ទោះរកលុយដោយខ្លួនឯងពិបាកបន្តិចមែន តែក៏ស្រួលជាងលាដៃសុំលុយពីប្តីដែរ

2020-02-25 02:40:00
ចំនួនមតិ 0 | ចំនួនចែករំលែក 0

សម្រាប់មនុស្សស្រី គ្មានលុយណាដែលហៅថាច្រើនលើសទេ ទោះបីជាគេថាងប់នឹងលុយក៏ជាលុយដែលខ្លួនឯងរកបានដែរ។ កុំរស់ដោយស្ដាប់អ្នកដទៃ ព្រោះបាយមួយពេលក៏គេមិនបានចិញ្ចឹមយើងដែរ។

រូបតំណាង

ខ្ញុំមានមិត្តភ័ក្ដិរវល់ងើបមុខមិនរួចម្នាក់។ នាងជាប្រភេទមនុស្សដែលមិនទុកឲ្យខ្លួនឯងទំនេរ។ កាលមិនទាន់មានកូន មួយថ្ងៃៗនាងនៅក្រុមហ៊ុន យប់ឡើងទៅផ្ទះបោសជូត ធ្វើម្ហូប មើលថែគ្រួសារ។ ពេលសម្រាកពពោះក៏រកការងារតូចតាចធ្វើ។ ពេលកូនបានរឹងប៉ឹងបន្តិច នាងក៏ត្រលប់ទៅធ្វើការវិញ។ មិត្តភ័ក្ដិខ្ញុំមិនដែលគិតថានឹងដេកនៅផ្ទះឡើយ ទោះបីជាសមត្ថភាពប្ដីនាងអាចចិញ្ចឹមគ្រួសារបានយ៉ាងស្រួល។ ពីពេលនោះមក មនុស្សជាច្រើនរិះគន់មិត្តខ្ញុំថាជាមនុស្សមុខលុយ។

រូបតំណាង

នៅពេលប្អូនថ្លៃមិត្តខ្ញុំដែលធំឡើងចាយតែលុយម៉ែឪ រៀបការចាយលុយប្ដី ថាឲ្យមិត្តខ្ញុំ ឃើញតែលុយចោលគ្រួសារនោះ មិត្តភ័ក្ដិខ្ញុំតឹងណែនក្នុងចិត្ត ទូរសព្ទមកខ្ញុំ តែសំឡេងឡើងញ័រថា៖ ថាខ្ញុំមុខលុយ ក៏ខ្ញុំមិនខឹង។ ចំពោះមនុស្សស្រី គ្មានលុយណាដែលថាលើសជ្រុលទេ។ ទោះខ្ញុំងប់នឹងលុយក៏ជាលុយខ្ញុំប្រឹងរកបាន។ រកបានតិចខ្ញុំចាយតិច សល់ខ្លះទិញរបស់ក្នុងផ្ទះ។ ប្ដីខ្ញុំសូម្បីតែម្ដង ក៏មិនដែលមើលងាយខ្ញុំផង។ គេសើចខ្ញុំថាខ្ញុំមុខលុយ ខ្ញុំសើចគេវិញថា ឆ្ងាយពីមនុស្សប្រុសមួយជំហាន បាយមួយពេលក៏រកខ្លួនឯងមិនបាន។

រូបតំណាង

និយាយទៅមនុស្សម្នាក់ៗមានចិត្តគំនិតផ្សេងៗគ្នា តែខ្ញុំពិតជាគិតថាមិត្តខ្ញុំមិនខុសមែនលើកនេះ។ មនុស្សមិនតិចឡើយគិតថា មនុស្សស្រីប្រឹងពេកធ្វើអី បើប្ដីគង់ជាអ្នកចិញ្ចឹម។ តែសួរថា លើលោកនេះមានអ្នកណាហ៊ានធានានឹងចិញ្ចឹមយើងមួយជីវិត។ នេះមិនទាន់គិតថា មនុស្សស្រីអត់លុយ សម្ដីក៏គ្មានតម្លៃ សេរីភាពក៏គ្មាន។

រូបតំណាង

ចាយលុយគេ សុភមង្គលរបស់យើងសោះក៏នៅក្នុងដៃគេ។ ឧទាហរណ៍ថាស្រលាញ់រ៉ូបមួយ តែគេមិនឲ្យទិញ ក៏យើងបាត់បង់ក្ដីសុខមួយបាត់ទៅហើយ។ មនុស្សស្រីរកលុយខ្លួនឯងមិនបាន រកក្ដីសុខឲ្យខ្លួនឯងមិនបានមិនថាទេ តែសូម្បីតែចំពោះអ្នកមានគុណរអៀសចិត្តដែរ ដ្បិតចង់ជូនម៉ែពុកក៏លាដៃសុំលុយគេ។ ដូចនេះហើយ ទោះគេថាយ៉ាងម៉េចក៏មនុស្សស្រីគួរប្រឹងរកលុយខ្លួនឯង ទោះអាចពិបាកខ្លួនបន្តិចមែន តែវាស្រួលក្នុងចិត្ត៕

អានបន្ត៖ គូសង្សារមាន១១ចំណុចនេះ បើយកគ្នាជាប្តីប្រពន្ធរស់នៅមានសុភមង្គលអស់មួយជីវិត

ប្រភព៖ Guu ប្រែសម្រួល៖ Caramel