លក្ខណៈពិសេស ៦យ៉ាងនៃមនុស្សស្រីដែលធ្វើឲ្យមនុស្សប្រុសលង់ស្នេហ៍បានដោយងាយ

2020-01-17 08:50:00
ចំនួនមតិ 0 | ចំនួនចែករំលែក 0

មានរឿងជាច្រើនដែលអាចឲ្យមនុស្សប្រុសធ្លាក់ក្នុងអន្លង់ស្នេហ៍មនុស្សស្រីម្នាក់បាន មិនមែនពឹងតែលើរូបរាងស្រស់ស្អាតនោះទេ។ លក្ខណៈសម្បត្តិទាំង ៦ នេះអាចឲ្យមនុស្សប្រុសលង់ស្រឡាញ់អ្នកដោយមិនដឹងខ្លួនបាន៖

រូបតំណាង

**១. រៀបចំខ្លួនបានស្អាតបាត**

មិនមែនឲ្យតែស៊ិចស៊ីមនុស្សប្រុសចូលចិត្តនោះទេ ត្រូវដឹងថាការស្លៀកពាក់គឺជាភាពទាក់ទាញមួយ ដែលមនុស្សគ្រប់គ្នាតែងតែសង្កេតមើល ជាពិសេសមនុស្សប្រុសតែម្ដង។ ការស្លៀកពាក់សមរម្យ ថ្លៃថ្នូរ ស្រស់ស្អាត ក៏បានបង្ហាញថាអ្នកជាមនុស្សបែបណាដែរ។ ពេលខ្លះអ្នកប្រហែលគិតថាដល់តែស្អាតទើបមនុស្សប្រុសចាប់អារម្មណ៍ តែការពិតឲ្យតែចេះរៀបចំខ្លួនឲ្យបានសមសួន គឺគួរឲ្យស្រឡាញ់ណាស់ទៅហើយ។

រូបតំណាង

២. មានភាពរួសរាយ មិនឆ្មើងឆ្មៃ

មនុស្សស្រីដែលរួសរាយ មិនវាយឬកឆ្មើងឆ្មៃ គឺជានារីដែលគួរឲ្យស្រឡាញ់បំផុត ព្រោះពេលដែលបាននិយាយ ឬក៏នៅជាមួយគឺមានភាពរស់រវើក ស្រស់ស្រាយ និងមានស្និទ្ធស្នាល ដែលជាអាវុធមួយឆាបយកចិត្តមនុស្សប្រុសដោយមិនដឹងខ្លួន។

រូបតំណាង

៣. ញញឹម

ដូចដែលប្រាប់ហើយថាស្នាមញញឹមរបស់មនុស្សស្រីគឺអាចឆក់យកបេះដូងរបស់មនុស្សប្រុសបាន ដូច្នេះគួរតែញញឹមឲ្យបានច្រើន តាមតែអាចទៅរួច កុំចេះតែធ្វើមុខក្រញូវ។ គ្មានអ្នកណាចង់ក្បែរ និងលង់ស្នេហ៍អ្នកដែលមុខចងចិញ្ចើមនោះទេ។

រូបតំណាង

៤. មានការជជែក និងបញ្ចេញមតិ

វាជាភាពទាក់ទាញមួយ ព្រោះពេលដែលយើងជជែក និងបញ្ចេញមតិ គឺដូចជាយើងបានបញ្ចេញចំណេះដឹងដែលអ្នកមានដែរ ដូច្នេះហើយយើងគួរតែបញ្ចេញអ្វីដែលអ្នកមាន។ មិនគួរណាស្ងាត់ រហូតចាំតែងក់ក្បាលតាមគេពេកទេ។

រូបតំណាង

៥. មិនរអ៊ូរទាំច្រើន

បើអ្នកចេះតែឆេវឆាវ មិនចេះអត់ធ្មត់ជាមួយអ្វីដែលនៅជុំវិញខ្លួននោះវាពិតជាពិបាកព្រោះការដែលចូលចិត្តរអ៊ូរទាំងច្រើនធញចើឲ្យមនុស្សមានអារម្មណ៍ធុញទ្រាន់។ ពេលខ្លះរឿងតិចតួចគួរតែឲ្យវាទៅឲ្យផុតៗទៅ មិនបាច់នៅនិយាយដដែលៗទេ។

រូបតំណាង

៦. ចិត្តល្អចំពោះអ្នកជុំវិញខ្លួន

មិនមែនល្អជាមួយអ្នកដែលអ្នកស្រឡាញ់នោះទេ តែត្រូវតែមានចិត្តចំពោះមនុស្សដែលនៅជុំវិញខ្លួន ព្រោះវាបង្ហាញថាអ្នកជាមនុស្សស្រីដ៏ល្អម្នាក់ និងបង្ហាញពីតម្លៃអ្នកដូចគ្នា។

មិនមែនសម្រស់ជាអ្វីគ្រប់យ៉ាងនោះទេ វាគ្រាន់ជាផ្នែកមួយដែលទាក់ភ្នែកមនុស្សប្រុសដំបូងតែប៉ុណ្ណោះ តែបើអ្នកមានចំណុចដូចខាងលើនោះ ទើបជាអ្វីដែលពិសេសសម្រាប់មនុស្សប្រុស៕

ចុចអាន៖កុំធ្វើខ្លួនទន់ជ្រាយដើម្បីទាក់ចិត្តមនុស្សប្រុស ព្រោះអ្នកដែលគេជ្រើសនៅតែជាមនុស្សស្រិរឹងមាំ

អត្ថបទ៖ ផេង ផលធិតា