ទម្លាប់ធម្មតា ៣យ៉ាង តែជះហានិភ័យខ្លាំងដល់ទារកនឹកស្មានមិនដល់
- 2020-01-16 07:25:00
- ចំនួនមតិ 0 | ចំនួនចែករំលែក 0
ទម្លាប់ធម្មតា ៣យ៉ាង តែជះហានិភ័យខ្លាំងដល់ទារកនឹកស្មានមិនដល់
នៅពេលមានគក៍ អ្នកម្តាយពិតជាសប្បាយចិត្តណាស់ ព្រមទាំងធ្វើយ៉ាងណាដើម្បីថែទាំសុខភាពទារកឲ្យបានល្អ។ ប៉ុន្តែ ជួនកាលមានរឿងចំនួន ស្រ្តីមានផ្ទៃពោះមិនបានដឹង ហើយអចេតនាធ្វើវាឡើងដោយមិនដឹងខ្លួន។ ចៀសវាងវិប្បដិសារីអស់មួយជីវិត ស្រ្តីមានផ្ទៃពោះទាំងអស់គួរចៀសវាងនូវរឿងទាំង៣យ៉ាងខាងក្រោម៖
**១. ចូលគេងយឺត និងស្រ្តេសខ្លាំង**
ស្ត្រីមានផ្ទៃពោះមិនគួរចូលគេងយូរពេកទេ ព្រោះបណ្ដាលឲ្យងាយនឹងស្រ្តេសអំឡុងពពោះខ្លាំងណាស់។ លើសពីនេះ ធ្វើឲ្យឈានទៅដល់ការគេងដែលមិនតុល្យភាព ព្រមទាំងកើតជំងឺថប់បារម្ភ ថែមទៀត។ កាន់តែគ្រោះថ្នាក់ជាងនេះ គឺឈានទៅដល់ការប៉ះពាល់សុខភាពរហូតអាចកើតកូនមុនកំណត់បាន។
២. ឡើងទម្ងន់ហួសហេតុ
ប្រសិនបើស្ត្រីមានផ្ទៃពោះឡើងទម្ងន់ជ្រុលពេក ហានិភ័យនឹងកើតឡើងយ៉ាងខ្លាំង។ ការប្រឈមដូចជា ជំងឺទឹកនោមផ្អែម កើតកូនមុនកំណត់ ជំងឺធាត់ និងធ្វើឲ្យទារកមានជំងឺទឹកនោមផ្អែមពីកំណើតតែម្ដង។ ម្ល៉ោះហើយ យោងតាមការស្រាវជ្រាវបង្ហាញថា ទំនាក់ទំនងរវាងទម្ងន់របស់ស្ត្រីមានផ្ទៃពោះត្រូវតែយកចិត្តទុកដាក់។ ក្រៅពីនេះ នៅពេលទារកអាយុ១៤ខែដំបូង គេនឹងកើតជំងឺពិបាកដកដង្ហើម ដែលពិតជាជះឥទ្ធិពលខ្លាំងដល់សុខភាពរបស់គេ។ ដូច្នេះ អំឡុងមានគក៍ នារីមានផ្ទៃពោះទាំងអស់គួរតែរក្សាទម្ងន់មិនឲ្យឡើងចន្លោះពី ៨-១២ Kg។
៣. ងូតទឹកក្ដៅ និងសូណា
នៅពេលមានផ្ទៃពោះ ស្ត្រីច្រើនតែមានអារម្មណ៍រមាស់និងឈឺចាប់ក្នុងរាងកាយ ដូច្នេះពួកគេតែងចង់ងូតទឹកក្ដៅ ឬទៅសូណា ជាដើម ដើម្បីឲ្យមានសុខភាពផ្នែករាងកាយ។ ប៉ុន្តែ ពេលកំពុងពពោះ គឺត្រូវរក្សាកម្ដៅរាងកាយឲ្យនៅថេរ និងស្ថិតក្រោមការគ្រប់គ្រងរបស់អ្នកបាន ទើបជារឿងសំខាន់។
ប្រសិនបើអ្នកម្ដាយងូតទឹកក្នុងកម្រិតក្ដៅខ្លាំងពេក នោះសីតុណ្ហភាពក្នុងរាងកាយក៏ខ្ពស់ទៅតាមនោះដែរ។ ម្ល៉ោះហើយ វាអាចប៉ះពាល់ដល់ទារកក្នុងផ្ទៃបាន។ វាជះឥទ្ធិពលធ្វើឲ្យទារកមិនមានលទ្ធភាពប្រតិកម្មផ្សេងៗ និងជួនកាលប៉ះពាល់សុខភាពទាំងម្តាយនិងទារកទាំងស្រុងក៏មាន។ យោងតាមអ្នកជំនាញបានអះអាងថា នៅពេលមានផ្ទៃពោះ អ្នកម្តាយមិនគួរមុជទឹកក្តៅខ្លាំងពេកទេ កាន់តែមិនត្រូវសូណាយូរពេក ដែលជះឥទ្ធិពលដល់សុខភាពបាន៕
អានបន្ត៖ អត្ថប្រយោជន៍ទាំង ៦ របស់ទឹកក្រូចឆ្មាដែលស្ត្រីមានផ្ទៃពោះមិនគួររំលង