មនុស្សស្រីក្រោយសម្រាលកូនរួច រាងកាយនឹងបាត់បង់ភាពស្រស់ស្អាត ៨ ចំណុចនេះ

2020-02-07 10:30:00
ចំនួនមតិ 0 | ចំនួនចែករំលែក 0

ស្ត្រីស្ទើរតែ ៩៩ % ទៅហើយដែលបាត់បង់ភាពស្រស់ស្អាតរបស់ខ្លួន ក្រោយសម្រាលកូនរួច។ ព្រោះអំឡុងពេលពពោះ និងសម្រាលកូនហើយអ្នកម្ដាយត្រូវញ៉ាំអាហារជាច្រើនមុខខុសពីពេលខ្លួនមួយ និងមិនមានពេលគ្រប់គ្រាន់ក្នុងការថែរក្សាសម្រស់ទៀតនោះ ដែលនេះជាមូលហេតុនាំឲ្យភាពស្រស់ស្អាតបាត់បង់ទៅ។

១.សាច់យាកនៅក្បាលពោះ

ក្រោយសម្រាលកូនហើយ ស្ត្រីភាគច្រើនប្រឈមមុខនឹងបញ្ហានេះ ព្រោះពេលមានផ្ទៃពោះស្បែកប្រែជារីក ហើយពេលកូនកើតមកក៏មិនអាចរាបស្មើដូចដើមបានដែរ។ អ្នកដែលអាចធ្វើឲ្យក្បាលពោះប្រែជាស្អាតដូចមិនទាន់ពេលមានកូន គឺមានការព្យាយាម និងចំណាយពេលវេលាច្រើនណាស់។

រូបតំណាង

**២.សង្វារ**

នេះជាទុកកង្វល់របស់មនុស្សស្រីគ្រប់រូប។ ពេលពពោះស្បែកស្ត្រីជាច្រើនកន្លែងដូចជាក្បាលពោះ ភ្លៅ គូទ ទ្រូង ដើមដៃ សុទ្ធតែមានសង្វារកើតឡើង ព្រោះតែការឡើងទម្ងន់ និងមិនបានថែទាំស្បែកបានគ្រប់គ្រាន់។

៣.ទម្ងន់

ព្រោះតែពេលពពោះអ្នកម្ដាយត្រូវញ៉ាំអាហារច្រើនប្រភេទ ដើម្បីឲ្យកូនមានសុខភាពល្អ ទើបមិនខ្វល់ពីរឿងរូបរាងឡើយ ហើយក្រោយពេលកូនកើតមកហើយ ម្ដាយក៏នៅតែខំញ៉ាំដើម្បីឲ្យសម្បូរទឹកដោះ ទុកផ្គត់ផ្គង់កូនទើបគីឡូមិនអាចស្រកដូចដើម។

រូបតំណាង

៤.ស្បែក

ចាស់ៗតែងហាមប្រាមអ្នកមានផ្ទៃពោះមិនឲ្យលាបឡេ លាបម្សៅអ្វីទេ ព្រោះថាអាចប៉ះពាល់កូនក្នុងពោះបាន។ អ្នកម្ដាយមួយចំនួនក៏មិនហ៊ានប្រើគ្រឿងសម្អាងអ្វីតាមមែន ដោយសារតែខ្លាចកូនសុខភាពមិនល្អ។ ដូចនេះហើយទើបពេលសម្រាលកូនរួចស្បែកនៅតែខ្មៅស្រអាប់ គ្មានសំណើមដែលវាបានធ្វើឲ្យអ្នកបាត់បង់សម្រស់មួយភាគធំ។

៥.ស្លាកស្នាម

សម្រាប់អ្នកម្ដាយដែលសម្រាលដោយពឹងលើមុខកាំបិត ច្រើនតែបន្សល់ស្លាកស្នាមមួយឆ្នូតលើពោះ ហើយសម្រាប់អ្នកដែលមានសាច់ក្លាយ វាងាយឲ្យឃើញធំនៅស្នាមវះនោះ។ នេះជាកត្តាធ្វើឲ្យស្រ្តីមិនអាចស្លៀកពាក់ខើចខ្លីបញ្ចេញក្បាលពោះបាន។

៦.ស្នាមផ្សេងៗពេលមានផ្ទៃពោះ

មានស្រ្តីជាច្រើនតែងតែជួបប្រទះបញ្ហាកើតមានស្នាមផ្សេងៗដូចជាឆ្នូតខ្មៅពាក់កណ្ដាលក្បាលពោះ ស្នាមជាំលើមុខ មុន អាចម៍រុយ ក្លៀកខ្មៅ...។ ស្នាមអស់ទាំងនោះទោះជាសម្រាលរួច ក៏មិនងាយបាត់ទៅវិញភ្លាមៗដែរ ដោយអ្នកខ្លះត្រូវចំណាយពេលរាប់ខែរាប់ឆ្នាំ ទើបកម្ចាត់បាន។