អ្នកធ្លាប់សុំបែកតាមសារ ជាការសម្រេចចិត្តខុស ដោយសម្អាងលើហេតុផល ៥ យ៉ាង

2020-02-13 10:00:00
ចំនួនមតិ 0 | ចំនួនចែករំលែក 0

មានមនុស្សមិនតិចទេ ដែលឆាតសុំសង្សារបែកគ្នា ទាំងបុរស និងស្ត្រី តែនោះជាជម្រើសខុសប៉ុណ្ណោះ.។ហេតុផល ៥ យ៉ាងនេះ អ្នកដែលធ្លាប់បែកគ្នាតាមឆាត ជាជ្រើសខុស៖

១.មិនអស់សេចក្ដី

ការបែកគ្នាតាមរយៈសារ គឺមិនអាចបរិយាយអស់សេចក្ដីដូចការជួបសម្ដីផ្ទាល់ឡើយ។ ព្រោះការនិយាយគ្នាតទល់នឹងអាចបង្ហាញ ឬបកស្រាយឲ្យការយល់ច្រឡំ មកជាត្រូវគ្នាវិញ តែបើអ្នកដាក់ចិត្តថាបែកតាមទូរស័ព្ទ ហើយមិនចង់ជួបមុខបញ្ហានឹងចប់ដោយមិនមានន័យ។

រូបតំណាង

**២.ម្ខាងទៀតមិនដឹងថាខុសអ្វី**

ចំណុចនេះមិនមែនមានតែនៅក្នុងរឿងភាគទេ សង្គមពិតក៏បែបនេះដែរ។ ពេលខ្លះអ្នកអាចឮអ្នកដទៃ ឬឃើញអ្វីដែលមិនពិត ជាហេតុនាំឲ្យចិត្តខឹងសុំចប់គ្នាតាមទូរស័ព្ទ ដោយខាងនោះគេមិនដឹងខ្លួន។ យកល្អគួរតែនិយាយគ្នាឲ្យបានច្បាស់លាស់សិន ព្រោះអ្វីដែលឃើញ និងឮអាចមិនត្រឹមត្រូវ។

៣.ជាមនុស្សគ្មានទំនួលខុសត្រូវ

ទោះជាបែកគ្នាមែនក៏គេនិយាយគ្នារកហេតុរកផលឲ្យឃើញសិនដែរ មិនមែនម្ខាងទៀតមិនបានដឹងខ្លួនខុសអ្វីសោះ ក៏ផ្ញើសារសុំបែក។ ទាល់តែជាមនុស្សដែលមានទំនួលខុសត្រូវពិត ទើបធ្វើបែបនោះទៅរួច ណាមួយអ្នកដែលសុំបែកតាមការឆាត ច្រើនតែខុសម្នាក់ឯង។

៤.មនុស្សចរិតក្មេង

ចរិតក្មេង គឺពូកែងរង៉ក់ រករឿង និងចង់ឲ្យគេតាមអង្វរ ដោយពេលខ្លះគ្រាន់តែជារឿងតូចតាចមួយសោះក៏បង្កើតធ្វើជារឿងធំណាស់ ដើម្បីទាក់ទាញការចាប់អារម្មណ៍ពីដៃគូ និងគិតថាខ្លួនអស្ចារ្យជាងគេ។

៥.ខកចិត្ត

បើអ្នកគិតថាការផ្ញើសារទៅដៃគូ ដើម្បីជាការគំរាមលេងប៉ុណ្ណោះ តែចម្លើយវិញអាចនឹងក្អួតឈាមព្រោះតែម្ខាងទៀតលែងទ្រាំ ហើយសម្រេចយកផ្លូវបែកគ្នាតែម្ដងក៏មាន៕