រឿង ៥យ៉ាងដែលនារីៗចូលចិត្តធ្វើ តែមនុស្សប្រុសមិនចូលចិត្តទាល់តែសោះ

2020-01-14 08:30:00
ចំនួនមតិ 0 | ចំនួនចែករំលែក 0

រឿងមួយចំនួនគឺពេញនិយមបំផុតសម្រាប់នារីៗ តែអ្នកប្រហែលមិនដឹងទេថារឿងទាំងនោះសម្រាប់មនុស្សប្រុសគឺគាត់មិនចូលចិត្តនោះទេ។ ខាងក្រោមនេះជារឿងខ្លះដែលមនុស្សស្រីចូលចិត្តធ្វើ តែមនុស្សប្រុសមិនចង់បានទាល់តែសោះ ៖

១. ពូកែរករឿង ពូកែឈ្លោះ

រាល់ថ្ងៃបើមិនបានរករឿងឈ្លោះមិនអស់ចិត្ត ហើយបើនិយាយពីរឿងវិញគឺចេញមកគ្រប់រឿងមិនដែលខ្វះឡើយ។ ពេលខ្លះរឿងតិចតួចសោះ បង្កទៅជារឿងធំរហូតដល់ឈ្លោះគ្នាទឹកភ្នែកទឹកសំបោរទើបអស់ចិត្ត។ ប្រហែលរឿងបែបនេះមានច្រើនសម្រាប់មនុស្សស្រី ប៉ុន្តែសម្រាប់មនុស្សប្រុសវិញគឺមិនចង់បានទាល់តែសោះ ព្រោះគាត់ហត់ គាត់ខ្ជិលដែរក្នុងការចាំតែខុសបែបនេះ។

រូបតំណាង

**២. ប្រចណ្ឌ**

ចិត្តមនុស្សចង្អៀតណាស់មិនថាម្នាក់ណាទេ តែពេលខ្លះប្រចណ្ឌខ្លាំងពេកក៏អាចប៉ះពាល់ដល់ស្នេហាដែរ។ រឿងនេះមួយគឺមនុស្សប្រុសភាគច្រើនមិនចូលចិត្តតែម្ដង ដូច្នេះបើអាចគួរតែកុំឆាប់ប្រចណ្ឌពេក។

៣. សួរគាត់ថាខ្លួនឯងធាត់ឬអត់?

ជាសំណួរមួយដែលមនុស្សស្រីជាច្រើនឧស្សាហ៍សួរទៅមិត្តប្រុសខ្លួន តែអ្នកប្រហែលមិនដឹងទេថាវាជាសំណួរមួយដែលធ្វើឲ្យគាត់ពិបាកឆ្លើយបំផុត។ ពេលខ្លះចម្លើយរបស់គាត់អាចមិនពិត ព្រោះខ្លាចអ្នកអន់ចិត្ត ដូច្នេះគាត់មិនចង់ឲ្យអ្នកសួរគាត់នោះទេ។

រូបតំណាង

៤. ដើរផ្សារយូរៗ

សម្រាប់អ្នកប្រហែលវាជារឿងដ៏ល្អមួយ តែសម្រាប់គាត់គឺមិនមែននោះទេ។ មនុស្សប្រុសមិនចូលចិត្តដើរផ្សាររាប់ម៉ោងដូចយើងជាមនុស្សស្រីឡើយ ដូច្នេះបើមានគាត់ទៅជាមួយគួរតែកាត់បន្ថយខ្លះ។

៥. Drama នៅលើ Facebook

មានរឿងអន់ចិត្តតិចតួចមនុស្សស្រីចូលចិត្តណាស់ Post ក្នុង Facebook ហើយពេលខ្លះ Drama ទាំងអត់មានរឿងអីទៀត។ រឿងបែបនេះ មនុស្សប្រុសគឺមិនចូលចិត្តសោះឡើយព្រោះវាមើលទៅមិនមែនបែបមនុស្សធំ គឺដូចកូនក្មេងអីចឹង។