កុំសម្រុកតែពាក់ម៉ាស់ហើយភ្លេចអនុវត្តរឿងអស់ទាំងនេះ
- 2020-01-29 06:30:00
- ចំនួនមតិ 0 | ចំនួនចែករំលែក 0
កុំសម្រុកតែពាក់ម៉ាស់ហើយភ្លេចអនុវត្តរឿងអស់ទាំងនេះ
ក្នុងរយៈពេលប៉ុន្មានថ្ងៃនេះ នៅតាមឱសថស្ថាន និងតូបលក់ទំនិញផ្សេងៗ មានការឈូរឆរ និងអ៊ូរអរខ្លាំងចំពោះការទិញលក់ម៉ាស់។ លើសពីនេះ តម្លៃម៉ាស់ឡើងថ្លៃ ដោយតម្លៃម៉ាស់តាមកន្លែងខ្លះ មួយប្រអប់អាចឡើងដល់ចន្លោះ ២ ដុល្លារ ឡើងទៅដល់ ១០ ដុល្លារ ទៅតាមទីតាំងលក់ដូរ។ យ៉ាងណាមិញ ក្រៅពីការពាក់ម៉ាស់ការពារខ្លួន តើអ្នកមានដឹងពីវិធីការពារខ្លួនផ្សេងៗទៀតដែរឬទេ?
បន្ទាប់ពីមានការរកឃើញបុរសជនជាតិចិនម្នាក់ មានផ្ទុកជំងឺរលាកសួតបង្កឡើងដោយមេរោគកូរ៉ូណាវីរុស(coronavirus) ប្រភេទថ្មី កាលពីពេលថ្មីៗនេះ ប្រជាជនកម្ពុជាជាច្រើនមានការឈូរឆរខ្លាំងក្នុងការពាក់ម៉ាស់។ ទន្ទឹមនឹងនេះ ការពាក់ម៉ាស់តែមួយមុខ គឺមិនអាចការពារជំងឺមួយនេះបាន ១០០ ភាគរយទេ។
ហេតុអ្វី? ព្រោះការពាក់ម៉ាស់អាចការពារមិនឲ្យខ្ទាតទឹកមាត់ ឬការពារកណ្តាស់ពីអ្នកដទៃមកលើខ្លួនអ្នក។
ក្រៅពីការពាក់ម៉ាស់ការពារ រឿងចាំបាច់ដែលអ្នកត្រូវធ្វើដើម្បីការពារខ្លួនឯងនោះគឺ៖
១. ឧស្សាហ៍លាងដៃជាមួយនឹងសាប៊ូ ឬទឹកលាងដៃឲ្យបានញឹកញាប់មុនប៉ះពាល់ភ្នែក មុខ និងច្រមុះ
២. បរិភោគបន្លែ ត្រី សាច់ ឆ្អិនៗ ចៀងវាងអាហារឆៅៗ
៣. ទទួលទានទឹកឲ្យបានច្រើនយ៉ាងហោចណាស់ ២ លីត្រក្នុងមួយថ្ងៃ
៤. ចៀសវាងប៉ះពាល់ជាមួយសត្វព្រៃរស់ឬកន្លែងចិញ្ចឹមសត្វដោយគ្មានរបស់ការពារ។ ពិសេស មិនត្រូវបរិភោគសត្វឈឺនិងសត្វស្លាប់ដោយសារជំងឺទេ
៥. លាងសម្អាតឧបករណ៍និងកន្លែងលក់ដូររបស់អ្នកយ៉ាងតិចមួយថ្ងៃមួយដង
៦. ចៀសវាងប៉ះពាល់ជាមួយអ្នកជំងឺដោយគ្មានប្រដាប់ការពារ និងមិនត្រូវខាកស្តោះនៅទីសាធារណៈ
៧. ប្រើប្រាស់ជ្រុញផ្សេងគ្នាចំពោះអាហារឆ្អិននិងឆៅ
៨. បើមិនស្រួលខ្លួន គ្រុនក្តៅ និងក្អក ត្រូវផ្អាកការធ្វើដំណើរ។ ប្រសិនបើពិបាកដកដង្ហើមត្រូវទៅជួបពេទ្យជាបន្ទាន់ដើម្បីទទួលការព្យាបាល
៩. ត្រូវខ្ទប់ច្រមុះ មាត់នៅពេលក្អកឬកណ្តាស់ឲ្យបានត្រឹមត្រូវ។
មានសំណួរ ឬការសង្ស័យ ទាក់ទងនឹងជំងឺរលាកសួត ដែលបង្កឡើងដោយមេរោគកូរ៉ូណាវីរុស(coronavirus) ប្រភេទថ្មី សូមទូរសព្ទទៅលេខ ១១៥ ដោយឥតគិតថ្លៃពីគ្រប់ប្រព័ន្ធ៕
ចុចអានបន្ត៖
មកដឹងព័ត៌មានលម្អិតនិងវិធីការពារខ្លួនពីវីរុសកូរ៉ូណា ដើម្បីសុវត្ថិភាពទាំងអស់គ្នា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
