មុនពេលរៀបការ សូមធ្វើរឿងទាំងនេះសិន ដើម្បីដឹងពីចរិតអាក្រក់របស់គ្នា

2020-02-27 03:30:00
ចំនួនមតិ 0 | ចំនួនចែករំលែក 0

មង្គលការគឺជាជំហានអនុវត្តចុងក្រោយនៃស្នេហា។ ក្រោយមង្គលការ មនោសញ្ចេតនានឹងឆ្លងទៅទំព័រមួយទៀតដែលសាំញ៉ាំច្រើន ដូចនេះហើយ មុនពេលឈានដល់វគ្គមង្គលការ អ្នកត្រូវដឹងច្បាស់ថាត្រៀមខ្លួនសម្រាប់ដំណាក់កាលនេះហើយ ឬនៅ។

រូបតំណាង

នៅពេលទើបស្រលាញ់គ្នាដំបូង អ្នកណាៗក៏បង្ហាញតែជ្រុងល្អរបស់ខ្លួនដាក់ដៃគូ ដើម្បីទាក់ទាញពួកគេ។ ដោយសារតែការលាក់ចរិតពិតនេះហើយ ដែលធ្វើឲ្យមនុស្សជាច្រើនត្រូវស្ដាយក្រោយ ក្រោយពេលចូលរោងការរួច តែពេលនោះក៏ហួសពេលបាត់ទៅហើយ។ មុនពេលសម្រេចចិត្ត គំរោងដ៏ធំជាងគេក្នុងជីវិតនេះ សូមអ្នកនិងសង្សារ ធ្វើរឿងទាំងនេះសិន កុំឲ្យហួសពេល។

១. ដើរទេសចរណ៍ជាមួយគ្នា

នៅពេលនៅក្នុងក្រុង អ្នកមិនមានពេលនៅជាមួយគ្នាយូរឡើយ ដូចនេះចរិតពិតរបស់បុគ្គលម្នាក់ៗក៏មិនបង្ហាញចេញមកអស់។ តែនៅពេលដើរលេងផ្លូវឆ្ងាយ យើងនឹងអាចសាកចិត្តគ្នាពិតៗ។ នៅពេលស្ទះផ្លូវ ផ្លូវរលាក់ មនុស្សចង្អៀត យើងអាចដឹងពីចិត្តរបស់ពួកគេភ្លាមៗថាគេចិត្តត្រជាក់ និងចេះទប់អារម្មណ៍ ឬអត់។

២. វែកញែក ជជែកគ្នា

អ្នកទាំង២ អាចរកប្រធានបទមួយដែលមិនមានមតិស្របគ្នា ឬរកជម្លោះណាមួយក៏បាន មកជជែកគ្នាឲ្យដឹងឈ្នះចាញ់ម្ដង។ ដើម្បីមើលឃើញថា គេជាមនុស្សប្រកែកដឹងខុសត្រូវ ឬជាអ្នកប្រកែកផ្កាប់មុខ ដែលចង់ឲ្យតែខ្លួនត្រូវ។ នៅពេលនេះ យើងនឹងដឹងពីមនុស្សពិតនៃគូអនាគតរបស់ខ្លួន។

រូបតំណាង

៣. ឲ្យគេដឹងពីចំណុចអាក្រក់របស់យើង

ក្រោយស្គាល់ចិត្តគ្នាហើយ អ្នកអាចចាប់ផ្ដើមបង្ហាញចំណុចដែលមិនទាន់ល្អរបស់ខ្លួនចេញមកឲ្យគេឃើញ ហើយចាំមើលសកម្មភាពរបស់គេ។ ចរិតដូចជា ឆាប់ខឹង ចិត្តច្រើន ឬនិយាយច្រើន គឺជាចរិតកំណើតរបស់មនុស្សជាច្រើន ដូចនេះ បើគេទទួលយកបាន ថ្ងៃក្រោយគឺអាចដើរជាមួយគ្នាបានយូរហើយ។

៤. និយាយរឿងកូនចៅឲ្យហើយ

រឿងយកកូនចៅ សម្រាប់មនុស្សម្នាក់ៗគឺមានចិត្តគំនិតខុសៗគ្នា ដោយអ្នកខ្លះចង់បានច្រើន អ្នកខ្លះចង់បានតិច ហើយខ្លះទៀត គឺមិនយកតែម្ដង។ អាស្រ័យហេតុនេះហើយ កុំឲ្យឈ្លោះប្រកែកគ្នាទៅថ្ងៃក្រោយ អ្នកទាំង២ គួរលើកប្រធានបទនេះមកនិយាយជាមុន មុនពេលឈានជើងចូលរោងការ៕

អានបន្ត៖ ទោះជាពូកែអៀនក៏ដោយឲ្យតែធ្លាក់ក្នុងអន្លង់ស្នេហ៍ បុរសនឹងបង្ហាញកាយវិការ ៥ នេះ

ប្រភព៖ Spiceee ប្រែសម្រួល៖ Caramel