៤ កាលៈទេសៈក្នុងជីវិតដែលធ្វើឲ្យអ្នកដឹងពីសំបកមុខពិតរបស់អ្នកនៅជុំវិញខ្លួន

2020-01-16 04:00:00
ចំនួនមតិ 0 | ចំនួនចែករំលែក 0

នៅក្នុងពេលគ្រាអាសន្នទើបយើងស្គាល់មុខមាត់ពិតរបស់មនុស្សជុំវិញ ឃ្លានេះមិនដែលខុសឡើយ សម្រាប់មនុស្សជាច្រើន។ ខាងក្រោមនេះគឺជាកាលៈទេសៈទាំង៤ដែលធ្វើឲ្យយើងនឹងស្គាល់ពីមុខមាត់ពិតរបស់មនុស្សដែលនៅក្បែរយើង។

រូបតំណាង

**១. ពេលជួបអាសន្ន**

ជីវិតប្រៀបដូចជាមហាសមុទ្រមួយដែរ នៅពេលរលកស្ងប់ ទូកណា សំពៅណាក៏មកចត មកចង់ជ្រក ដើម្បីរកចំណូល។ តែនៅពេលព្យុះ មានខ្យល់ អ្នកណាក៏រត់ពួនយកអាត្មាខ្លួនឯង។ ជីវិតយើងក៏ដូចគ្នា ពេលយើងមានបាន មានញាតិច្រើន វាជារឿងធម្មតាទេ តែបើពេលក្រខ្សត់ ហើយគេមិនរត់ចោលយើង នោះទើបប្រពៃ។

២. ពេលឈឺធ្ងន់

ពេលនៅក្មេង យើងមានពេលវេលា និងសុខភាពល្អ ទើបមិនសូវរវល់ពីបញ្ហានេះ។ ប្រឹងរកប្រាក់កាក់ខ្លាំងពេក សុខភាពក៏ដុនដាបទៅៗ។ នៅពេលនេះហើយ ទោះបីជាមានប្រាក់កាក់ច្រើន ក៏មិនមានតម្លៃស្មើមានញាតិមិត្តមកមើលថែ។ បើទោះជាយើងស្ថិតក្នុងកាលៈទេសៈនេះ ហើយគេនៅតែមិនដើរចេញនោះ នេះគឺជាចំណងមួយដែលមិនអាចកាត់ថ្លៃបាន។

រូបតំណាង

៣. ពេលចូលនិវត្តន៍

នៅពេលយើងស្ថិតនៅលើកំពូល មានឥទ្ធិពលនៅក្នុងដៃ ការដែលត្រូវបានគេនៅក្បែរ ស្រលាញ់រាប់អាន វាជារឿងធម្មតាទៅហើយ។ តែនៅពេលយើងចូលនិវត្តន៍ លេងកាន់អំណាចក្នុងដៃ គេនឹងក្រឡាស់មុខ ដូចបាតដៃនោះ មានន័យថាគេចូលក្បែរ ដោយសារឃើញអត្ថប្រយោជន៍របស់យើងប៉ុណ្ណោះ មិនមែនមកដោយមនោសញ្ចេតនាស្មោះឡើយ។

រូបតំណាង

៤. ពេលទទួលមរណភាព

ពេលជិតលាចាកលោកទៅ មនុស្សយើងគឺភ្លឺស្វាងបំផុត នឹងដឹងពីជំរៅចិត្តរបស់មនុស្សគ្រប់រូប ប៉ុន្តែដល់ពេលនេះហើយ ក៏គ្មានពេលវាយតម្លៃគេទៀតដែរ មានតែទទួលស្គាល់ការពិត ចាំបាច់អូសទាញអ្វីទៀត។ នៅពេលយល់ជ្រាបអស់ហើយ នឹងបានបិទភ្នែកយ៉ាងងាយស្រួល៕

អានបន្ត៖ បើចង់ដឹងនរណាចិត្តល្អឬអាក្រក់ អាចមើលតាមលក្ខណៈ៤យ៉ាងនេះគឺច្បាស់តែម្តង

ប្រភព៖ Guu ប្រែសម្រួល៖ Caramel