ប្រហែលអ្នកដទៃចិត្ដដាច់បោះបង់អ្នកចោល តែម្តាយឪពុកគឺមិនអាចទាល់តែសោះ
- 2020-02-28 04:00:00
- ចំនួនមតិ 0 | ចំនួនចែករំលែក 0
ប្រហែលអ្នកដទៃចិត្ដដាច់បោះបង់អ្នកចោល តែម្តាយឪពុកគឺមិនអាចទាល់តែសោះ
ប្រសិនបើថ្ងៃណាមួយមនុស្ស២នាក់ដែលបានបង្កើតនិងចិញ្ចឹមអ្នកឲ្យធំធាត់ទៅចោលអ្នករហូត ក្នុងលោកនេះប្រហែលគ្មាននរណាស្រលាញ់អ្នកពេញបេះដូងដោយគ្មានលក្ខខណ្ឌនោះទេ។
ដូច្នេះកូនៗ! ពេលណាមិនរវល់ គួរទៅលេងផ្ទះឲ្យបានញឹកញាប់និងសួរសុខទុក្ខម្ដាយឪពុករបស់អ្នក។ លោកទាំង២ ពិតជាត្រូវការអ្នកមកលេងផ្ទះខ្លាំងណាស់។ កុំបណ្ដោយពេលវេលារសាត់តាមខ្យល់ឲ្យសោះ។ ខារ៉ាអូខេ បារ គ្រាន់តែជាកន្លែងសប្បាយមួយភ្លែត តៀមស្រាមិនមែនជាផ្ទះរបស់អ្នកទេ។
កុំធ្វើឲ្យម្ដាយសង្ឃឹម រួចហើយអ្នកមិនបានមកដូចមាត់។ នេះគឺជារឿងក្រៀមក្រំណាស់ដែលកូនៗជាច្រើនតបស្នងម្ដាយឪពុក មិនបានពាក់កណ្ដាលផងនូវទង្វើលោកបានធ្វើមកលើអ្នក។ កូនគ្រប់គ្នាទាំងឡាយអើយ! ម្ដាយឪពុកខំមើលថែអ្នកតាំងពីបាតជើងក្រហម តើអ្នកអាចរាប់បានទេថាលោកបានងូតទឹកឲ្យអ្នកប៉ុន្មានដង? បោកខោអាវឲ្យប៉ុន្មានដង? ពេលអ្នកមិនទាន់ចេះដើរ តើលោកទាំងពីរបានជួយអ្នកអ្វីខ្លះ? តើអ្នកអាចរាប់រាប់បានទេ?
ពេលអ្នកចេះដើរតេះតាស ប៉ាម៉ាក់ខំកាន់ដៃទាំងពីរដើម្បីបង្រៀនអ្នក។ ពេលអ្នកមិនទាន់ចេះញ៉ាំ ក៏លោកទាំងពីរជាអ្នកបញ្ចុក ។ ចុះអ្នកវិញ? អ្នកបានធ្វើអ្វីខ្លះហើយ? ប៉ុន្មានដងហើយដែលអ្នកបោកខោអាវឲ្យលោកទាំងពីរ? អ្នកធ្លាប់ជួយលោកអ្វីខ្លះ? សូមកុំភ្លេចផ្ដល់ស្នាមញញឹមនិងការលួងលោមដល់ម្ដាយឪពុករបស់អ្នកទាន់លោកនៅមានជីវិត។
គ្មានក្ដីស្រលាញ់ណាធំធេងជាងក្ដីស្រលាញ់របស់ម្ដាយឪពុក ហើយក៏គ្មានអ្នកណាមើលថែឬបារម្ភអ្នកដូចលោកទាំងពីរដែរ។ ត្រូវចាំថា ពេលអ្នកឈឺមានតែម៉ាក់និងប៉ាដែលតែងឱបអ្នកយកទៅមន្ទីរពេទ្យប៉ុណ្ណោះ។ មិត្តភ័ក្ដិនឹងអាចរត់ចោលអ្នក តែលោកទាំងពីរវិញគ្មានថ្ងៃទៅណាចោលអ្នកឡើយ។ ដូច្នេះហើយ កូនៗទាំងអស់គ្នាត្រូវតែចងចាំ។
កុំឈ្លោះជាមួយម្ដាយឪពុកទៀត បើមានរឿងអ្វីនិយាយទៅលោកមិនយល់ សូមនិយាយយឺតៗមួយៗម្ដងទៀត។ ត្រូវដឹងថា ពេលអ្នកធ្វើខុស ម្ដាយនិងប៉ារបស់អ្នកមិនដែលយកមកគណនានោះទេ។ ម្ល៉ោះហើយ កូនល្អគួរកុំឲ្យម៉ាក់ប៉ាស្រក់ទឹកភ្នែកដោយសារអ្នក កុំធ្វើឲ្យលោកអស់សង្ឃឹម៕
អានបន្ត៖ កុំអៀន! ធ្វើរឿង ៧យ៉ាងបង្ហាញក្តីស្រលាញ់ដ៏មានន័យសម្រាប់អ្នកម៉ាក់