ប្ដីប្រពន្ធហៅគ្នាថាអញហែង ឈឺចាប់ជាងត្រូវគេក្បត់ទៅទៀត

2020-01-17 03:45:00
ចំនួនមតិ 0 | ចំនួនចែករំលែក 0

ពីពាក្យបង អូនដ៏ផ្អែមល្ហែម ប្រែទៅជាភាសាអញហែង យ៉ាងឃោឃៅដាច់សាច់ សួរថាអ្នកណាមិនឈឺ ជាពិសេសនោះគឺវាចេញពីមាត់មនុស្សដែលយើងស្រលាញ់ជាងគេនោះ។

រូបតំណាង

ភាសាហៅគ្នាជះឥទ្ធិពលខ្លាំងណាស់នៅក្នុងចំណងអាពាហ៍ពិពាហ៍។ ប្ដីប្រពន្ធមិនតិចគូឡើយដែលដោយសារភាសាហៅគ្នាសោះកក្រោះនេះ ត្រូវផ្តាច់ចេញពីគ្នា។ ពេលស្រលាញ់គ្នា មួយម៉ាត់ណាក៏បងអូន ឬប្រពន្ធ និងប្ដី តែពេលឈ្លោះប្រកែកគ្នា បែរជាហៅគ្នា ខ្ញុំនាង ខ្ញុំលោកឯង នេះបើមិនទាន់ធ្ងន់ធ្ងរ ។ តែបើធ្ងន់ធ្ងរជាងនេះគឺ នឹងប្រើភាសាផ្សារ ហៅគ្នាថាអញហែងតែម្ដង។

យោងតាមការស្ទង់មតិ មានដល់៩៩% ប្ដីប្រពន្ធមានអារម្មណ៍ថាខ្លួនរបួសផ្លូវចិត្តនៅពេលត្រូវមនុស្សដែលរាល់គៀកកើយគ្នា ហៅថាអញហែង។ ខណៈមនុស្សមួយចំនួន អាចបៀមទុក្ខសង្កត់ចិត្តទទួលយកបាននោះ មនុស្សផ្សេងទៀត មិនអាចទទួលយកបានការហៅដូចនេះឡើយដែលនឹងនាំដល់ការលែងលះគ្នា។

រូបតំណាង

ចិត្តវិទូបានលើកឡើងថា នៅពេលជ្រុលមាត់ប្រើភាសាទាំងនេះ ប្ដីប្រពន្ធខ្លះបានយកលេសថា នៅជាមួយគ្នាយូរឆ្នាំហើយ ប្រើពាក្យបែបនេះក៏មិនអីដែរ ។ តែតាមការពិតនោះគ្រាន់តែជាការបន្លប់ប៉ុណ្ណោះ ព្រោះតាមទងនៃបញ្ហា គឺគេចង់ប្រើភាសាបែបនេះបាត់ទៅហើយ។

ភាសាហៅនេះ ក៏បង្ហាញពីមនោសញ្ចេនតាដែលបុគ្គលម្នាក់ មានចំពោះម្នាក់ទៀតដែរ ដូចនេះ បើដល់ថ្នាក់ ហៅគ្នាថាអញហែងហើយ តិចក្ដី ច្រើនក្ដី ក៏ចិត្តគេលែងដូចមុនដែរ ដែលវាឈឺប្រៀបដូចគេចាក់មួយកាំបិតដែរ។

រូបតំណាង

មិនត្រឹមតែប៉ុណ្ណោះ បើហៅគ្នាអញហែង ឲ្យអ្នកក្រៅឮក៏ធ្វើឲ្យគេមើលងាយគ្រួសារខ្លួនឯងផងដែរ ដ្បិតប្ដីប្រពន្ធនេះគ្មានការគោរពគ្នា។ នៅពេលជ្រុលធ្លាយពាក្យទាំងនេះចេញហើយ ចង់ដកវិញគឺពិបាកណាស់ ដ្បិតរបួសចិត្តត្រូវបានសាងរួចទៅហើយ។ អាស្រ័យហេតុនេះ មុនពេលប្រើភាសាចាក់ដោតទាំងនេះ សូមគិតឲ្យច្បាស់ ឬកុំប្រើតែម្ដង៕

អានបន្ត៖ គូស្នេហ៍ភាគច្រើន តែងនិយាយកុហកគ្នាញឹកញាប់បំផុតនូវរឿង ៨ យ៉ាង

ប្រភព៖ Guu ប្រែសម្រួល៖ Caramel