប្រាប់ថាស្រឡាញ់ ថានឹក ប៉ុន្តែការបារម្ភ ការយកចិត្តទុកដាក់មិនដែលមាន។ គម្លាតស្នេហាអ្នកទាំងពីរកាន់តែឆ្ងាយទៅ ហើយមិនដែលមានអារម្មណ៍ថាទទួលបានភាពកក់ក្ដៅ សេចក្ដីសុខទេ។